Job 24
24 Wayelnabagidamak Mapu Ibungona matam ama leptriba karigino? Ibungogi seba toujariba khudingna wayelshangda leipnaba numit ama leptriba karigino?
2 Lam henjinna loinanaba haiduna mina uchuk hongdokpa yai, makhoina yao hurallaga makhoigi shanggulakta thajilli.
3 Mapa mama leitrabasinggi loladu makhoina loubi, lukhrabigi sandu Sendon pidriba phaoba phaduna thambi.
4 Lairabasingna phangpham thokpa saruktu makhoina pibide, awatpa mishingdu chenkhinaba khujin toui.
5 Maramsina lairabasingna angaoba lolagumna lamhangda chinjak thiba chatli, makhoigi machasingna chanaba chinjak mapham keidasu phangde.
6 Makhoigi nattaba loubuktagi mahei marong makhoina louk-i, phattaba mishinggi loubuktagi drakha maheisu makhoina lok-i.
7 Ahingda makhoina pheijup yaodana tum-i, aingba ngakthoknaba upai amatta leijade.
8 Tarakliba nongna chingsangda taba matamda makhoibu chenthabikhi. Makhoina chingdum thiduna leinaba mapham yengi.
9 Mapa leitraba angangsingdu phattaba mishingna minai oinei, sendon kokthoknaba oina lairaba migi machadu louwi.
10 Adubu lairaba mishingna phi amatta yaodana koina chatli, gehu lokpa matamda phaoba makhoi chara helli.
11 Chorphon-gi thao aduga drakhadagi yu makhoina sungdok-i, adubu makhoigi aram khourangbadudi kokpa ngamde.
12 Saharsingda asokpa amadi sigadouraba mishingna lao khongna lelli. adubu Mapu Ibungona makhoina haijabadu tabide.
13 Mangalbu masak khangdaba mishing leiri, makhoina masibu khangde nattraga kadaida chatli haibasu khangde.
14 Nonganbaga mihatpasingna lairabasingbu hatke thiri, ahingdana makhoina huranba chatli.
15 Nupi lumba mishingna numit taba ngaiduna leiri, mamai khumjinduna mina sak khangdanaba hotnei.
16 Ahingda huranbasingna yum thudektuna pot huranli, nungthin-gi matamdadi makhoina lottuna lei.
17 Anganbadadi makhoigi masada akiba pok-i, adubu amambadadi makhoi thoina kiba leite.
Zopharna hairak-i:
18 Phattaba midu ichaona chenthakhibani, mahakkini haiduna leiriba lamdu Mapu Ibungona leikangla oihanbi. Adugumba miduna mahakki drakha ingkholda amuk chatpa phangde.
19 Unna meisada tumbagumna, aranba touba misu taibangsi thadok-i.
20 Mahakpu pokpa mama phaobana adugumba nupadu ningsingde, yanthatlaba upangumna siraba matamda tinna chaduna kemkhi.
21 Lukhrabisingbu thina touba maramna masi mahakki maraibak oiribani. Macha pokchadaba nupisingda thoujan uttaba maramna masi thoklibani.
22 Mapu Ibungogi panggaltana akanbasingdu loisinbi, Mapu Ibungona thabak chatharakpa matamda phattaba mi sibani.
23 Mapu Ibungona adugumba midu leitana leihanba yai, adubu mahakna touriba khuding yengsindaba leibadi natte.
24 Ngaihakki oinadi phattaba misu nungngaina lei, adubu napigumna matam kharagi manungda patthakhi. Phou charong kakpagumna kakthatli.
25 Masi oithokte haina kanana haiba ngamgani? eigi wasingsi chumde haiba ngamba leigadra?