Jeremiah 9
9 Oiramlabadi ikoksi achouba eepak, oiramlabadi imitsi ishing iphut, kaplamgadabani eina ahing nungthin animakta ningsingduna eigi mishinggi aroibadu.
2 Phanglamlabadi lamhangda lambel mapanda theidoktuna leirunaba eihak mapham ama, uramloidabani eigi mishinggi matousi. Oire makhoi lamchat chumdaba, ngangli makhoina oidaba ba.
3 Tenga thongduna leiraba tengummi makhoigi mareidu, achumba ngangdaba minambaduna leibaksi lakhatle, makhoina pap ama thadoktuna atoppa ama toui, eibu makhoina thousade, masimak Ishor-na takpiriba wani.
4 Nakhoina tinnariba marupsingdubu khu sellu, nachin nanao phaobada thajarunu. Mayambana manaogi mapham mulli, marupna marupki mapot mulli,
5 Makhoina marup mapang phaoba namthak toui, ngangde makhoina achumbadu keidoungeidasu, minamba ngangnnaba makhoina tamli, papta lupkhiba maramna makhoi achumbada lakpa ngamde.
6 Aranba amagi mathangda aranba ama, minamba amagi mathangda minamba ama, makhoina eibu lousingge haide, masimak Ishor-na takipikhiba wani.
7 Maramsina nongthak nongkha anigi Ishor-na asumna haibiri: Eihak makhoigi mathou shangba nupaduni. Maramsina makhoibu mathi tanthokkani, Eigi mishing bu Eina matou karamna hundokpa ngamgadage?
8 Tamthiraba tenjeigumna oiri makhoigi mareidu, machinda ngangli makhoina oidaba wa. Mapanthongda amana atoppa amada thotna nouna ngangi, adubu manungdadi mahakki mayokta lang thak-i.
9 Ishor-na takpiri, masigidamak makhoibu eina dandi piroidra? Asigumna lamchat chatpa mishing sigi mathakta laman khumroidra?
10 Chingthakta thok-han-gani eina mikap miraokhon, tahan-gani lamhangda leiriba sanjabungda tengthaba, kana ama phaoba chatpa yadanaba hairiba maphamsingsi manghallabani, sha-uchekna khongba makhon tadre, nongmadon amadi labukta leiriba cheklasinggi marupanasu leitre maphamduda.
11 Oihangani eina Jerusalembu mang taknaba mapham ama, sahangani makon lamhuisinggi, Judahgi saharsingdu mi tadaba leikangla oiraba mapham ama oihangani.
12 Waphamsi khangba ngamba nupadu kanano? Kanagi maphamda masi phongdoklunaba Ishor-na wa haibikhrabage? Leibaksi karigidamak leikangla oiraba lamhanggumna mang taklibano? Karigi mi ama phaoba maphamsi phaoduna chatpa yadribano? 13 Ishor-na takpiri, "Eina makhoida pikhiba puyadu indaba amadi makhoina eina haiba wadu indaba aduga madugi matung inna chattaba, 14 Makhoina akanba thamoiduna chingduna Baalgi matung inkhiba makhoigi mapa mapusingumna tourammi. 15 Maramsina Israelgi Mapu Ibungo nongthak nongkha anigi Ishor-na wasingsi hairi: mishing sibu eina tin pijagani. Pigani makhoida eina akhaba hudu. 16 makhoina amadimakhoigi mapa mapuna masak amukta khangkhidriba mishingda eina pithokkani. Makhoibu loithoktriba phaoba eina thangna makhoibu kakkani.
Israelna tengthanaba haijaba
17 Nongthak nongkha anigi Ishor-na takpiri: tengthaduna leiribi nupisingu maphamsida laknaba pao chellu, tengthaba heiraba nupisingdu koukhatlu.
18 Laksanu makhoina khonglei thuna aduga kaplasanu eikhoigi iramda, chentharaknaba eikhoigi mittagi pirangdu, chotnnaba eikhoigi imitta pirangna,
19 Taro, taro, Zionda tengthaba ama tare, matou thina eikhoi mangledo, maong thina eikhoi ikaiba nangledo. Thadoklamle eikhoina eikhoigi leibak, ningkkhaihankhre eikhoigi yumsingdu.
20 He nupi oiribisa, Ishor-gi wasingsi taro, mahakna utpiraklibadu nakhoigi namitna unanaba houtnou, nachanupasingdu tengtharon tambiyu, amana amada tengtharonsi tambisanu:
21 Asingba kouba laiduna kare eikhoigi mihutthongda, changlakle masina eikhoigi iyumda, humdokli masina angangsingbu ahangba lamhangda, tanthokli masina naha oiribasingbu lambidagi.
22 Ishor-na wasingsisu takpiri: makhoina siba matamda labukta thi tabagum tagani habengliba kanagumba migi matungda tariba hapugumna, taduna leihouba matamda kananasu makhoibu loukhatpiroi.
23 Ishor-na asumna takpiri: "Asingba kanana mahakki asingba lou-singduda masabu thagattasanu. Akanba midunasu masagi mapangalduda napan toujadasanu. Inak khunba midunasu mahakki lan thumduda yengduna matik mayai leire haina ningdasanu. 24 Kanagumba matik mayai leire haina thagatcharibasingduna eibu masak khangba thagatpa oisanu. Khangsanu mahakna malemsida thoujan, achumba amadi asengba touriba mapudu Ishor oiriba Eini haiba. Maramdi asigumba potsida eina harao tayami. Masimak Ishor-na takpiri.
25 Ishor-na takpiri: yengu, eina un kakpa mishing adubu houjikti un kattabagumna touribasingdu dandi pigadaba matamdu lakle. 26 Egypt, Judah, Ammon-gi macha, Edom loinana lamhangda leiriba masam kakpa Moab kangbudubu dandi pigani. Maramdi hairiba jatsingsi un kakte. Aduga Israelgi mishingdu thamoi sengde.