Matthew 28

Jesusna hinggatpa

( Mark 16.1-8; Luke 24.1-12; John 20.1-10 )

1 Amasung potthaaba numit loiramdaida, chayon-gi ahaanba numit houramdaida, Magdalene Mary amasung atoppa Mary aduna mongpham adu yengnaba laakle.

2 Amasung yeng-u, yaamna yuharare; maramdi Eeshorgi dutna swargadagi kumtharaktuna, mongphamduda laaktuna nung adu enthoklaga, maphamduda phamkhi.

3 Mahaakki maaythong nongthaang kuppagum oirammi, aduga mahaakki maphi marol ungum ngourammi;

4 Amasung sanglibashing aduna mahaakpu kibagi maramna nikladuna ashibaa mishinggum oirakle.

5 Maduda swargadut aduna nupishing aduda khumlak-e, nakhoy kiganu; maramdi crossta haatkhiba Jesus adubu nakhoyna thi haayba eina khang-e.

6 Ebungngo asida leitre; maramdi Ebungngona haaykhiba gumna hinggatpikhre. Laak-u, ebungngobu thamlamba mapham adu yengjou.

7 Aduga thuna chatkhiduna, ebungngogi sebokshingda taakpiru, ebungngobudi ashibashinggi maraktagi hinggatpikhre; amasung yeng-u, Ebungngona nakhoydagi haanna Galileeda lenggadouri; mapham aduda nakhoyna ebungngobu ugani, Yeng-u, eina nakhoyda taakpire.

8 Amasung makhoyna kiba amasung yaamna haraaobaga loynanaa mongpham adudagi thuna chatkhiduna, ebungngogi sebokshingda taaknanaba chenkhre.

9 Aduga yeng-u, Jesusna makhoybu oknaduna haay, yaaiphou. Amasung makhoyna naksillaklaga, ebungngogi khong paayduna khurumjare.

10 Matam aduda Jesusna makhoyda haay, kiganu; chatlu, eigi echin-enaaoshingbu Galileeda chatnaba taakpiru, aduga makhoyna mapham aduda eibu ugani.

11 Makhoyna chatlingeida, yeng-u, sangliba mishing adudagi kharana saaharda laaktuna thokkhiba pumnamak adu athoiba purohit shingda tamle.

12 Amasung makhoyna ahallaman shingga tinnadunna waa taanaraga, laanmishing aduda shel yaamna piduna haay,

13 Maagi sebokshingna ahingda laaktuna, eikhoyna tumlingeida maabu hudokkhre, haayduna nakhoyna haayyu.

14 Amasung asi leibaak ngaakpagi manaakongda yourgadi, eikhoyna mahaakpu themlaga, nakhoybu karisu touhalloi.

15 Asumna makhoyna shel adu louraga, makhoybu tambikhibagumna toure; amasung haayriba asi Jewish-shinggi marakta houjik phaaoba shaandokli.

Galileeda Jesusna mashaabu sebokshingda uhanba

( Mark 16.14-18; Luke 24.36-49; John 20.19-23; Acts 1.6-8 )

16 Touegumsung sebok taraamaathoy aduna Galileeda Jesusna taakpikhiba ching adu taanna chatkhre.

17 Amasung makhoyna ebungngobu ubada khurumjare; adubu mi kharanadi chingnare. 

18 Aduga Jesusna laaktuna makhoyda haayrak-e:

swarga amasung taaibang-paanda leiba matik pumnamak eingonda pibire.

19 Maram aduna nakhoyna chattuna, jaat pumnamakpu sebok shemmu; makhoybu mapaagi, machaanupagi amasung thawaay ashengbagi mamingda buptized tou;

20 Eina nakhoyda pikhiba yaathang pumnamak adu ngaaknaba makhoybu tambiyu; aduga yeng-u, taaibang paanbagi aroiba phaaoba eina tattana nakhoyga loynanaa lei.