Ezekiel 34
Israelgi yaaoshenbashing
1 Eeshorna eingonda haaybikhiba waashing:
2 He nupaa, Israelgi yaaoshenba shinggi mayokta waa khara phongdok-u. Yaaoshenba shingduda asumna haayyu: Eeshorna asumna taakpiri: nakhoy nashaabu lunaa toujariba he Israelgi yaaoshenba shing, yaaoshenbana yaaoshingdu pija pithak touroidra?
3 Nahaakna chari matong, shetli samtugi phi. Nahaakna masha noiraba yaao hatli. Adubu makhoybu pijabadi toude.
4 Nahaakna asonbashingbu shougatpide. Anaabashingdubu nahaakna layengbide. Makhong thangba ngamdabadubu nahaakna phi yetpide. Lamangnakhrabashingdubu nahaakna thiruduna purakte. Maangkhrabashingdubu nahaakna thirude. Tamthina cheithangduna makhoybu nahaakna laaknabiri.
5 Yaaoshenba leitba maramna makhoy choijaainakhre. Maramsina nakhoy lamlakta leiba shaashingna chakhre.
6 Eigi yaaoshingdu koyna chatkhre. Makhoyna loibi ching amadi awaangba mapham shinba thungna chatkhre. Maalemsigi mapham khudingda eigi yaao-shingdu kangaaonaduna chatli. Makhoybu thibinaba amadi pharunaba kanaasu leite.
7 Maramsina yaaoshenbasa, Eeshorgi yawaasi taro:
8 Eigi etik eyaaisina saakhi oisanu, Eeshorna taakpiri: taare eigi yaaoshingdu atoppagi khayatta, yaaoshenba yaaodaba maramna eigi yaaoshingdu lamlakta leiba shaashinggi machinjaak oire. Yaaoshenba shingduna eigi yaaoshingdu thibide. Thoina hennadum makhoyna mashaamakpu thakli. Makhoyna eigi yaaoshingdu pija pithak toubide.
9 Maramsina yaaoshenbasa, Eeshorgi waashingsi taro.
10 Eeshorna asumna haayri: yeng-u, eihaak yaaoshenba shinggi mayokta leigani. Eigi yaaoshinggi ashoy angaamshingdu makhoygi makhutta taagani. Makhoybu selhallaroi eigi yaaoshingdu, yaaoshenba shingduna makhoy mashaabu thakcharibadusu tokhallagani. Makhoyna eigi yaaoshingdu machinjaak oidanaba makhoygi makhuttagi eigi yaaoshingdu kanbigani.
Aphaba yaaoshenba
11 Eeshorna asumna taakpiri: yeng-u, eihaak eshamakna eigi yaaoshingdu thigani. Makhoybu thiduna purakkani.
12 Kangumba yaaoshenbana mahaakki yaaoshingdu maangkhraba matamda thibagumna eisu eigi yaaoshingbu thigani. Leichin thaaba amadi amaambana kupsillaba numitta makhoybu mapham khuding shinba thungna choijaainana tahankhrabasu eina makhoybu kanbigani.
13 Mishinggi maraktagi makhoybu pubirakkani. Leibaakshingdagi makhoybu puraktuna eina punshinbigani. Maagi maagi leiphamda pubiraktuna Israelgi chingshingda makhoybu machinjaak pijagani. Eephut leiba mapham amadi mi taaba maphamda makhoybu leihn-gani.
14 Shajik yaamna houba maphamda eina makhoybu thambigani. Israelgi awaangba chingda makhoygi chapham oigani. Shajik phangba mapham yengduna makhoy potthagani. Israelgi chingda makhoyna shajik phaba mapham khanduna chaagani.
15 Ei eshamakna eigi yaaoshingdu shen-gani. Eeshorna taakpiri: Ei eshamakna makhoybu nungaaihan-gani.
16 Maangkhibashingdu eina thirugani. Lamangnabashingdu eina purakkani. Makhoyna chatpa ngamdabashingdu eina pobigani. Asonbashingdu eina shougatpigani. masha noiba amadi akanbaashingdubu eina shennagani achumbana mangoinaraduna makhoybu shen-gani.
17 Eeshorna taakpiri: eigi yaao shanggu oiriba yaaosha,: yeng-u, eina yaao amaaga yaao amagagi marakta waayen-gani. Yaao amomga labagagi marakta bichar toubigani.
18 Shajik phajanaa leitba maphamdu nakhoyna nettuna shajik phajanaa houba maphamduda Chaaningdra? Aruba eeshing thaklaga ateidubuna nakho-ngna neikhaainingbra?
19 Nakhoygi nakhoyna neikhaayraba shajiktu eigi yaaoshingna chagadra? nakhoygi nakhongna neikhaayraba eeshingdu eigi yaaoshingna thakkadra?
20 Maramsina Eeshorna makhoyda asumna taakpiri: yeng-u, ei eshamakna anoyba amadi mayaang kngba yaaoshingdugi marakta waayen-gani.
21 Nahaakki nakhut nashaa amadi narengbanna aduga asonba yaaoshingdubu nachina waaiduna enthoktuna echaai chaayhankhiba maramdudagi,
22 Eina eigi yaaoshingbu kanbigani. Makhoy kanaagi khayatta taahalloi. Maramsina eina yaao amaaga yaao amagagi marakta waayen-gadouribani.
23 Eigi enaai Davidpu makhoygi marakta yaaoshenba oinaa thok-han-gani. Mahaakna Makhoybu pijagani. Mahaakna makhoybu pijaba maramna makhoygi yaaoshenba mahaakna oigani.
24 Yeng-u, Eeshor oiriba eina makhogi Eeshordu oigani. Eigi enaai Davidna makhoygi marakta ningthou oigani. Eeshor oiriba eina haaykhriba waaphamsi phongdokkhibani,
25 Makhoyga eigagi erakta areppa waashak amaa leinagani. Leibaaksida leiriba lamgi shaashingdu taanthokkani. Makhoy umangda amadi mamhangda chatkhiduna engna leijaruba yaai.
26 Eigi chinggi akoybada leiriba maphamshingdu Makhoygi damak bor oinaa pigani. Matam oirabada nong taahangani. Aduga madu borna mangoinaraba nong oihan-gani.
27 Loubukta houriba ushingdu mahei phajanaa paan-gani. Maalemsisu mahei marong yaamna thokkani. Makhoygi mareibaakta nungaaina paan-gani. Matamduda makhoygi mangaakta yalliba potpu amadi makhoybu minaaigum shijinnarambashingsu maanghan-duna makhoybu kanbiba matamda eisi Eeshorni haayba makhoyna khanggani
28 Jaatshinggi makhutta makhoy amuk haanna tararoi. Lamduda leiba shaashingna makhoybu neiraroi. Makhoy ashoy angaam leitana paan-gani makhoy akibaa leitana leigani.
29 Marik chumlaba paambi kayaamarum eina makhoy chara hendanaba thabigani. Matamduda makhoy Jaatshingna hanthana yengbagi ethindu phangloi.
30 Matamduda makhoygi Eeshor oiriba Eeshorna makhoyga laaonana leibiri haayba khanggani. Eeshorna taakpiri Israelgi mishing matamduda eigi mishingni haayba khangnagani.
31 Eigi sanjabungda chariba eigi yaaoshingni nakhoydi, Eeshorna taakpiri "Eihak nakhoygi Eeshorduni,"