Ezra 8
Laanpha oinaa chatlubadagi hallakkhiba mising
8 Artaxerxesna ningthou oiringeida Babylondagi hallakpa Ezrana chingduna laakkhiba laanphasinggi emung manunggi yumburen-singgi singthaaron:
2 Pinehas amadi Gersomgi machaasinggi machaa ethamar amadi Danielgi machaasinggi machaa David amadi Hattuski macha, 3 Sekaniahgi mcahasinggi macha, Paros amadi Zechariahgi machaasinggi machaaga loynanaa mi 150 ming chankhi.
4 Pahath-Moabki machaasinggi macha, Zerahiahgi machaa Eliehoenaiga loynanaa mi 200.
5 Zattuki machaasinggi macha, Jahazielgi machaa Sekaniahga loynanaa mi 300,
6 Adingi machaasinggi macha, Jonathangi machaa Ebedka loynanaa mi 50
7 Elamgi machaasinggi macha, Athaliahgi machaa Jesaiahga loynanaa mi 70,
8 Sephatiahgi Machaasinggi macha, Michaelgi macha, Zebadiahga loynanaa mi 80.
9 Joabki machaasinggi macha, Jehielgi machaa Obadiahga loynanaa mi 218,
10 Banigi machaasinggi macha, Josiphiahgi machaa Selomithga loynanaa mi 160,
11 Bebaigi machaasinggi macha, Zechariahga loynanaa mi 28,
12 Azgadki machaasinggi macha, Johanan-ga loynanaa mi 110,
13 Adonikamgi machaasinggi tungda laakpasinggi mising Eliphelet, Jeuel adugaa Semaiahga loynanaa mi 60,
14 Bigvaigi machaasinggi macha, U-thai amadi Zakkurga loynanaa mi 70.
Ningna sangda seba changnanabagi damak Ezrana Levising khandokpa
15 Ahava youna chenkhriba tureldugi khongbalda eina makhoybu tilhankhi. Maphamduda eikhoy numit humni leiram-mi. Eina mi amadi purohit singdu thiduna yengbada Levisinggi machaasing amaa phaaoba yaoramde. 16 Masigi mathangda Eliezer, Ariel, Semaiah, Elnathan, Jarib, Elnathan, Nathan, Zechariah amadi Mesullamnachingba masak maming naairaba mising kourunaba paao thaarammi. maramdi Joiarib amadi Elnathan yaamna singba mi oirammi. 17 Makhoy anibu pukmen paaomenlaga Casiphiagi khullakpa Iddogi manaakta thaarammi. maramdi Jarib amadi Elnathan yaamna singba misingni. Eina makhoyda Iddo amadi maagi saageigi mising amadi ningna sang pannabasinggi maraktagi eikhoygidamak Mapu ningna sangda seba changnaba mi thaarak-u haayna paao thaarammi. 18 eikhoygi epuroigi thoujaanna thallaba khuttu eikhoygi ethakta thambiri maramsina makhoyna lemjaningai oiraba Mahligi machaa Serebiahbu thaarakkhi adugaa mahaakka loynanaa machin manaao taraanipal amasu thaarakkhi. 19 makhoyna Merari saageigi Hasabiah amadi Jesaiahbusu thaarakkhi. Makhoyga loynanaa mari mata mi kun amasu thaarakkhi. 20 Haayriba-singsigi mathakta Davidki matamda khandoklamba Levisingbu mateng pangnanaba mi 220 amasu laakkhi. Haayriba-singsi ming eduna leiba ngaktani.
Ezragi liching makhaada miyaamna chara henba amadi haayjaba
21 Ahava turenda yourakpa matamda eikhoy chatminnariba pumnamak chara henduna haayjagadabani haayna yaathang tou-rammi. maakha taana eina haayrammi maadudi asumna tourabadi eikhoygi epuroina eikhoy amadi echaa esu pumnamakpu amadi eikhoygi lan thum pumnamak ngaakpigani. 22 ningthouda eikhoyna chatlingeida yeknaba-singgi khuttagi kanbinaba laanmi thabiyu haayna hanggadoubadu thoidokna ekaairammi maramdi eina ningthouda epuroibu thaajaba khudingmak thoujanbi haaykhi. ebungngobu thaajadaba mi khuding awaapham taahanbiduna matik chaaba laman khum-i haaynasu haaykhi. 23 maramsina eikhoyna chara henduna epuroida haayjakhi adugaa ebungngona eikhoybu ngaakpi senbikhi.
Ningna sangda katpa potsing
24 Masigi matungda masak naairaba purohit Serebiah, Hasabiah amadi atop-pa tarakhak khandoklammi. 25 Ningna sangda sijinnanaba haayduna ningthou, phamnaaiba-sing, paaoutaak pibasing amadi Israelgi mina pikhiba sanaa, silver amadi patrasingdugi arumba onthokkhi. maasi onthoklaba matungda purohit singda pirammi. Eina pikhibasingdu asini:
26 silver kilo 22,425, Silver-na saaba paatra 100, arumbana paatra amam mamda kilo 34.5. sanaa kilo 3450.
27 sanaana saaba tenggot kun arumba kilo 8.6, Pithraaina saaba tenggot ani. Mamal sanaagi tenggotka maannei.
28 Eina makhoyda haayrammi, "nakhoydi nakhoygi napaa napusingna ninglamba Eesor-gi thoidokna asengba misingni, adugaa nakhoyna ebungngo-gi maphamda sengbagumna maphamsida leiriba patrasing, katningna kallakpa potsingsi asengbani. 29 Ningna sangdu youdriba matamdu phaaoba potsingsi nakhoyna cheksinna ngak sengadoubani. Maphamdu youraga purohitki kaduda chat-tuna pumnamaksi onthoklaga purohit singgi amadi Levisinggi luchingba-singda sinnagadoubani. maasi Jerusalemda leiriba Israelgi misinggi maangda paangthokkadabani." 30 Matou asumna purohit amadi Levisingna sanaa amadi silver-du Jerusalemda leiriba ningna sangda purakkhi.
Jerusalemda hallakpa
31 ahaanba thaagi taraanithoinisuba numitta eikhoy Jerusalemlomda chatnanabagidamak Ahava turenda thaadokkhi. eikhoygi epuroina eikhoybu yeknaba-singgi khuttagi ngaakpikhi. 32 eikhoy Jerusalem youraba matamda numit humni potthakhi. 33 Marinisuba numitta eikhoy ningna sangda chatkhi. Maphamduda sanaa, silver amadi patrasingdu onthoklaga Uriahgi machaa-nupaa Meremoth kouba purohittuda sinnakhi. mahaakka loynanaa Pinehaski machaa-nupaa Eleazar amadi Levi Jesuagi machaa-nupaa Jozabad amadi Binnuigi machaa-nupaa Noadiahsu yaorammi. 34 Pot khudingmak masing thirammi adugaa numitsimaktada esinduna thamkhi.
35 Laanpha oinaa chatlubadagi hallakkhibasingsina Israelgi Eesor-gi maphamda meida thaaduna thou tounanabagidamak athenpot kayaamarum purakkhi. Israelgi oinaa makhoyna sanlaba taraanithoi katkhi. yaao lamcha 96, yaao amom 77 katkhi. Aran thou paangthoknabagidamak makhoyna haameng 12-su katkhi. Haayriba saasingsi Eesor-gi maphamda thounigi potlam oinaa katkhi. 36 ningthouna makhoyda sinnakhiba chedu nongchup Euphrateki leibaak ngaakpa amadi phamnaaiba-singda sinnakhi. Haayriba-singsina miyaamda laining parei chetnnaba hotnabikhi adugaa ningna sangdu saagatpada pangbikhi.