Nehemiah 11
Jerusalemda leiba mishing
11 Luchingbasingna Jerusalemda khundaduna leikhi adubu miyamgi oinadi laibak chang yengnaduna sagei amadagi imung taragi manungda amamamdi Jerusalemda leinanaba sindokkhi. Ateisingdi tonganba saharsing amadi khunsingda leiba tarammi. 2 Jerusalemda leijage haina chongthorakpa kanagumba yaobasingdu miyamna thagatnarammi. 3 Atei sahar amadi khun-singda purohitsing, Israelgi mishing, Levising, ningnashanggi thabak subasing, amadi Solomon-gi manaisinggi charon surondu masa masagi leijaba lamsingda mayum saduna leikhi.
4 Judahgi mishinggi maraktagi Jerusalemda leikhiba mishingdu makhada pallibasini:
Judahgi sageigi mishing: Perezdagi hourakpa Mahalalelgi macha Shephatiahna pokpa Amariahgi machanupa Zechariahna pokpa Uzziahgi macha Athaiah. 5 Selahna pokpa Zechariahgi macha Joiaribna pokpa Adaiahgi macha Hazaiahna pokpa Kol-Hozehgi macha Baruchna pokpa Maaseiah. 6 Jerusalemda leikhiba Perezgi machasingdu punna chamariga humphu oirammi aduga nipal amadi yamna phaobasingni haina khangnarammi. 7 Benjamin-gi sageigi mishing: Joedki masunupa thokpa Sallu. Mapagi mimingdi Meshullam kourammi. Mahakki chAron-gi manungda ateidi Pedaiah, Kolaiah, Ithiel amadi Maaseiah. 8 Sallugi naknaba mari mata thoknaba Gabbai amadi Sallai. Punna Benjamin-gi mi chamapan kunnipal Jerusalemda leirammi. 9 Zikrigi machanupa Joelna makhoigi luchingba oirammi. Saharda leiriba phamnaibasinggimanungda Hassenuahgi machanupa Judahna mathang chatpa ama oirammi. 10 Joiaribki macha Jedaiah amadi Jakin, 11 Ahitubki macha Meraiothna pokpa Zadokki macha Meshullamna pokpa Hilkiahna Seraiah pokkhi. Mahak ningnashanggi phamnaiba ama oirammi. 12 Pelaliahgi machanupa Jerohamgi machanupa Adaiah. Mahakki charon surondi Amzi, Zechariah, Pashhur, amadi Malkijah oirammi. 13 Hairiba sageisigi apunba mishing imunggi makok oiribatuta loubadata chani niphunithoi surammi. Ahzaigi machanupa Azarelna pokpa Amashsai. Mahakki charon surondi Mesinlemoth amadi Immer oirammi. 14 Hairiba sageisigi maming chatlaba lanmi chamma kunnipal leirammi. Maming chatlaba imung amadagi hourakpa Zabdielna makhoigi luchingba oirammi.
15 Levising:
Azrikamgi machanupa Hasshubna pokpa Semaiah. Mahakki dharadi Hasabiah amadi Bunni oirm-i. 16 Ningnashanggi mapanda pangthokpa thabaksing puriba Levisinggi manungda maming chatlaba Shabbethai amadi Jozabad. 17 Asaphtagi hourakpa Zabdigi machanupa Mikana pokpa Mattaniah. Thagat ishei sakpa matamda ningnashanggi ishei sakpasingdugi luchingba oirammi. Mattaniahgi mathangda leiba Bakbu-kiah. Jeduthun-gi charon oiriba Galalna pokpa Shammuagi machanupa Abda. 18 Asengba sahar Jerusalemda Levising punna chaniga mari leirammi. Ningnashang ngakpasing: Akkub, Talmon amadi makhoigi mari matasing tharaga punna chammaga humphutaranithoi.
20 Masida mashing thibada yaodaba Israelgi mishing amadi purohitsing aduga Levisingdu makhoigi masagi saharsingda nattraga Judahgi atei saharsingda khundaduna pankhi. 21 Ningnashangda thabak touriba mishingdudi Jerusalemda leiriba Ophel kouba maphamduda leirammi aduga makhoina Ziha amadi Gishpagi makhada thabak surammi.
22 Jerusalemda leiba Levisinggi thabak pannaba nupadu Hasabiahgi machanupa Banina pokpa Uzzi oirammi. Mahakki charondi Mattaniah amadi Mikani aduga makhoisi Asaphtagi hourakpani. Makhoina ningnashangda sakliba ishei semgatkhi. 23 Asumna ningnashangda numit khudinggi ishei saktuna seba changba matamda mathou pugadouba mishinggi cheiron thakhi.
24 Pethahiahgi ningthougi loishangda Judahgi sageigi Zerahgi imungdagi houkhiba Meshezabelgi machanupa Pethahiah yaorammi.
Atei saharsingda leikhiba mishing:
25 Ayamba mishingna sahargi manakta leiba makhoi masagi louphamda yum saduna leinakhi. Judahgi sageigi mishingna Kiriath Arba, Dibon amadi Jekabzeel amadi manak nakpa saharsingda khundakhi. 26 Masidasu nattana makhoina Jeshua, Moladah, Beth Pelet, 27 Hazar Shual, Beersheba, amadi manak nakpada leiriba lamsingda leikhi. 28 Ziklag, Mekonah amadi masigi manakta leiriba khunsing, 29 Rimmon, Zorah, Jarmuth 30 Zanoah, Adullam amadi masigi akoibada tariba khunsingdusu leikhi. Lachish amadi akoibada tariba khunsing aduga Azekah amadi akoibada tariba khunsingdusu leikhi. Judahgi mishingna khada Beersheba aduga awangda Hinnomgi tampaktu phaoba sandokkhi.
31 Benjamin-gi sageigi mishingna Geba, Mikmash, Aija, Bethel amadi akoibada leiriba khunsingda leikhi. 32 Makhoina Anathoth, Nob amadi Ananiah, 33 Hazor, Ramah, Gittaim, 34 Hadid, Zeboim, Neballat, 35 Lod amadi Ono, aduga akoibada tariba khunsing aduga khutsa heiba mishingna tariba tampakta khundakhi. 36 Judahgi lamda leikhiba Levisingdu Benjamin-gi sageigi mishingga leimina nanaba yathang pikhi.