1 Corinthians 1
Corinthiansingda Paulna iba ahanba lairik
Khurumjaba amasung Ishorbu thagatpa
1 Ishorgi ningbibagi mapanna Jesus Kristagi pakhonchatpa oina kouraba Paulna amasung eikhoigi ichin inao Sosthenina Corinthiada leiba Ishorgi singlupta, 2 Haibadi, asengbasing oina kouraba, Christa Jesusda sengdoklaba makhoida amasung eikhoigi Prabhu makhoigisu eikhoigisu oiba Jesus Christagi mingbu koujaba, mapham khudingda leiba pumnamkta khanghanjari.
3 Eikhoigi ipa Ishor amasung prabhu Jesus Christadagi thoujal amasung ingthaba nakhoida leibisanu.
4 Christa Jesusda leiba nakhoida pikhraba Ishorgi thoujal adugi damak eina nakhoigi maramda matam leiba khibikta Ishorbu thagatchei; 5 Adudi Ibungoda leiduna nakhoidi maram khuding makta wangang pumnamakta amasung mahei pumnamakta hengatle; 6 Asumna Christagi marida sakhi adu nakhoigi narakta chethanbire; 7 Maram aduna eikhoigi prabhu Jesus Christa phongdokpa adugi damak ngaijaduna nakhoida khudon phangnaba karisu watte; 8 Aduga eikhoigi prabhu Jesus Christagi numit aduda maral leitanaba, Ibungona nakhoibu mameiphaoba chethanbigani. 9 Ishordi thajaba jabani, Ibungo mahakki mapanna macha nipa Jesus Christa haibadi eikhoigi prabhugi marup mapang oinaba nakhoibu koubire.
Singlupki manungda tokhai tanaba
10 Houjik, he ichin inaosa, nakhoi pumnamakna hiram amata ngangnanaba, amasung nakhoigi narakta kainaba leitana pukning amata amasung wakhal amata oina taisinnanaba, eina eikhoigi prabhu Jesus Christagi ming sonjaduna nakhoida haijari. 11 Maramdi, eigi ichin inaosa, nakhoigi narakta khatnaba leinari haiduna Khloigi imung manungna eingonda tamle. 12 Adudi asini, nakhoi khudingna, eidi Paulgini, eidi Appollogini, eidi Cephasgini, eidi Christagini, hainei.
13 Christabu yennarabra? Nakhoigi damak Paul bu crossta hatlabra? nattraga nakhoibu Paulgi mingda baptist tourabra? 14 Nakhoina eigi mingda baptist loure haina kanagumba mina haigani haiduna, Krispa amasung Gaiusbu nattana 15 Eina nakhoi kana amatabu baptist toubide haiduna eina haraojei. 16 Aduga eina Stephanagi imungbasu baptist toubikhi; asi nattana eina atei kanagumbabu baptist toubikhi haiba khangde. 17 Maramdi baptist tounaba Christana eibu thaba natte, adubu Christagi cross aremba oidananaba waheigi lousing yaodana, aphaba wapao adu sandoknaba thabibani.
Crosski panggal
18 Maramdi crosski wa asi manglibasingdadi apangbani, adubu kanbiriba eikhoidadi Ishorgi panggalni. 19 Maramdi masi ikhrabani,
Eina asingbasinggi lousing adu manghan-gani, aduga khanba heibasinggi wakhal adu eina karisu nattaba oihan-gani.
20 Asingba mi kadaida leibage? Sastragi ojha kadaida leibage? taibangpanba asigi marei yetnaba heiba mi kadaida leibage? Taibangpanbagi lousing adu Ishorna panghanba nattra? 21 Maramdi Ishorgi lousingda taibangpanbana makhoigi lousinggi mapanna Ishorbu khanglamdaba maramna aphaba wapao sandokpagi apangba thabak adugi mapanna thajabasingbu kanbinaba Ishorna phei haina ningle. 22 Marimdi Jewssingna khudam thi aduga Greeksingda lousing thi; 23 Touigumsung eikhoidi crossta hatkhraba Christabu sandok-i; crossta hatkhraba Christa asi Jewssingda khudi thinapham amasung atoppa jatsingda apangba oi; 24 Adubu koubiraba Jewssingdasu Greeksingdasu Christa asi Ishorgi panggal amasung Ishorgi lousing oi. 25 Maramdi Ishorgi apangba aduna mishingdagi henna singi, aduga Ishorgi asonba aduna mishingda henna kalli.
26 Maramdi, ichin inaosa, nakhoigi koubiba yengu, haibadi, hakchanggi matung inna singba yamdabani, kanba yamdabani, achou asangba yamdabani; 27 Touigumsung asingbasingbu ikaihannanaba, taibangpanbagi apangba adu Ishorna khalle; aduga akanba adu ikaihannanaba, taibangpanbagi apangba adu Ishorna khalle;
28 Amasung oiriba adu karisu nattaba oihannanaba, taibangpanbagi atonba adu, usittaba adu amasung oidaba adu Ishorna khalle; 29 Kana amatana Ishorgi mingda napal toudananabani. 30 Adubu Ibungo mahakki mapandagi nakhoidi Christada lei; Ibungodi eikhoigi damak Ishordagi lousing dharmachenba, sengdokpiba amasung handokpiba oirakle; 31 Napal touba mahak aduna Prabhugi maramda napal tousanu haiduna ikhraba matung inna oinanabani.