Amos 9

Eeshorgi waayel

1 Phaankhong manaakta Eeshorna leptuna leiribadu eina urammi. Ebungngona haayrak-e. "ningnashanggi khangelduda kanna yeiyu. Yumphamdi thak thak nikhallu. Pumnamaksi thugaayduna mishinggi kokthakta taahallu. Lemhoubashingduna lan thok-handuna hattokkani. Kanaasu hingloi

2 Makhoyna asithen takhinaba laambel shemlabasu, eina makhoybu phagani. Koirouthakta kakhrabasu, eina makhong paayduna chingthagani.

3 Karigumba makhoyna Carmel chingda kajarabasu, eina makhoybu thingani aduga phaaduna purakkani. Epaakki eronnungda makhoy lotkhrabasu, upakta leiriba hingchabaduda makhoybu chiknaba yaathang tougani.

4 Karigumba yeknabashingna makhoybu laanpha oinaa pukhrabadi, makhoybu haatna-naba yaathangdu eina pigani. Eina makhoybu maanghallage. Keidoungeidasu tengbanglaroi.

5 Nongthak nongkha anigi Eeshorna maalemsida khongdabire, maasi thak thak nikle. Maphamsida leiriba pumbaa tengthaaduna khangli. Taaibang pumbaa Nile turenda taothare.

6 Koirouthakta sabiri sanaa sang-gaidu Eeshorgi, maalemsibuna koirousina koishinduna thambiri. Epaaktagi laaija thok-hanbi, taahanbi adubu maalemsida minglendi Eeshor koubani.

7Eeshorna taakpirak-e, "Israelgi mishing, nakhoybu eina lunaa ningbamuk SuDangi mishingbusu nungshi. Nakhoybu eina Egypttagi pubirakkhibagumna Philistishingbu Caphtorgi aduga Syriabu Kirdagi pubirakkhi.

8 Nongthak nongkha anigi mapu Eeshor, eina paap chellaba Israel machaashingsi yengduna leiribani. Maalemsidagi eina makhoybu maanghallage khalle. Adubu Jacobki chaaron loynaba maanghanbadi touraroi.

9 "Yaangkokta cheng khappagumna Israelgi mishingsibu khapnaba yaathang pigani. Matik chadabashingdu mangkhinaba Jaatshinggi marakta eina makhoybu chaikhaaigani.

10 "Khudong thiba tayoi.' haayjariba eigi mi oiriba phattaba toubashingdu laanda mathawaay thaagani.

Tungda Israelbu kanbiba

11 Eeshorna taakpiri, "Ningkhaairaba yumgi matougumlaba Davidki leibaaktu kanbigadouba numit amaa laakkadouri. akaaiba phaklangdu shemjinbiduna mamaangeida oirambagumna eina maasibu shaagatpigani.

12 Matam amada eigi ekhutta leiramba Jaatshing amadi Edomgi lemhouba lamshingdu Israelgi mishingna laakshingani." Masimak thok-hanbigani haayna Eeshorna taakpiri.

13 Eeshorna taakpiri, "mahei marong yaamna thuna hougadaba, lokpa ngamdabamakhei pangadouba, angur mahei thuna pangadouba ngamdabamakhei sungba yu laakle. Laakle adugumba numittu. Loibi chingshaangda khoithumnaba yuna than-gani, thorakkani chingdumshingdagi mapaan naaidana.

14 Matamduda eigi mishingdu mireibaakta pubirakkani, ningkhaairaba saaharshingdu shemgattuna maphamduda makhoy leigani. Angur engkhon shemduna sungba yudu makhoyna thakkani. Engkhon shemduna thaajaba mahei marongdu chaagani.

15 Eina pikhiba lamduda eigi mishingsi makhoybu amuk haanna taanthokpiraroi, nakhoygi napuroi Eeshorna maasi taakpikhibani.