Genesis 13

Abramga Lotka khaidoknaba

13 Asumna Abram mahakki nupi mahakki areiba potsing amadi Lotka loinana Egypt thadoktuna Negev tanna chatkhi.

2 Matamduda Abram sha-shal, lupa amadi sana yamna leiduna inak yamna khunba nupa ama oirammi. 3 Bethel amadi Aigi marakta leiba mahakna ahoubada sakhiba khangpoktu tanna chatkhi. Mahakna Negev thadoktuna Bethel phaoba chatkhi. 4 Mahakna ihan hanna phankhong sakhiba maphamdu youkhi. Maphamduda Abramna Eshor-gi minglen louduna koujakhi. 5 Abramga chatminnakhiba Lotsu masagi oiba hameng, yao amadi sha-shalgi shanggu amadi shang kayamarum leirammi. 6 Lamdamduda makhoi ani punna leiminnaba matik charamde. Makhoigi maran mathumdu asukki matik yamlammi madudi makhoi punna leiminnaba haibasi oithoklamde. 7 Abram amadi lotki sanjenbasinggi marakta khatnacheinaba thoklammi. Matamduda hairiba Lamdamsida Cannan-gi mishing amadi Perizzising khundaduna leirammi.

8 Thoudoksida Abramna Lotta hairammi. "eikhoi imung manungni maramsina nangga eiga amadi nahakki amadi eigi sanjenbasinggi marakta thoidokpa khatnaba thok-han-ganusi. 9 Nahakki namangda lamjao lamhang amatta leitrabra? Nahak eingondagi khaidoklo. Nahakna karigumba oithangba lamdamsi lourabadi eina yetthangba lamdamsida chatlage." 10 Lotna koina yengba matamda Jordan tampaktu Eshor-gi ingkholgumna nattraga Egyptkumna, Zoar youba phaobada leikhriba adugumna urammi. (Thoudoksi Eshor-na Sodom amadi Gomorrah manghandringeigi matamda thokkhibani.) 11 Asumna Lotna Jordan tampaktu khankhi. Maramsina Lotna nongpok haram pangna chatkhi. Asumna makhoi ani kainakhi. 12 Lotna tampaktuda leiriba saharsinggi marakta mathang mathang chatkhiduna Sodom youna sandokkhiba matamda Abram Cannan-gi lamda leirammi. 13 Matamduda Sodomda leiramba mishingdu Eshor-gi mayokta yamna phattaba thabak toubasing oirammi.

14 Lotna Abramdagi khaidokkhraba matungda Eshor-na Abramda hairammi, "nahakna houjik leiriba maphamsidagi nongpok nongchup khaawang thungna mamit koina leiduna yenggu 15 Nahakna namit yengbada ukhriba lamsingsi Eina nahakkidamak amadi nahakki charon suronda pigani. 16 Nahakki charon suronsi malemsida leiriba uphulgumna yamhangani. Kanagumba amana malemsida leiriba uphulsi mashing thiba ngamlabadi nahakki charon suronsu mashing thiba ngamgani. 17 Hougatlo, lamsigi marak amadi mayung thungna chatlu maramdi Eina masi nangonda pibigadouribani." 18 Hebronda leiba lam Mamreda houriba uyu-ng pambisingdugi manak tanna Abramna mayum hongduna khundakhi. Maphamsida mahakna Eshor-gidamak phankhong ama sakhi.