Colossians 4
4 Mapusa, swargada nakhoygisu mapulei haayba khaangduna, nakhoygi nanaaisingda chumna amasung phajanaa toubiyu.
2 haayjabada thaagatpaga loynanaa mitseng khaangduna, pukning changna eetat-tattana leiyu;
3 Matam adumakta eikhoygidamaksu, Christagi athuppa waa adu ngaangnaba, Eesor-na waa adugi maramda eikhoygidamak thong haangdokpinanaba haayjabiyu; athuppa waa adugi maramna eisu apunbada leiribani. 4 Ei ngangpham thokpagumna eina maadu phongdokchaananaba haayjabiyu. 5 achaaba matam leiduna, mapaanthongda leibasinglomda singna chatlu, 6 nakhoyna mi khudingda karamna khumgadaba khangna-naba, thumgum haohanduna, thoujan-ga loynanaa matam leiba khibikta nakhoygi waa ngaangba oisanu.
Misak paanna khurumjaba amasung aroiba wa
7 Thaajaba yaaba thougan touba mi Eesor-da manaai oiminnaba amasung achaanba echin-enaao oiba Tukhikana eigi maramgi waa pumnamak nakhoyda khanghanbigani. 8 nakhoyna eikhoygi maram khangna-naba amasung mahaakna nakhoygi thamoi themjinbinanaba, maram asimakki damak mahaakpu eina nakhoy taanna thane; 9 nakhoygi naraktagi oiba, thaajaba yaaba amasung achaanba echin-enaao Onesimabu enahaakka loynanaa thane. makhoyna mapham asigi maram pumnamak nakhoyda khanghanbigani.
10 eigaa phaadok oiminnaba Aristrakhana, Barnabasgi machin manaao thokpa Marakna (Mahaakki maramna nakhoyna yaathang phangle; mahaakna laaklabadi, lousinbiyu), 11 Amasung Justh kouba Jesus-na nakhoybu khurumjari; un kakpagi oiba makhoy asitana Eesor-gi leibaakki damak eigaa thabak suminnabani, makhoy eingonda themjinbiba oire.
12 nakhoygi mi oiba, Christa Jesus-gi manaai epaphrana nakhoybu khurumjari; nakhoyna Eesor-gi ningba pumnamakta ch-ngkhonna amasung areppa pukningna lepnanaba, nakhoygi damak mahaakki haayjabada matam leiba khibikta kanna haayjari. 13 maramdi mahaakna nakhoygi damak, Laiodikeyada amasung Hiyarapolida leibasinggi damak thoidokna nommi haayba eina mahaakki saakhi piri.
14 eikhoygi achaanba maaiba Lukna amasung Deimana nakhoybu khurumjari. 15 Laiodikeyada leiba echin-enaaosingda, amasung Numphada, adugaa mahaakki yumda tinaba seenglupta eina khurumjei.
16 Amasung laairik asi nakhoygi narakta paaba loirabada, Laiodikeyasinggi seengluptasu maadu pananaba amasung Laiodikeyadagi laairik adu nakhoynasu pananaba, toubiyu. 17 adugaa nahaakna Eesor-da phangkhraba thougan adu thungna-naba pukning thingjillu haayduna Arkhippada haaybiyu.
18 Paul eigi khurumjaba ekhutmakna ejabani. Eibu pulliba ningsingbiyu. Thoujaal nakhoyga loinabisnu.