2 Corinthians 9

9 maramdi asengba-singda thougan touba adugi maramda eina nakhoyda eruduna kaannaba leite; maramdi eina nakhoygi thouraang khang-e, 2 maaduna eina nakhoygi maramda Macedoniagi misinggi maphamda chaaothokchei, haaybadi, Akhaayna hakumdagi langkhatkhre; amasung nakhoygi thawaay yaaoba aduna makhoy ayaambabu thougatpire. 3 touegumsung nakhoygi maramda eikhoygi chaaothokchaba adu maram asida aremba oidananaba, haaybadi, eina haaykhirambagumna nakhoyna thouraang laangnanaba, eina echin-enaaosingbu thaakhibani. 

4 eigaa loynanaa Macedoniasingna laakpada nakhoyna thouraang langlamadaba phanglabadi, chetna thaajaba asida eikhoy (nakhoy haidaduna) karigumba ekaaiba phangba yaai. 5 maram aduna echin-enaaosingna haanna nakhoyda chat-tuna, nakhoygi hannalepnaba khudon adu pamuna nattaduna, piningna piba thouraang oina, maadu haanna loithoknanaba, makhoybu thoujinhanba kaannei haayna eina ningle.

Senkhaai Pibasingda Tambiba

6 adubu asi eina haayri, likna hunba mahaak aduna likna lokkani, adugaa maraang kaina hunba mahaak aduna maraang kaina lokkani. 

7 mi khudingna pamuba nattraga tangaiphadaba maongda nattaduna, maagi maagi ninglamba matung ennaa pisanu; maramdi haraao haraaona piba mibu Eesor-na nungsi. 8 Amasung maram pumnamakta matam leiba khibikta maraang kaina aphaba thabak khudinggi damak nakhoygi yaamna leinanaba, Eesor-na nakhoyda thoujaal pumnamak yaamkhathanbiba ngammi. 9 ekhiba asigumbani,

         mahaakna koichai chaaithokle, mahaakna laairaba-singda pinabire; 

        mahaakki dharma chenba lomba naaidana eetat-tattana lei.

10 adugaa maru hunba mida maru amasung chanabagi damak achaapot pinabiba ebungngo mahaakna nakhoygi maru pisu pibigani, yaamsu yaamkhat-hanbigani, adugaa nakhoygi dharma chenbagi mahei adu hen-gathanbigani; 11 Khak pammudana pinaba phaaoba nakhoybu maram pumnamakta enakkhulhanbigani, maaduna eikhoygi epanna Eesor-bu thaagatpa thokhalli. 12 maramdi thougan asigi khanjabana asengba-singgi awaatpa samjinbata natte, adubu Eesor-bu thaagatpa yaambagi mapaanna chaaokhatli; 

13 maramdi khanjaba asina nakhoygi chaang khanghanba mapaanna Christagi aphaba waapaaogi marida nakhoygi haaydokchaba enba adugi damak, amasung makhoydasu pumnamaktasu nakhoygi katchabagi pamuba leitba adugi damak, makhoyna Eesor-bu thaagatpani; 14 Amukka makhoy masaanasu nakhoygi damak nijabaga loynana, nakhoygi nathakta Eesor-gi thoidok hendokpa thoujaal leibagi maramna nakhoybu khouraangna pamjabani. 15 Eesor-gi hainingai leitba khudon-gi damak ebungngo mahaakpu thaagatpa oisanu.