1 Samuel 29

Philistishingna Davidpu yaadaba

1 Matamduda Philistishingna Aphekta aduga Israelgi mishingna Jezreelgi eephut leiriba aduda laangi damak shem shaaduna tillammi.

2 Philistishinggi ningthou mangaduna makhoygi chaamma amadi lishinggi laanmishing puduna laangidamak khongshaankhi. Ningthou Achiska loynanaa David amadi mahaakka loynariba mishingduna tung eoi oinaa laaklammi.

3 Philistishinggi luchingbashingduna makhoybu ubaa matamda asumna hangkhi, " Hebrewshingsi maphamsida kari touribano?"

 maasida Achisna khumkhi, "Israelgi ningthou Saulgi phamnaaiba David haaybadu mahaaksini. Mahaak eigida shaaidaangduna leiraklibasini matam yaamna kuirabani. Mahaakna eigida leiba numittudagi ngasi phaaobada mahaakna thoidokpa araanba thabak amatta toukhidri."

4 Adum oinamak Philistishinggi luchingbashingduna yaamna shaaorammi amasung Achista makhoyna haayrammi, "nahaakna mahaakpu leiyu haayna thaakhiba maphamduda mahaakpu amuk haanna thakho. Mahaakna keidoungeidasu eikhoygi eteng pangloi. Kanaana khangba laanphamda mahaak eikhoygi yeknaba oirakpasu yaai. Laanphamsida mahaakna lotna touba yaaba thabak khara touraga ningthou Saulgi manaakta chenshinkhiba yaai. Eikhoygi mishing shiba kanbagi mahutta maningthougi manaak changba yaanaba nahaakna thabak toubada oithokloidouba kari leibage?

5 Nupishingna jaagoi shaaba matamda eshei oinaa thaaduna shaknariba nupaa David haaybadu nupaasini. Makhoygi nupishingna asumna esheida thaaduna shakpa nattra?

 "Shaulna lishingna khujing oinaa haatpa matamda, Davidna lishing tarana khujing oiduna haatkhi."

6 Mataangsida Achisna Davidpu kouraduna haayrammi, "Eeshorna saakhi oisanu nahaak yaamna napukchel shengba mi amani. Eigi asadi nahaak eigaa loynanaa laanphamda laanthengnaba changgadabani. Maramdi nahaakna eigida laakkhiba numittudagi ngasi phaaobada thoidokpa araanba amatta toude. Adubu Philistishinggi phamnaaibashingnadi nahaakpu thaajade.

7 Maramsina nahaak houjikti yumda hallo. Nahaakna hankhiba thoklabadi Philistishinggi phamnaaibashingsina yaamna haraaogani."

8 Davidna khumlammi, "eina kari araanba thabak toukhrabage? eigi eningthou oibiriba ebungngogi mayokta laandaba laakliba yeknabashinggi mathakta nanaaina laanthengnaba yaaroidoubagi thaajaba yaadaba karigumba eigi waangaang amadi lamchatta akaaiba leiba thengnabirabara?"

9 Achisna haayrammi, "Eeshorgi dutkumna nahaak eigi mityengda naran amatta leite. Adubu Philistishinggi luchingbashingna haayri: keidoungeidasu nahaakna eikhoygi eteng pangloi.

10 Maramsina David, Saulbu thaadoktuna laaknaba, nakhoy khudingna hayeng ayuk nganna hougattuna tu urakpa matamda maphamsi thaadoktuna chatlo."

11 Maramsidagi Davidna ayuk nganna hougattuna mahaakka loynanaa leiriba mishingdu puduna Philistishinggi lamda hankhi. Matamsida Philistishingna Jezreel taanna Israelgi mathakta laandarunaba chatkhi.