1 Corinthians 16
Jerusalemgi laairabashinggi damak shel khaaigatpa; mashaagi waaram amasung khaayna wa
1 Amasung ashengbashinggi damak shel khaaigatnabagi marida, eina Galatiangi shinglupshingda yaathang pikhiba gumna, nakhoynasu adugumna toubiyu.
2 Ei laakpa matam aduda shenkhaai leitananaba, nakhoyna maagi maagi tongjaba matung ennaa chayon-gi ahan ahaanba numitta mi khudingna makhut makhutta shel tungsinduna thamlamsanu.
3 Amasung eina thunglaba matamda, nakhoyna yagadaba kanaa kanaagumba adubu laairikka loynanaa Jerusalemda nakhoygi khudon punba eina thaagani.
4 Aduga eisu chatpa khudong chaarabadi, makhoy eigaa loynanaa chatkani.
5 Touegumsung eina Macedonia mayaai laanthoklaklaga nakhoyda laakkani; maramdi eina Macedonia mayaai laangadabani;
6 Adubu eina chatka chatkadaba eigi langphei khongchatta nakhoyna eibu thindokpinanaba, eina nakhoyga loynanaa matam khara nattraga ningthamthaadasu leminnaraba mayaai.
7 Maramdi eina nakhoybu houjik lamkhangda unaba paamde; maramdi Eeshorna yaabirabadi, eina nakhoyga loynanaa matam khara phaaijaning-e.
8 Touegumsung eina Pentekost phaaoba Ephesianda phaaigani;
9 Maramdi achouba amasung thabak mahei yaanba thong amaa eingonda hongdokpire, aduga ayaamba yeknabashing lei.
10 Amasung Timothyna laaklabadi, nakghoiga loynanaa mahaakna kidana leiminnanaba yengbiyu; maramdi eina toubagunma, mahaaknasu Eeshorgi thabak toubani.
11 Maram aduna mi kanaa amatana mahaakpu usittaba tousdasanu. Touegumsung mahaakna eingonda laaknanaba, engthana mahaakpu lambida thindokpiyu; maramdi eina mahaakpu echin-enaaoshingga loynarakpa ngaairi.
12 Adubu echin-enaao Apollogi maramda, eina makhakpu echin-enaaoshingga loynanaa nakhoyda laaknanaba yaamna nonjare, aduga houjik laakpa mahaakna supning ningde, adubu khudongchaba phanglabada mahaakna laakkani.
13 Nakhoy mitsheng khaang-u, thaajabada chap leppu, nupaa thokpa matou tou, kallu.
14 Nakhoyna touba touba pumnamak nungshina tou.
15 Amasung, echin-enaaosha, eina nakhoybu nonjari (Nakhoyna Stephanagi emungbu khang-e, haaybadi, makhoydi Akhaigi ahaanba maheini, aduga makhoy masha mathantabu ashengbashinggi thougan tounanaba katthokchaare),
16 Asigumbashinggi amasung thabakta pang-biduna nomliba mi khudinggi makha nakhoynasu ponbiyu haayjabani.
17 Amasung Stephana, Phortunatta amasung Akhayika, makhoy asina laakpagi eina haraaojei; maramdi nakhoy laaktabagi awaatpa adu makhoyna samjinbire.
18 Maramdi nakhoyna eigi thawaaybusu nakhoygibusu potthahanbire. Maram aduna nakhoyna makhoybu shaak khangbiyu.
19 Asiagi shinglupshingna nakhoybu khurumjari. Akulaga Priskagana makhoygi yumda tinba shinglupka loynanaa Eeshorda nakhoybu yaamna khurumjari.
20 Echin-enaao pumnamakna nakhoybu khurumjari, shengna chupnabaga loynanaa amanaa amabu khurumnou.
21 Paul eina khurumjaba asi ekhutmakna ejari.
22 Kanaagumba mina Eeshorbu nungshidrabadi, mahaak siraap phangsanu. Maranatha:
23 Ebungngo Jesusgi thoujaal nakhoyga loinabisanu.
24 Christa Jesusgi mapaanna eigi nungshiba nakhoy pumnamakka loinabisanu.