Acts 18
Paulna Corinthiada chatpa
18 asigi matungda mahaakna Atbinaidagi chat-thok-khiduna, Corinthia laakle. 2 Amasung mahaakna kanaagumba Jews Akula kouba, Pontagi mi amaa, phangnare. Claudiusna Jews pumnamak Romedagi chat-thoknaba yaathang pibagi maramna, mahaakki nupi Priskillaga loynanaa mahaakna Italidagi laakpa kuidri; adugaa Paulna makhoyda laakle; 3 Amasung thabak mahaakka chapmannaba maramna mahaakna makhoyga leiminnaduna thabak tourammi; maramdi makhoyna Phiyum saabagi thabak touba mising oirammi.
4 adugaa mahaakna potthaaba numit khuding loysangda waa yetnaduna, Jews-sing amasung Greeksingbu thajanaba themlammi.
5 touegumsung Silasga Timothyna Macedoniadagi kumtharaklabada, Paulna Jesusdi Christani haayba Jews-singda saakhi piduna waapaaoda pukning changlammi. 6 Amasung makhoyna maayoknaduna thina nganglabada, mahaakna maphi kanduna makhoyda haay, nakhoygi ee nakhoymakki kokthakta leijasanu! eidi seng-e. houjiktagi houna eidi atoppa Jaatsingda chatlage.
7 maaduda mahaakna adudagi hongkhiduna, kanaagumba mi, Titus Justa kouba, Eesor-bu ningba amagi yumda changkhre; mahaakki yum adu loisangga hek thangnana leirammi. 8 adugaa loisanggi waayel thoudaaba mapu Krispana mahaakki emung pumnamakka loynanaa Eesor-bu thaajare; amasung Corinthiaki mi ayaambana taaduna thasu thaajarammi, buptizedsu lourammi.
9 adugaa Eesor-na ahingda Paulda unhanbiduna haay, kiganu, haidok-u, tuminna leiganu; 10 maramdi eina nangga loinabiri, adugaa mi kana amatana nangbu sokpanba touroi; maramdi sahar asida eigi mi yaamna lei. 11 maaduda mahaakna makhoygi marakta Eesor-gi waapaao tambiduna chahi amaa thaa taruk leire.
Gallioga Paulga
12 touegumsung Galliona Akhaigi mapu oiba matamda, Jews-singna pukning amata oinaa Paulgi mathakta houraktuna, mahaakpu waayelphambei mamaangda puraktuna haay. 13 mi asina waayel yaathangga onnateinana Eesor-bu ningnanaba misingbu themmi.
14 adubu Paulna maya kaakhatkadourabada, Galliona Jews-singda haay, karigumba araanba nattraga mireihatki waa leiramlabadi, he Jewssa, waaram adugi matung ennaa eina nakhoybu khangbigadabani. 15 touegumsung waapaao, mingsing amasung nakhoymakki waayel yaathang adugi maramda waa yetnaba oirabadi, maadu nakhoy nasenna yengjou; waasing asigi waayelba ei oiningde. 16 adugaa mahaakna makhoybu waayelphambeidagi taanthokkhre. 17 maaduda makhoy pumnamakna loisanggi waayel thoudaaba mapu Sonthinibu phaaduna , waayelphambei mamaangda phurammi. adugaa Galliona thabak asigi maramda kari amata thouoibidre;
Paulna Syriada hallakpa
18 Amasung Paulna aduda amuk numit yaamna kuina leiraga, machin manaaosingga khaainaramduna, Priskilla amasung Akulaga loynanaa Syria taanna hi tonglakle. mahaakki waasak amaa leibagi maramna Kenkriyada maru kokthokle. 19 adugaa makhoyna Ephesianda laakladuna mahaakna makhoybu mapham aduda thanamle, adubu mahaak masadi loysangda changkhiduna Jews-singga waa yetnare. 20 Amasung makhoyna mahaakpu maaduda matam khara kuina leibinaba haayjarabada, mahaakna yabidre; 21 touegumsung makhoyga khaaynaduna, Eesor-na ningbirabadi eina nakhoyda amuk hanjarakkani haairaduna mahaakna Ephesiandagi hi tongkhre.
22 adugaa mahaakna Caesareada thunglabada, kakhatkhiduna seengluppu khurumjaruraga, Antiochda, mahaakna kumtharakle. 23 Amasung mahaakna matam khara mapham aduda lellamlaga thoklakle, adugaa Galatian amasung Phrygia leibaak mathang mathang lallaaktuna, sebok-sing pumnamakpu pukning chethanbirammi.
Apollona Ephesianda laakpa
24 Amasung Apollo kouba, Alexandrgi kanaagumba mahei heiba Jews nupaa amaa Ephesianda laakle; adugaa mahaakti saas-trada heisingba amaa oirammi. 25 nupaa asibu Eesor-gi lambigi maramda chinhaayna tambikhibani; adugaa mahaakna thawaay chakna Jesus-gi maramda ngaangduna ch-ngkhonna tambirammi, adum oinamakpu mahaakna Johnna buptized touba aduta makhang-e.
26 adugaa mahaakna loysangda thouna phana ngaangba houre. touegumsung Priskilla amasung Akulana mahaakki waa taarabada; makhoyna mahaakpu mayumda puduna, Eesor-gi lambi adu henna cheksinna maangonda sugaina tambire.
27 Amasung mahaakna Akhai taanna laanthokninglabada, machin manaaosingna thoujinbiduna mahaakpu lousinbinanaba sebok-singda ekhre. adugaa mahaakna thunglabada, thoujaalgi mapaanna thajarabasingbu yaamna pang-bire, 28 maramdi Jesusdi Christa aduni haayduna mahaakna saas-tragi mapaanna utpiduna, miyaamgi mamaangda Jews-singgi waadu tasengna tubat kakthatpirammi.