Genesis 9
Mapu Ibungona Noahda pikhiba warepnaba
9 Mapu Ibungona Noah amadi mahakki machasingbu kubiraduna hairammi, "houjiktti mahei yanjaro. Mapan naidaba oijaro. Malemsi thungna sandokpa oijaro. 2 Taibang malemsida leiriba shasing, nongmadonda leiriba uchek wayasing, leibakta mapukna sittuna chatpa Jibasing, amadi changjourenda leiriba Jiba pumnamakna nakhoibu kiba oisanu. Makhoi pumnamaksi Nakhoigi nakhutta sinnarabani. 3 Lengli palliba Jiba pumnamak amadi ashang-amansingsi nakhoigi chinjakni. Pumnamaksi nakhoida nachinjak oijanaba haiduna pirabani. 4 Ahingba jiba amagi masada yaoriba eedudi nakhoina masaduga loinana chapharoi. Maramdi eeduda punsi yaobani. 5 Kanagumba mi hatpa tarabadi, mahakpu dandi pigadabani. Mi hatpa shadu hatkadabani. 6 Mi haibasi Mapu Ibungogi mitam louduna sakhibani maramsina kanagumbana mahakpu hatpa tarabadi hatliba nupadubusu mi ateina hatpa tabani.
7 Malem sinbathungna nacha nasu maroi manao taduna taibangsibu ngamjaro. 8 Mapu Ibungona Noahga loinana leiriba machanupasingda hairammi. 9 "Houjikti nahak amadi nahakki charon suron, nahakka loinana 10 Hijaoda leiruraga thokraklaba thawai panba jibasing, uchek waya amadi shasing, malemsi sinba thungna leiriba Lamshasingsiga Eigagi marakta lengdraba warepnaba ama leiba tai. 11 Eina nahakka loinana yannaba warepsi leikhraba matungda thawai panba jiba haibasi keidoungeidasu tumna manghannaba ishing ichao thokhallaroi. Malemsi mangnataknaba keidoungeidasu ichao lakhallaroi.
12 Mapu Ibungona Makha tanna hairak-i, Eiga nahakkagi marakta aduga masidagisu hendokna nahakka loinana leiriba lengli palliba thawai panba jibasing yaona tungda lakkadouba charon suron phaobada lengdraba warepnabadudagi leihougadouba khudamdu asini:
13 Leichinlakta Eina chumthang khalhangani, masina areppa wareptugi khudamni. Ei amadi malemsigi marakta.
14 Malemsida Eina Leichin thanghallakpa matamda, leichinlakta ugani nahakna chumthangdu.
15 Matamduda Eiga nahakkagi marakta amadi siba naiba thawai panba khudingga loinana lepnakhiba wareptu Eina ningsinggani. Lengli palliba jibasingsi amuk hanna ichao thok-handuna manghanlaroi. 16 Leichinlakta chumthang khanba ubada, malemsida leiriba lengli palliba jibasingga Eina warepnakhibadu ningsinggani. 17 Mapu Ibungona Noahda hairak-i, "masina malemsida leiriba lengli palliba jibasing amadi Eigagi marakta leinariba maridu utkani."
Noah amadi machanupasing
18 Hijaodagi thorakkhiba Noahgi machanupasingdi Sem, Ham, amadi Japheth oirammi. Ham Cannan-gi mapa oirammi. 19 Hairiba ahumsi Noahgi machanupasingni. Makhoidagi tarakpa charon suronduna malemsi sinba thungkhi.
20 Lou-u singubagi thabak touba Noahna drakhagi ingkhol ama semba houkhi. 21 Noahna drakha mahi thaklubadagi makok ngaoduna maphi yaodana mayumda tumduna leirammi. 22 Cannan-gi mapa Hamna mapagi maphi maron yaodana leirambadu ubada machin manao aniduda paodu tamlammi. 23 Maramsina Sem amadi Japhethna phi achonba ama louraga marengban youna thanggatlaga tung hanna chatlaga makhoigi mapagi maphi yaodabadu khupsinbikhi. Mapagi maphi yaodabadu udanaba haiduna makhoigi mamai leithokkhi. 24 Noahna drakha thaklubadagi ngaoba pharaduna hougatlakpa matamda mahakki macha iton tonba aduna mangonda toukhibadu khanghallami. Maramsina mahakna hairammi,
"Cannan tumna mangba oirasanu, mayambasinggi maphamda mahak minai naithang oina leirasanu."
26 Noahna makha tana hairak-i, "he Ishor Semgi Mapu Ibungo, Canaan Semgi minai oisanu.
27 Mapu Ibungona Japhethki maran mathum helhanbiyu. Mahakpu Semgi shangda leihanbiyu. Aduga Canaanna mahakki minai oisanu.
28 Echaogi matungda Noah chahi chahum yangkhei leikhi. 29 Masagi chahi chamapanga yangkhei suba matamda nonggakhi.