Ephesians 1

Ephesianda Paulna eba lairak

Khurumjaba

1 Eeshorgi ningbibagi mapaanna Christa Jesusgi paakhon-chatpa Paulna Ephesianda leiba ashengbashingda amasung Christa Jesusgi marida thaajaba yabashingda: 

2 Eikhoygi epa amasung ebungngo Jesus Christadagi thoujaal amasung engthaba nakhoyda leibisanu.

Eeshorbu thaagatpa

3 Eikhoygi ebungngo Jesus Christa Eeshorsu mapasu oiba ebungngo mahaakpu thaagat-chagadabani. Eikhoyna ebungngo mahaakki maangda nungshibada ashengba amasung amakpa leitba oinanaba,

4 Taaibang-paal houdringeida eikhoybu Christada ebungngo mahaakna khan-gatpibagumna ebungngoda swargagi mapham maphamda thawaaygi oiba bor pumnamakna eikhoyda ebungngo mahatma bor pibire.

5 Chanathoiraba ebungngoda ebungngo mahaakna eikhoyda lemna pinabiba ebungngo mahaakki thoujaalgi matik mangaan thaagatpa oinanaba, ebungngo mahaakki ningbagi matung enna,

6 Ebungngo mahaak mathantagi damak Jesus Christagi mapaanna eikhoybu yokchaba machaashing oinaba haanna laangbire. 

7 Ebungngogi eegi mapaanna handokpiba, haaybadi, eikhoygi ayol-araan kokpiba,

8 Ebungngo mahaakki thoujaalgi ayaamba matung ennaa ebungngoda eikhoyna phangjei.

9 Ebungngo mahaakki apenba matung enna, ebungngo mahaakki ningbagi athuppa waa adu eikhoyda khanghanbiduna,

10 Loushing amasung mahei pumnamakna eikhoyromda ebungngo mahaakki thoujaalgi ayaamba adu yaamkhathanbire; swargada amasung prithibida leiba pot pumnamak Christada esup supchinnanaba, 

11 Matam pumsu shubagi sillaangba phaaoba ebungngoda mahaakki penba adu pukning leppire. Ebungngo mahaakki ningbagi waakhal matung ennaa thabak pumnamak toubiba, ebungngo mahaakki thouraang matung ennaa ebungngo mahaakna haanna laangbiraduna,

12 Christada haanna tarang tarang khangna ninglaba eikhoyna ebungngo mahaakki matik mangaan thaagatpagi damak oinanaba, ebungngoda eikhoybu Eeshorgi phangphatn thokpa oihalle;

13 Ebungngoda nakhoynasu achumba adugi waa adu, haaybadi, nakhoygi aran khubaamgi aphaba waapaao adu taaraduna ebungngoda thasu thajaraduna, waaleppagi thawaay ashengbana nakhoybu seal nambire,

14 Eeshorgi matik mangaan thaagatpa oinanaba, ebungngo mahaakmakki laal oinaba handokpiba adu phaaoba,thawaay ashengbana eikhoygi phangpham thokpagi waarep sen-gumbani.

Eeshorbu khangnabagi damak haayjaba

15 Maram asgidamak nakhoygi narakta leiba ebungngo Jesusda thaajaba adu amasung ashengbashing pumnamaklomda nungshiba adu einasu taaraduna,

16 Eigi haayja hajabada nakhoygi maramda ningshingjaduna thaagatchaba tokte;

17 Haaybadi eikhoygi ebungngo Jesus Christagi Eeshor, matik mangaangi mapaa aduna, ebungngo mahaakpu ekhang khangbana loushinggi amasung phongdokpiba waagi thawaay nakhoyda pibinanaba;

18 Aduga ebungngo mahaakki koubibagi tarang tarang khangna ningba adu karino, ashengbashingda ebungngo mahaakki phangpham thokpagi matik mangaangi ayaamba adu karino, 

19 Amasung ebungngo mahaakki akanba paanggalgi thabak touba adugi matung enna, thaajaba eikhoyromda ebungngo mahaakki paanggalgi thoidok hendokna chaaoba adu karino haayba nakhoyna khangnanabagidamak nakhoygi pukninggi mit ngalhanbinanaba, eina haayjabani;

20 Ebungngo mahaakki akanba paanggalgi thabak adu Christada toubiraduna asumna utpire, haaybadi, ebungngo mahaakna Christabu ashibashinggi maraktagi hinggatpiraduna,

21 Swargagi mapham maphamda mapu oiba, matik, paanggal, angam-athou, amasung taaibang paanba asitada nattana, laakkadabadasu phaoriba ming khuding, pumnamak asigi mathakta ebungngo mahaakki yet-thangbada phamhanbire.

22 Aduga ebungngo mahaakna ebungngogi khuyaa khada pot pumnamak makha polhan biduna, pot pumnamakki mathakta makok oinanaba, shinglupta ebungngobu pibire;

23 Shinglup adudi ebungngogi hakchaang, pumnamakta pumnamak ethan thal-hanjabagi athanba aduni.