Revelation 22
22 Adugi matungda sahar adugi lamjaogi mayaida Ishorgi amasung yao macha adugi phambaldagi thoklakpa, liklaigumna langba, hingbagi ishinggi turel ama mahakna eingonda uhalle. 2 Amasung turel adugi mapan amaromdasu amaromdasu mahei makhal taranithoi panba hingbagi upambi leirammi, madugi mahei tha khuding palli; aduga upambi adugi manana jatsinggi anaba phanabagi damak okrammi.
3 Amasung sirap phanglaba karigumba amuk hanna leiraroi. Aduga sahar adugi manungda Ishorgi amasung yao macha adugi phambal leigani, amasung Ibungo mahakki minaisingna Ibungo mahakpu thouganjagani; 4 Aduga makhoina Ibungo mahakki maithong ujagani, amasung Ibungo mahakki ming makhoigi maraibakta leigani. 5 Aduga ahing a muk hanna leiraroi; amasung makhoida thaomeigi amasung numitki mangal kanaba leitre, maramdi Prabhu Ishor aduna makhoida nganbigani; aduga makhoina lomba naidana ningthou oina pan-gani.
Aroiba wa
6 Amahiksung mahakna eingonda hai, wasing asi thajaba yaba amasung achumbani; aduga Ishorgi wa takthokpa singgi thawaigi prabhu Ishor aduna soidana thuna thokkadaba waram adu Ibungo mahakki minaisingda unhannanaba Ibungo mahakki dut thabire. 7 Aduga yengu, ei thuna lakkadouri. lairik asigi takthokpa wa makhei adu ngakchaba mahak adu yaiphabani.
8 Amahiksung asisingbu taba amasung uba mahak adu John eini. Aduga eina taba amasung uba matamda, asisingbu eingonda uhanbiba dut adugi khuyada khurumjananaba eina tuthajare.
9 Amasung mahakna eingonda hai, khangu, masi nahak touganu; eidi nahakka, Ishorgi wa takthokpa nachin nanaosingga, amasung lairik asigi wa makhei adu ngakpasingga minai oiminnajabani. Ishorbu khurumjou.
10 Maduda mahakna eingonda hai, lairik asigi takthokpa wa makhei adu chum namsinganu, maramdi matam naksille. 11 Dharmachendaba mahak aduna dharmachendana adumna leiramsanu, aduga amotpa mahak aduna motna adum leijasanu; amasung dharmachenba mahak aduna dharmachenba adu adumna touramsanu, aduga asengba mahak aduna sengna adumna leijasanu.
12 Yengu; ei thuna lakkadouri; aduga eigi mana adu mi khudingda magi magi thabak toukhibagi matung inna pibinanaba eiga loinarakli. 13 Eidi Alpha amasung Omega ahanba amasung akonba, ahouba amasung aroiba aduni. 14 Makhoina hingbagi upambi adu tanna laknabagi matik phangnanaba, amasung sahar adugi manung tana panthong panthongda changnanaba, makhoigi achonba phi sudokchabasing ado yai, phabani. 15 Huising, hidam yaidambasing, marumbi thabak toubasing, mihatpasing, lai murti latpasing amasung minam chinthiba pamba amasung touba mi khuding mapanda lei.
16 Jesus eina singlupsinggi damak nakhoida waramsing asi sakhi pinanaba eigi dut thare. Eidi Davidki mara amasung dhara, arangba thawanmichak sajik aduni.
17 Thawai adunasu mou anoubi adunasu hai, lak-u. aduga ataba mahak aduna, lak-u, haisanu. Amasung khourangba mahak aduna lakchasanu, apamba mahak aduna hingbagi ishing adu lemna thakchasanu.
18 Lairik asigi takthokpa wa makhei taba mi khudingda eina sakhi piri: kanagumba mina wasing asida hapchillabadi, Ishorna mangonda lairik asigi manungda ikhraba cheinakhon adu hapchinbigani;
19 Aduga kanagumba mina takthokpa wa asigi lairikki wa makhei adudagi louthoklabadi, Ishorna hingbagi upambidagi amasung asengba sahar adudagi, haibadi lairik asigi manungda isinkhraba adudagi, magi saruk louthokkani.
20 Waramsing asi sakhi piraba Ibungona hai, hoi ei thuna lakkadouri. Amen. Lengbirak-u, prabhu Jesus:
21 prabhu Jesus Christagi thoujal asengbasingga loinabisanu. Amen.
****************