Luke 2

Jesus pokpa

( Matthew 1.18-25 )

2 Matam aduda asum thoklare, taaibang-paal pumnamakki mikok thiyu haayduna Augustus Caesardagi yaathang laakle. 2 Quiriniusna Syriagi mapu oiringeida mikok thiba asi ahaanba oirammi. 3 Amasung mi khudingna maagi maagi khunda maming enanaba makhoy pumnamak chatli. 4 adugaa Josephsu Galileegi Nazareth saharadagi Judeagi Bethlehem kouba Davidki sahar taanna kaarakle, maramdi mahaak Davidki saagei amasung emung oirammi; 5 mahaakka waa loynarabi mirol-libi Mary adugaa loynanaa maming enanabani. 6 asum thoklare, makhoyna aduda leiringeida, mahaakna angaang unagadaba numit adu sure. 7 Amasung mahaak ahaanba machaa nupaa amaa pokle, adugaa maabu phina yomduna, saa thaaknaba khudengda hiphalle, maramdi mithung-sangda makhoygi damak mapham leiramde.

8 Amasung lam aduda yaaosenba kharana loubuk lamhaangda lektuna, makhoygi yaao sanggu ahingda ngaklammi. 9 Amasung Eesor-gi dut amaa makhoygi manaakta leplare; adugaa Eesor-gi matik mangaanna makhoygi akoybada ngaan-bire; maaduda makhoy yaamna kire. 10 adubu swarga-dut aduna makhoyda haay; kiganu maramdi yeng-u, mi pumnamakki oigadaba, yaamna haraaoba aphaba waapaao eina nakhoyda pubirakli; 11 maramdi ngasi Davidki saharda nakhoygi damak kanbiba mapu pokle; ebungngo mahaakti Christa Eesorni. 12 adugaa nakhoygi damak khudam asini, nakhoyna phina yomba angaang amaa,  saa thaaknaba khudengda hipliba phanggani. 13 Amasung khudak adumaktada swargagi kaanglup mayaam dut adugaa loynaraduna Eesor-bu thaagatlak-e:

14         "Khwaai-dagi henna waangbada Eesor-bu thaagatpa, adugaa taaibang-paanda ebungngobu pelhalliba misinggi marakta engthaba."

15 asum thoklare, swarga-dut singna makhoydagi swargada kakhat-khraga, yaaosenba singna amaaga amaga haaynarak-e, eikhoyna houjik Bethlehem taanna chatkhiduna, eikhoyda Eesor-na khnghan-bikhiba thokliba waa asi yenglusi. 16 Amasung makhoyna thuna laaktuna, Mary amasung Josephpu adugaa saa thaaknaba khudengda hipliba angaang adubusu phanglare. 17 adugaa makhoyna urabada, angaang asigi maramda makhoyda haaykhiba waa adugi marida makhoyna khnghalle. 18 Amasung ataaba pumnamakna yaaosenba singna makhoyda haaykhiba adugi maramda ngakle. 19 touegumsung Maryna mapukningda maon maon khanduna, haayriba pumnamak asi ngaklammi. 20 Amasung yaaosenba singda haaykhiba adugumna, taaraba amasung uraba pumnamak adugi damak makhoyna Eesor-gi matik mangaan saktuna amasung ebungngo mahaakpu thaagattuna hankhi.

21 Amasung un kaknabagi damak numit nipaanni surabada, ebungngobu mirondringeina swarga-dutna thonkhibagum, ebungngo-gi ming Jesus tholle.

Jesus-bu Eesor ningna sangda pukhatpa; Simeon amasung Annanana Eesor-bu thaagatpa

22 Amasung Mosesgi waayel yaathang adugi matung ennaa makhoygi sengdokpagi numit surabada, Eesor-da katchaana-naba 23 Eesor-gi waayel yaathang adugaa ekhrabagumna, haanna pokpaa nupaa khudingbu Eesor-da asengba kougadabani, 24 Amasung Eesor-gi waayel yaathang aduda ekhibagi matung ennaa lamkhunu pu amaa nattraga khunu machaa ani bali tounanaba ebungngobu makhoyna Jerusalemda pukhatle. 25 adugaa yeng-u, Simeon kouba mi amaa Jerusalemda leirammi, amasung mahaak asi Israelgi apha-nungaiba ngaijariba, dharma chenba amasung Eesor-bu chetna ningba mi oirammi; adugaa thawaay asengbana mahaakki mathakta leirammi. 26 Amasung mahaakna Eesor-gi Christa adubu udriba phaaoba,asiba uroi haayduna thawaay asengbagi mapaanna maangonda phongbiramle. 27 maaduda thawaayna tongduna mahaakna Eesor ningna sangda changlakle; adugaa waayel yaathang adugi hounabi matung ennaa ebungngo-gi damak toubina-naba, mapaa mamaana angaang Jesus-bu pusil-laklabada, 28 Mahaakna ebungngobu pamduna, Eesor-bu thaagat-charak-e:

29 Eesor, ebungngo nahaakna haaybibagi matung ennaa houjik ebungngo nahaakna nanaaibu engthana thaadokpi,

30 maramdi jaat pumnamakki mamaangda ebungngo nahaakna thouraang laangbiraba

31 ebungngo nahaakki araan khubam adu eigi emitna ujare;

32 ebungngodi atoppa Jaatsingda phongdok pina-naba gidamak mangaan, amasung ebungngo nahaakki mi, Israel jaatki matik mangaan oibi.

33 Amasung ebungngo-gi mapaa mamaana ebungngo-gi maramda haaykhiba waa aduda ngaktuna leirammi; 34 adugaa Simeonna makhoybu bor piduna, ebungngo-gi mamaa Maryda haayrak-e, yeng-u, angaang asi Israelgi marakta ayaambagi taathanaba amasug kaakhatnabagi damak, adugaa yaadabagi khudam oinaba thambani; 35 Amasung kabaak-thaangna nangmakki thawaayda thingani; aduna ayaambagi pukningdagi waakhal makhei phongdok nanabani. 36 Amasung Ashergi salaai, Phanuelgi machaa nupi Anna koubi Eesor-gi waa taakthokpi amaa leirammi mahaakti mayum naaingeidagi mapuroibaga chahi taret paannaraga, 37 Chahi 84 phaaoba lukhra oibi, chahi yaamna lirabi oirammi). Mahaakna ahing nungthil chara  henba amasung haayjabaga loynanaa khurumjaduna, Eesor ningna sang thaadoklamde. 38 adugaa pungja adumaktada mahaakna kaaraktuna Eesor-bu thaagat-chaaduna, Jerusalem handokpiba ngaijaramba pumnamakta ebungngo-gi maramda ngaangthok pirammi. 39 Amasung makhoyna Eesor-gi waayel yaathang adugi matung ennaa thabak pumnamak loirabada, makhoyna Galileeda makhoy-makki sahar Nazareth taanna hn-khre.

Jesus-na nahaa oiringeigi waaram

40 adugi matungda angaang adu asum chaaokhatlaktuna, mapaanggal kallak-e, amasung lousingna thallak-e; Eesor-gi thoujaannasu ebungngo maangonda leirammi.

41 Amasung ebungngo-gi mapaa mamaana chahi chahigi araan-chaak khaangbada Jerusalemda chatlammi. 42 Amasung ebungngona  chahi taraanithoi surabada, chaak khaangbagi hounabi matung ennaa makhoyna kaarakle, 43 adugaa numit sing adu loiraga, makhoyna asum hallakpada, nupaa machaa Jesusdi Jerusalemda leihou-e,  amasung ebungngo-gi mapaa mamaanadi maadu khangde. 44 touegumsung ebungngodi chatminnaba kaanglup marakta yao-e ningduna makhoyna nongmagi lambi chatlakle, adugaa makhoygi saagei amasung khangnaba-singgi marakta makhoyna ebungngobu koythi thirammi; 45 adubu makhoyna ebungngobu phangdrabada, thira thiraduna, Jerusalem taanna hal-lakle. 46 asum thoklare, numit humnigi matungda makhoyna ebungngobu Eesor ningna sang manungda ojaasinggi waa taaduna amasung makhoyda hangduna mayaaida phamlamba phangle. 47 adugaa ataaba pumnamakna ebungngo-gi heisingba amasung paaoukhum makhei aduda chamam-narammi. 48 Amasung makhoyna ebungngobu urabada, engak ngakladuna mamaana ebungngo-da haay, echa, nangna eikhoyda asumna touba kargino? Yeng-u, napaaga eigana nungsa thiduna nangbu thirammi. 49 maaduda ebungngona makhoyda haay, nakhoyna eibu thiba asi karigino? eidi epaagi yumda leipham thokpa-makni haayba nakhoyna khnglamdra? 50 Amasung ebungngona makhoyda haayba waa adu makhoyna khangde. 51 adugaa ebungngona makhoyga loynanaa kumtha-khiduna Nazarethta lenglakle, amasung makhoygi maakha ponna leirammi; adugaa ebungngo-gi mamanadi haayriba pumnamak asi mahaakki thammoida chetna thamlammi. 52 Amasung Jesus lousingda, saabaanda amasung Eesor-ga misinggana chaanbada hen-gatlammi.