1 Corinthians 7
Luhongbagi, yumbandabagi amasung nupi khaainabagi maram
7 houjik nakhoyna erakpa waa adugi maridi mina yum paandaba phei. 2 adubu marumbigi thabak yaambagi maramna nupaa khudingna maagi maagi nupi lousanu, adugaa nupi khudingna maagi nupaa leisanu. 3 Mapuroibana maagi nupida adu pisanu, adugaa adugumna nupina su maagi mapuroibada pisanu. 4 nupina mamakki hakchaanggi mapu natte, adubu mapuroibanani; adugaa adugumna mapuroibana mamakki hakchaanggi mapu natte, adubu maagi nupina ni. 5 nakhoy nasaana haayjabagi damak matam sangnanaba, matam kharagidamak nakhoy ani yaanaba nattana, nakhoy amanaa amabu khamnaganu; adugaa nakhoy nakhoygi nasa khudam chanba waatpa maramna seitaanna nakhoybu themdananaba nakhoyna amuk haanna tinnaba phei. 6 adubu eina haayba asi yaathang oinaa natte, yaanaba oinaa haayjabani. 7 touegumsung mi pumnamakna eimakka mannaba eina pamjei. adubu mi khudingmakna maagi maagi khudon, amanaa machat asigi matung enna, adugaa atei amanaa machat adugi mattung enna, Eesor-dagi phangjare.
8 touegumsung eina yum pandabasingda amasung lukhraabisingda haaybani, makhoyna eigaa maannana leirabadi phei. 9 adubu makhoyna masa khudam chanjaba ngamdrabadi luhongsanu; maramdi meichaak khanggadabadagi luhongbana henna phei.
10 touegumsung luhongbasingda eina yaathang piri, eina natte, adubu Eesor-nani, haaybadi, nupina mapuroibada gi khaaynadasanu. 11 (Adubu mahaakna khaainnaragadi luhongdana leisanu, nattraga mahaakki mapuroibada taisinnajasanu); amasung mapuroiba aduna mahaakki nupibu thaadoktasanu.
12 touegumsung atei ateisingda eina haayri, Eesor-na natte, kanaagumba echin-enaao thaajadabi nupi leirabadi adugaa nupi aduna mahaakka leiminnanaba yaarabadi, mahaakna maabu thaadoktasanu, 13 Amasung kanaagumba nupi amagi thaajadaba mapuroiba leirabadi, adugaa mapuroiba aduna mahaakka leimin-naba yaarabadi, nupi aduna mapuroibabu thaadoktasanu. 14 maramdi thaajadaba maputoiba adu mahaakki nupigi mapaanna senghalli, amasung thaajadabi nupi adu echin-enaao adugi mapaanna senghalli; nattrabadi nakhoygi nachaasingdi sengde, adubu houjik makhoy seng-e.
15 Adumakpu thaajadaba aduna khaainarabadi mahaakna khaaynasanu; echin-enaao oirabasu, echaa n oirabasu, asigumba asida apunbagi maakha pondre. adubu Eesor-na eikhoybu engthana leinanaba koubire. 16 maramdi, he nupi, nahaakna napuroibabu kanbigani kanbiroi karamna khngbage? Aduga, he mapurobia, nahaakna nahaakki nupibu kanbigani kanbiroi karamna khngbage?
17 adubu Eesor-na mi khudingda yenbibagumna, Eesor-na mi khudingbu koubibagumna, mahaakna asumnata chatsanu. Amasung eina seenglup pumnamakta adugumna sinnabani. 18 Un kaklaba kanaagumba mibu koubirabra? Mahaakna un kaktaba oiraktasanu. Un kaktaba kanaagumba mibu koubirabra? Mahaakna un kaktaba leisanu; 19 Un kakpasu karisu natte, un kaktabasu karisu natte, adubu Eesor-gi yaathang ngaakpa adugi. 20 mi khudingna mahaak mahaakpu koubiba makou aduda asummak leisanu, 21 Nangbu minaai oiringeida koubibra? maadugi damak nungsa thiganu, adubu nangna ningtamba phangba ngamlabdi, maadu henna sijinnou. 22 maramdi mini oiringeida Eesor-gi marida koubiba mahaak adu Eesor-gi ningtamlaba mini, adugumduna maningtamba oinaa koubiba mi adu Christagi minaaini. 23 nakhoybu mamanna leire; misinggi mini oirakkanu. 24 echin-enaaosa mahaak mahaakpu koubiba aduda mi khudingna Eesor-ga loynanaa chetna leisanu.
25 Amasung leisaabisinggi maramda eina Eesor-gi yaathang phangyaade, adubu Eesor-gi nungsibiba phangjaraba thaajaba yaaba amagumna eina eigi waakhal khanghanjari. 26 maram asina eikhoygi ethakta leiba awaaba adugi maramna asi phei, haaybadi, mahaakna oiribagumna adum leijaba mioibagi damak phei haayna eina ningjei. 27 Nangbu nupida pullabra? thaadoknaba thiganu. Nangbu nupida punbagi thaadoklabra? nupi thiganu. 28 touegumsung nahaakna luhonglagadi nahaakki paap leite, amasung leisaabina luhonglabadi mahaakki paap leite. Adum oinamakpu asigumbasingna hakchaangda awaaba phanggani adugaa eina nakhoybu kanbige.
29 adubu, echin-enaaosa, asi eina haayjari, matam tensille; aduna houjiktagi nupi leibasingna leitbagumna oisanu. 30 adugaa akappasingna kaptabagumna, haraaobasingna haraaodabagumna oisanu; adugaa areibasingna marannai leijadabagumna, 31 Amasung taaibang paanbagi thou sijinnabasingna maadu pumsu sunaa sijinnadabagumna oisanu; maramdi taaibang-paal asigi chatnabidi laanthok-e.
32 touegumsung nakhoyna laangtaknadana leiba eina paambani. Mayum paandaba mi asuna Eesor-bu karamna pelhangadaba haayduna Eesor-gi thabakki damak cheksilli; 33 adubu luhonglaba mi aduna mahaakki nupibu karamna pelhan-gadaba haayduna taaibang-paangioiba potki damak cheksilli, 34 adugaa mahaakki pukning yennei. amasung mayum naaidabi nupiga leisaabiga nasu mahaakna karamna hakchaangdasu thawaaydasu asengbi oinanaba Eesor-gi thabakki damak cheksilli. adubu luhonglabi aduna mapuroibabu karamna pelhan-gadaba haayduna taaibang-paangi oiba thabakki damak cheksilli. 35 Amasung nakhoymakki tongjanaba asi eina haaybani; eina nakhoygi nathakta lang hunjin-ge haayba natte, adubu matik chana, amasung kangaaonadana thougan toujabada nakhoyna pukning thingjinba ngamnanabani.
36 touegumsung kanaagumba mi amanaa mahaakki machaa leisaabiromda machat phajanaa toubide haayna ninglabadi, mahaakki chahi matanggi leisaba hendok-khrabadi, amasung asum touba kannarabadi, mahaakna ningba adu tousanu paap toude; luhongjasanu. 37 adubu mahaakki pukningda chap-lepkhraba kanaagumba amana, tangaiphadaba leitaana, mahaak-makki ningba marida paanggal leiba, amasung mahaak-makki machaa leisaabibu ngaaknaba mahaak-makki pukningda waa loiba oirabadi, mahaakna phajanaa tougani. 38 adunadi mahaak-makki machaa leisaabibu luhongduna piba mi aduna phajanaa touwi; adugaa machaabu luhongduna pidaba mi aduna henna phajanaa tougani.
39 Mapuroibana hinglingei adupki makhei nupi adu pullibani; adubu mapuroibana sikhrabadi, mahaakna paamba amanaa luhongnaba thaadokpire; Eesor-gi maridatani. 40 touegumsung mahaakna asumna leijarabadi, mahaak henna nungaaibani haayba eigi waakhanni; adugaa eisu Eesor-gi thawaay phangjei haayduna eina ningi.