Numbers 19
Aamaangba shengdokpa
1 Eeshorna Moses amadi aronda haayrammi,
2 ”Eeshorna yaathang oinaa pibikhiba waayenlondu asini: ashoy angaam leitba sannaao amom angaangbi amaa puraknaba Israelgi mishingda haayyu. Maasi thabak shijinnadriba sannaao oigadabani.
3 Sannaao hatamsi Purohit Eleazarda pigadabani. Sannaao hatamsibu miyaam leiphamdagi mapaanda puthoklaga Eleazargi maangda haatkadabani.
4 Purohit Eleazarna san hatamsigi ee khara louraga mitinshanggi mamaangda taretlak khiktokkadabani.
5 Eleazargi mamaangda san hatamdugi maun, shadong, ee amadi mathi phaaoba meida thaadokkababani.
6 Purohitna deodar, hyssop, amadi angaangba lang khara louraga san hatamdubu thaariba meiduda thagadabani.
7 Maasi loiraga purohittuna maphinachingba sudoklaga mashaadu erujathokkani. Maasi loiraga mahaak miyaam leiphamda laakpa yaai. Adubu purohittu numit taaba phaaoba masha shengde haayna lougani.
8 San hatamdu meida thaaba nupaadusu maphi sudoklaga mashaadu erujathokkadabani. Numit taaba phaaoba mahaaksu shengde haayna lougani.
9 Masha shengliba nupaa amanaa san hatam meida thaakhibagi uttu khomjinduna miyaam leiphamgi sangshingdugi mapaanda peiduna thamgadabani. U-tsi Israelgi mishingna masha shengdokpa matamda eeshingda yaansillaga shijinnagadabani. Masina ayon araan koknaba pambei amasu oigani.
10 san hatamsigi ut khomjinba nupaadu maphi sudokkadabani. Numit taaba phaaoba masha shengloi. Maasi Israelgi mishinggi marakta amadi makhoygi marakta shaaidaangduna leiriba mishinggi kaiba yaadaba pathap amaa oinaa ngakadabani.
Ashiba mashaga shoknaruba
11 Ashibaa masha shokluba midu numit taretni maanggani.
12 Adugumba nupaaduna humni shubaa numit aduga taretni shubaa numitta masha shengdokkadabani. Karigumbada humni shubaa nattraga taretni shubaa numitta masha shengdokhoudrabadi, matam leibada amaangba nupaa amaa oinaa leigani.
13 Ashibaa shokluba kanaagumba nupaa amanaa mashaadu shengdokhoudrabadi Eeshorgi shonnapungda changba matamda shonnapungdu mahaakna mangthok-e haayna lougani. Adugumba nupaadu Israelgi mishinggi maraktagi taanthokkadabani. Maramdi amaangba shengdoknaba eeshingduna khiktokhoudrabadi mahaak shenggalakpa yararoi. Amaangbadu mahaakki mashaaduda paktuna leiri.
14 Kanaagumba nupaa amaa mitinshaangda shiba thoklabadi makhaagi pathapsi en-gadabani: shangdugi manungda changlakpa nattraga tillamba mishingdu numit taretni maanggani.
15 Makhum khumdaba patrashingdu maanggani.
16 Loubuk lamhaangda leiringeida thangna kaktuna shiba mi, ashibaa masha, nattraga mi ashibagi saru, nattraga mongphamnachingba shoknarabadi, numit taretni maanggani.
17 Makhoyna amaangba nupaadugidamak ayon-araangi thougini haayna thaakhraba ut khara louraga achenba eeshing shoklaga paattra amada hapkadabani.
18 Ashengba nupaa amanaa hyssop khara louraga eeshingda lupkadabani. Maasi paayduna shangduda khiktokkadabani. Yumduda leiba potshing amadi manungda leiramba mishinggi mathaktasu khiktokkadabani. sharu shokluba, ashibaa masha shokluba, thangna kaktuna shiba mi shokluba, nattraga mongpham shokluba midugi mathakta khiktokkadabani.
19 Ashengba nupaaduna amaangba nupaaduda humni shubaa amadi taretni shubaa numitta eeshingsina khiktokpiduna shengdokkadabani. Taretni shubaa numitta mahaak mashaasu shengdokkadabani. Maphi-maron sudoktuna mashaamak eeshingda erujathokkadabani. Numit taaraba matungda shenggani.
20 Manglaba nupaaduna mangna mangna shengdoktrabadi, miyaam maraktagi taanthokkani. Mahaakna Eeshorgi ningnashangdu mangthok-e haayna lougadabani. shengdoknaba eeshingduna mashaadu khiktok houdrabadi, mahaak amaangba nupaa amani haayna lougani. 21 Pathapsi nakhoygi damak lengdana leihouragadaba amani. shenggatnaba eeshing cheikhraba nupaaduna maphi sudokkadabani. shenggatnaba eeshing shokluba nupaadu numidaang phaaoba maanggani.
22 Amaangba nupaaduna shokpa pot khuding maanggani. Kanaagumba mina amaangba pottu shoklurabadi numit taaba phaaoba maanggani.