Job 1
1 Uzgi lamda Job kouba nupaa amaa leirammi. Job araanba thabak amatta touramde matam leibada aphaba amadi achumbakhakta tourammi. mahaak Eesor-bu chetna ningjarammi adugaa phattaba thabak keidoungeidasu touramde. 2 Job machaa-nupaa taret adugaa machaa-nupi ahum poklammi. 3 mahaakki yaao 7,00, ut 3,000, sanpot khoiba yaraba sanlaba juraa 500, haameng amom 500, amadi manaai masan kayaamarum leirammi. Nongpoklomda leiriba leibaaksinggi manungda mahaakna enaak khunba ehen hellammi.
4 mahaakki machaasingna palli naaina chaakkhanglammi. Masida makhoyna machan ahumdubu eetat-tattana baarton pikhi. 5 ayuk khuding chakchaba loiraba matamda Jobna mahaakki machaasingbu erat thouni touduna sengdokpirammi. Mahaakna meida thaaduna touba thou touduna machaasinggi masing waattana paangthokkhi. Mahaakna haaykhi, “eigi echaa singna araanba thabak toukhiramba yaai adugaa khangdana Eesor-gi makada araanba sajat chatlamba yaai. "Thousi Jobna atatpa leitaana paangthokkhi.
6 Nongma dutsingna Eesor-gi mamaangda changjarakpa matamda seitaansu yaorakhi. 7 Eesor-na seitaanda hanglammi, “nahaak houjik kari kari touri?"
seitaanna khumlammi, "taaibang maalemda koyna chatchari."
8 Eesor-na hanglammi, "Eigi enaai Job kouba amaa leibadu nahaak khangbra?" maalemda mahaakkumna aphaba amadi achumba thabak touba, eibu kina chatchaba adugaa keidoungeidasu phattaba thabak toudaba mi amaa leitre." 9 Seitaanna khumlammi, "ebungngobu thaajabadudagi karisu phangningai leitrabadi Jobna ebungngobu khurumloi. 10 ebungngona mahaak amadi mahaakki emung manungbu ngaakpi senbi adugaa mahaakna touruba khudingda ebungngona mahaakpu kubiri. maramsina maalemda mahaakki lan thum asum hen-gatlakliba. 11 adubu karigumba mahaakki leijariba pumnamaksi ebungngona louthokpikhiba thoklabadi, ebungngo-gi mangmaktada mahaakna ebungngobu cheigani."
12 Eesor-na Seitaanda haayrammi, "phare, mahaakki leijariba pumnamak nahaakki nakhutta sinnare. adubu mahaakki masadi sokhanba yaade. maasi haaynaraba matungda Seitaan khongsankhre.
Jobki machaasing amadi maraan-mathum mangba
13 Nongma Jobki machaa-nupaa amadi nupising ehaan haanba machaa-nupaagi mayumda chaak chanaringeida 14 Jobki manaakta paaopuba amaa laaklaga haayrammi, "eikhoi sanpot khoyduna leirammi. Matamduda lolasingdu manaak nakpa sanjabungda sajik chaaduna leirammi. 15 saabangi misingna laandaraktuna saasing loina hurankhre adugaa ebungngo-gi nanaaisingsu makhoyna hatkhre. Makhoygi marakta laaibak phaaduna hinghouribasi eikhaktani. maramsina eina paaosi pujaraklibani."
17 asumna nupaaduna paao tamba loidringeida atoppa manaai amasu laaklaga haayrammi, "Chaldeansingna kaanglup ahum thokna laaklaga eikhoybu maaythiba piduna lolasingdu loina pukhre. ebungngo, nanaaisingdu loina hatkhre. nanaai eidi laaibak phaaduna hingjahoubani."
18 Mahaakna paao tamlibadu loiram loiphatringeida atoppa manaai amaa laaklaga haayrak-e, "ebungngo nachaa-nupaa ahan-gi yumda ebungngo-gi nachaa mayaam chaak chanaduna leiringeida 19 Leikang lamdagi akanba nonglei laaktuna yum ningkhaaikhi. Masida makhoy loina sire. nanaaikhakta laaibak phaaduna hinghourabani." 20 Awaaba maaythong puduna Jobna maphi segaayrammi. Maru koktuna leida marai luktuna awaaba khangkhi. 21 Mahaakna haayrammi, "eina poklakpa matamda etomta laakkhi adugaa siba matamdasu etomta chatpa taabani. Eesor-na pinabikhibani adugaa houjik matam oiraduna pibikhiba pumnamak amuk lousinbikhre. ebungngo-gi minglendu thoina chaao-khatpa oisanu."
22 Thoudok-singsi thengnadunasu Jobna Eesor-bu chei thaangduna araanba langsinjakhide.