2 Samuel 23
Davidna aroiba paaoutaak piba
23 Jessegi machaa-nupaa Davidpu Eesor-na mapaan naaidana achouba ningthou amaa oinaa sembikhi. Jacobki Eesor-na mahaakpu ningthou oinaba miyaamlaktagi khandokkhi. Israelgidamak mahaakna phajaraba esei kayaa lengkhi. Davidna haaykhiba aroiba paaoutaak makhaada piribasini:
2 Eesor-gi thawaayduna eingonda waa ngangbiri, ebungngo-gi paaojeldu eigi echinda thok-hanbi.
3 Israelgi Eesor-na eingonda waa ngangbire, Israelbu ngaakpiriba mapuduna eingonda asumna taakpiri, "achumba lichingna waayelba ngamba ningthou, Eesor-gi yaathang enjaba ningthoudu,
4 Leichin nongphai thangdaba ayukta thokpa numitkumbani, nong takhraba matungda napida mangaanna yeiba matamda tanikpadugumbani."
5 Matou asigumna Eesor-na eigi chaaron-suronda oihanbigani, maramdi ebungngona honglaroidouba areppa waasak amaa toubire, thugaayraroidouba yaanaba amasu leinare, lenglaroidouba waasak amasu pibire. Masitani eina khouraangna ngaijaramba, masitana eigi joy haaybaduni, Eesor-na pumnamaksi oihanbigani.
6 Phattaba midi langthoktuna thamba tingkhangga pankhakni, khutna echam chamna paayba ngamde.
7 Makhoybu sokke haayrabadi yot nattraga ta paidaba yaade, nattraga makhoybu meida tumna thagadabani.
Davidki matamda leiramba aphaoba laanmising
(1 miron 11:10-41)
8 makhaada piribasingsi Davidki aphaoba laanmisinggi mamingni? Tahkemonitegi Joseb-Bassebethna khagatlaba ahumgi manungda makok oirammi. Mahaakna tana laanpham amattada mi chaanipaan matomtana haatkhi.
9 Aho saageigi Dodogi machaa-nupaa Eleazarna ahumgi manungda mathak oirammi. Davidna Philisti-singgi mathakta laandaba matamda mahaak Davidka loynarammi. Israelna maaythiba taarabada 10 Mahaakna khongpham hongba leitaana Philisti-singga maayoknakhi. Thang haayba ngamdaba phaaobada mahaak chenba leikhide. Eesor-na numittuda laangam phiral thethanbikhi. Matungda Israelgi misingna Eleazarna leiriba maphamduda chatlaga siduna leiriba misingdagi khutlainachingba munkhi.
11 Khan-gatlaba ahumsigi manungda amadi Hararigi Agigi machaa-nupaa Sammah oirammi. Philisti-singna Lehida laanban saaduna leirammi. Maphamduda hawaai houba loubuk amaa leirammi. Israelgi misingna Philisti-singna taksillakpada chellammi. 12 adubu sammahna loubuktuda leptuna Philisti-singga lanba toukhi. Numittudasu Eesor-na laan-ngam phiral thethalbikhi.
13 Lourok pantha yourakpa matamda kunthraagi makok oiriba ahumduna Adullamda leiriba Davidki manaakta chatlammi. Matamsida Philisti-singna Rephaimgi tampaakta laanban saaduna leirammi. 14 Matamsida David chekpanna khajillaba chingda saaba laanban amada leirammi. adugaa Philisti-singna Bethlehem lousinkhirammi. 15 Davidna mayumda chatninglammi maramsina mahaakna haayrammi, "Bethlehemgi thonggalda leiriba guhadagi eesingdu khajikta oirabasu thakningkhreda." 16 Masida aphaoba laanmi ahumsina Philisti-singna leiriba maphamdu phaaoduna chat-khraga haayriba guhadudagi eesing khara purakkhi adugaa maadu Davidta pikhi. adubu mahaakna eesingdu thakkhide. eesingdu Eesor-gi khuyaakhaada thounijaba oinaa katchakhi. 17 Mahaakna haaykhi, "Eesor, nanaaina maasi thakpa ngamde maramdi maasi thakpa thoklabadi mapunsi khubaakta haaptuna laanthengnaribasingsigi ee thakpaga amha oigadouri." asumna mahaakna eesingdu thakkhide.
Mathakta piribasi touba ngamba laanmi ahumduna toukhiba thabaksingni.
18 Joabki machin manaao Zeruiahgi machaa-nupaa Abisaina 30-gi makok oirammi. Mahaaksu tana thinduna mi 300 haatkhi. Mathakta piriba ahumduga mannaana mahaaksu maming chatlammi. 19 Phamnaaiba kunthraagi marakta mahaakna ehen henna phaaorammi. Mahaaksu luchingba amani adubu ahumdugumna oibadi ngamkhide.
20 Kabzeelgi Jehoiadagi machaa-nupaa Benaiah yaamna kanba nupaa amaa oirammi. Mahaaknasu angakpa thabak kayaa tourammi. Mahaakna Moabki nongsagum kallaba nupaa ani haatkhi. Un yaamna taaba numit amadasu nongsa amaa guha amadagi haatkhi. 21 Egyptki masa yaamna chaaoba ta paayba nupaa amaa haatkhi. Benaiahna makhutta chei amaa pairaga nupaaduna pairiba tadu munkhi adugaa taaduna nupaadubu thinduna haatkhi. 22 Thoudok-singsidagi Jehoiadagi machaa-nupaa Benaiah akanba ahumduga maannana maming chatlammi. Davidna mahaakpu ningthou sennaroisinggi makok oihallammi.
24-39 Khan-gatlaba kunthraagi manungda chankhiba misingdi makhaada piribasingsini:
Joabki machin manaao thokpa Asahel Bethlehemdagi Dodogi machaa-nupaa Elhanan Harodtagi laakpa Sammah amadi Elika Pelettagi laakpa Helez Tekoagi Ikkeski machaa-nupaa era Anathothgi Abiezer, Husadagi Mebunnai Ahoagi Zalmon, Netophahdagi Maharai Netophahdagi Baanahgi machaa-nupaa Heleb, Benjamindagi manung chanba Gibeahdagi Ribaigi machaa-nupaa Ittai Pirathondagi Benaiah, Gaaski tampaak manaaktagi Hiddai Arbathdagi Abialbon, Barhumdagi Azmaveth Saalbondagi Eliahba, Jasengi machaa-nupaa Jonathan, Harardagi Sammah, Harardagi Sarargi machaa-nupaa Ahiam Maakahdagi Ahasbaigi machaa-nupaa Eliphelet, Gilondagi Ahithophelgi machaa-nupaa Eliam Carmeldagi Hezro, Arabtagi Paarai Zobahdagi Nathanggi machaa-nupaa Igal, Gadtagi Bani Amondagi Zelek, Joabki khutlai paayba Beerothtagi Naharai ethrdagi era, amadi Gareb Hittigi Uriah,
mathakta piribasingsi aphaoba kunthraataretki mamingni.