Judges 7

Gideonna Midianshingbu maaythiba pikhiba

1 Nongma ayuk nganna Gideon amadi mahaakki mishingna hougatlaga Herodki nakanda leiriba eephuttugi manaakta laanban shaagatlammi. Midianshinggi laanbandu makhoygi laanbangi awaangthangba maaykeida leiba Moreh chinggi tampaakta shaarammi.

2 Eeshorna Gideonda haayrammi, " Midianshingbu maaythiba pigani haayna thorakliba nahaakki mishingsi mashing thoidokna yaammi. Makhoyna khan-gani eikhoy eshaana laan ngamjabani. Eina toubani haaybasi makhoyna haayrakloi.

3 Maramsina mishingda haaydok-u, kanaagumbana kirabadi nayumda hankhiba yagani aduga kidaba mi kharaduta maphamsida leihougani. Gideonna chaang yengba matamda mi 22,000 Mayumda hankhi aduga Supan-gi 10,000 leihourammi.

4 Eeshorna Gideonda haayrammi. “nahaakka loynariba mishingdu yaammalli. Makhoybu eeshingda putharo aduga maphamduda makhoybu eina chaang tougani. Nahaakka loynaba yagani haayna haayrakpashingdu nahaakka loynanaa chatpa yagani. Nahaakka loynanaa chatpa yaaroido-uri haayna eina nangonda khanghanbashingdu nahaakna puba yaaroi."

5 Yaathang sigi matung ennaa mahaakna mishingdu eeshing mapaanda putharammi. Eeshorna mataangsida Gideonda haayrammi, "huina eeshing thakpagumna eeshing thakpashingdu nahaakna mashak khangjinga doubani. Aduga khuru khudak kunduna eeshing thakke toubashingdusu mashak khangjingadoubani."

6 Makhutna eeshing shoklaga thakkhiba nupaa 300 khakta oirammi aduga ateidi khuru khudak kunduna eeshing thakkhi.

7 Maramsina Eeshorna Gideonda haayrammi, "khujokta eeshing thakkhiba nupaa 300 ga laan changba matamda Midianshingbu nahaakki nakhutta taahangani. Atei-shingdu maagi maagi mayu-mda halhankho."

8 Maramsina Gideonna Israelgi mishingbu mayumda thaakhi. Aduga mahaakka leihouba haaybabu chaangdaba yaadaba potshing shennariba aduga pere paayba makhoy 300 dukhakta oirammi. Midianshinggi laanban makhoygi laanbangi makharomda leiriba tampaaktuda oirammi.

9 Ahingdumaktada Eeshorna Gideonda haayrammi, "hougatlo, houjikti laanbandu laakshinba yaare. Eina maasi nangonda pirabani.

10 Karigumba natomta laanbanduda chatpa kirabadi nahaakki nanaai Purah koubadu puraga chatlu.

11 Makhoyna kari kari haaynari haaybadu mahaak haanna tarucho. Makhona haaynariba waadu taaraga makhoygi mathakta laandaba ngamgani." Mahaakna puraga laanbangi laanjangbashingna leiriba maphamdu taanna chatkhi.

12 Midianshing, Amalekshing amadi nongpoklomgi mishingdu mashing thibaa ngamdaba koujengshinggi matougumna shaandoktuna leirammi. Samudra khongbalda leiba leingoigi matougumna makhoygi utshingdu mashing thibaa ngamlamde.

13 Gideonna laanbandu youba matamda kanaagumba nupaa amanaa mahaakki maruptuda mang liba taakhi. Nupaaduna maruptuda haayrak-e. "eina mang amaa manglammi aduga mangsida yabna shemba tal amakhakna eikhoygi laanbanda onduna laaklaga shang amada thengba matamda shangdu tukhi aduga leimaayda tektuna taakhi."

14 Mahaakki maruptuna haayrammi, haayribadu kanaasu natte. Israelgi mi, Joaski machaanupa Gedeonni. Mahaakki makhutta tilliba miyaam amadi Midianshingsi Eeshorna pikhrabani."

15 Gideonna mang amadi masigi arthadu taaraga Israelgi laanban taanna laakkhi. Mahaakna miyaamda haayrammi. " Hougatlo, Eeshorna Midian-shingbu nakhoygi nakhutta pibirabani."

16 Mahaakna mi 300 du kaanglup ahum thokna khaaidoklammi, makhoygi makhutta pera amam-mamga ahaangba paattra amam-mamga paihallammi. Patrashingdugi manungda thaaoumei amam-mam yaaorammi.

17 Mahaakna makhoyda haayrammi, "eina toubamakhei tounanaba munna yeng-u. Laanbangi manaak hek youba matamda eina touba khudingmak nakhoysu touba taay.

18 Eigaa loynariba amadi eihaak eshaana pere khongba matamda nakhoysu pere khongadabani. Masiga loynanaa ' Eeshor amadi Gideonna joy oire' haayna laaogadabani.

19 Gideon amadi nupaa 300 duna matam yenglaga nongyaai yourakpagi aduwaaida laanbandugi manaakta laaklammi. Makhoyna pere khonglammi amasung loynanaa makhoyna paairiba patrashingdu leimaayda thadarammi.

20 Kaanglup ahumduna matam amatada pere khongkhi. Makhoyna paairiba patrashingdu thugaaykhi. Makhoygi makhut oinaa mei pairammi aduga makhut yenta pere khonglammi. Makhoyna khonjen amata oinaa asumna laaorammi, "Eeshor amadi Gideongi mingda thaangshaang laakle."

21 Mi khudingmak laanbandugi akoybada leptuna leirammi. Laanmishingdu akibana thalladuna laao khongduna chellammi.

22 Makhoyna pere 300 du khongba matamda Eeshorna makhoygi yeknaba oiriba laanmishingdu amaga-amaga onshinnahanduna thangna yaan-nahankhi. Yeknabagi laanmishingdu Tabathki manaakta leiba Abel Meholahgi ngamkhei, Zererahgi maaykeida leiriba Beth Sittah youba phaaoba chellammi.

 23 Mataangsida Israelgi mishingdu Naphtalidagi kourammi. Asher amadi Manassehda leiriba Israelgi mishingnasu thoraktuna yeknabashing oiriba Midianshingbu tannarammi.

24 Gideonna paaopuba mi thaaduna Ephraimgi chingda leiriba lamshing shinba thungna paao amaa chellammi. Mahaakna haaykhi, " Midianshinggi mayokta laaktuna makhoygi lamda leiriba eeshing khongshingsi theidok-u. Beth Barah amadi Jordanda chelliba eeshing khongshingdu theidokkho."

25 Makhoyna Midianshinggi ningthou machaa Oreb amadi Zeeb anidu laanpha oinaa puduna chatkhi. Obergi ching kouba maphamduda Obebpu haatkhi. Makhoyna Midianshingbu tannabada Zeebpuna Zeebki ching kouba maphamduda leiba yu sungphamduda haatkhi. Makhoyna Obeb amadi Zeebki makokshingdu Jordan waangmada leiba Gideonda purakkhi.