Luke 19
Zacchaeusna pukning hingba
1 Matung aduda Ebungngona Jerichoda yourabada maphamdudagi chatlammi.
2 Amasung yeng-u, maming Zacchaeus kouba athoiba khaajana thouba nupaa amaa leirammi; amasung mahaakti enaakkhunbani.
3 Aduga mahaakna Jesusdu kanaano yenggadabagi hotnarabasu, miyaamna omsinbana ngamlamde, maramdi mahaak marep nemmi.
4 Aduna mahaakna maangda chenkhattuna, ebungngobu unanaba heibong paambi amada kakhatle, maramdi Ebungngona lambi adomda lenggadourammi.
5 Amasung Jesusna mapham aduda laaklabada, yengkhattuna maangonda haay, Zacchaeus, thuna kumtharo, maramdi ei ngasidi nanggi yumda leiba taare.
6 Maduda mahaakna thuna kumtharaktuna, ebungngobu haraaona loushinjare.
7 Amasung madu ubada, makhoy pumnamakna murum murum shonduna, mahaakti paap-chenba nipagi yumda thungnaba changkhre, haay.
8 Adubu Zacchaeusna leptuna Eeshorda haay, yengbiyu, Eeshor, eigi leijaba makheigi tangkhay laairabashingda eina pi; aduga eina kanaagumba migi karigumba chumdana lourabadi, sharuk mari eina hanbi.
9 Aduga Jesusna maangonda haay, yum asida ngasidi araan khubam laakle, maramdi mahaakpu Abrahamgi machaanupani.
10 Maramdi migi machaanupa aduna maangkhraba adubu thinanaba amasung kanbinanaba laakle.
Talentki paandam
( Matthew 25.14-30 )
11 Amasung makhoyna waaramshing asi taaringeida, Ebungngona paandam amasu haay, maramdi ebungngo Jerusalem naksillakle, amasung Eeshorgi leibaak thuna ugadouri haayna makhoyna ninglammi.
12 Maram aduna Ebungngona haay,
achouba shaageigi kanaagumba amanaa masha mathantagi damak ningthouleibak amaa phanglaga hallaaknanaba, athaappa leibaakta chatkhi.
13 Aduga mahaakna mahaakki minaai taraa kouraga, makhoyda mina taraa piduna haay, eina laaktriba phaaoba asinalallonou
14 Touegumsung mahaakkileibaakki mishingna mahaakpu tukkachaba maramna waa pubashing mahaakki tungda thaakhiduna, nupaa asina eikhoygi ethakta ningthou oiba eikhoyna paamde, haayduna haayrei.
15 Asum thoklare, mahaakna ningthouleibak adu phangladuna hallakpada, mahaakna shel pikhiba minaaishing adu lallonjaduna kayaa tongjabano khangnanaba, makhoybu maangonda kouraknaba yaathang pire.
16 Aduga minaai ahaanba aduna mahaakki maangda laaktuna haay, Eeshor, ebungngogi mina aduna mina taraa tongjare.
17 Maduda mahaakna maangonda haay, yaamna phaare, aphaba minaai, nangna thabak apikpada thaajaba yaaba maramna, saahar taraagi mathakta mapu oijaro.
18 Amasung anishuba aduna laaktuna haay, Eeshor, ebungngogi mina aduna mina mangaa tongjare.
19 Maduda mahaakna maangondasu haay, nangsu saahar mangaagi mapu oijaro.
20 Amasung atei amaa aduna laaktuna haay, Eeshor, yengbiyu, ebungngogi mina eina phijetta liduna thamba adu asini;
21 Maramdi eina nahaakpu kijarammi, maramdi nahaakti naringjen khaba mini, nahaakna thamjinkhidaba pot adubu loukhatli, amasung hundaba adusu khaaoi.
22 Mahaakna maangonda haay, he phattaba minaai, nangmakki nachindagi eina nangbu waayen-gani. Eidi eringjen khaba mini, eina thamdaba adu loukhatli, amasung hundaba adu khaaoi haayba nangdi khanglamboire.
23 Adu oirabadi nangna eigi shel adu sen-onphamda karigi pishindabage? madu tourabadi, eina laaklaga sendoiga loynanaa loukhatcharamgadabani.
24 Amasung mahaakna manaakta leppa makhoy aduda haay, maangondagi mina adu louthoktuna, mina taraa leiba mahaak aduda piyu.
25 Maduda makhoyna maangonda haay, Eeshor, mahaak asigidi mina taraa lei.
26 Eina nakhoyda haayri, areiba mi khudingda pigani touegumsung leitba mahaak adudagi maagi leijariba adu phaaoba louthokkani.
27 Adubu makhoygi mathakta eina ningthou oibabu pamdaba eigi yeknabashing asibu asida puraktuna eigi emangda haatlu.
Jesusna Jerusalemda lolaa tongduna laakpa
28 Amasung Jesusna waa asi haayba matungda, Jerusalemda chatnanabagi mang thaarammi.
29 Asum thoklare, Ebungngona Mount of Olive kouba chingda taaba Betphage amasung Bethanyda naksillakpada, Ebungngona sebok anida asi haayduna thaakhirammi,
30 Nakhoygi namaangda leiriba khul aduda chatlu; nakhoyna maduda changbada kanaa amatana tongdriba lolaa machaa amaa punduna leiramba phanglugani; madu thoktuna purak-u. 31 Aduga nakhoyna maasi karigi damak thokpage haayduna kanaagumbana nakhoybu hanglabadi, nakhoyna asumna haayyu, Eeshor aduna maasibu kaannaba lei.
32 Maduda nupa ani chatkhiduna, Jesusna makhoyda haayba adugumna phangle.
33 Aduga makhoyna lolaa macha adu purakke touringeida, mapuduna makhoyda haaykhi, nakhoyna lolaa machaa adu karigi puge touribano?
34 Maduda makhoyna haay, Eeshorgidamak mais darker oi.
35 Aduga makhoyna madu Jesusgi maphamda chinglaklaga, lolaa machaa adugi mathakta makhoygi phi thaaduna Jesusbu tonghalle.
36 Amasung Ebungngona asum laakli-ngeida, makhoyna makhoygi phi lambida thabirammi.
37 Houjik Ebungngona asum naksillakpada, Mount of Olive chingdagi kumtharamdaida, sebokshing mayaampumnamakna ukhiba toungamdaba thabak pumnamakki maramda haraaoba amasung khonjen waangna Eeshorbu thaagatchaba houraduna haay,
38 Eeshorgi mingda lengbirakliba ningthou adu yaaiphabani!
39 Aduga miyaam adudagi pharisi shing kharana ebungngoda haay, oja, nahaakki sebokshingbu waaraku.
40 Maduda Ebungngona khumlak-e, eina nakhoyda haayribani, makhoy asina tuminna leirabadi, nung makheina laaothokkani.
Jesusna Jerusalemgi maramda tengthaaba. Jesusna Ningnashang shengdokpa
41 Amasung Ebungngona naksillakpada, saahar adu uraga, madugi maramda kaptuna haay,
42 Nangna numit asida, nangmakna, engthaba oibagi thabak adu khanglamlabadi! adubu houjikti nanggi mityengdagi madu thuptuna leiri.
43 Maramdi nathakta asigumba numit shing laakkani, haaybadi, nanggi yeknabashingna nanggi akoybada pal shaaraga, koishinduna, maaykei khudingmakta nangbu thingjillagani;
44 Amasung nangga nanggi manunggi nachaashinggabu leibaakta enthuragani, aduga nanggi manungda nung amabu amagi mathakta makhoyna thamlamlaroi; maramdi nangbu mityeng tabiba matam adu nangna khanglamde.
45 Adugi matungda Ebungngona Ningnashangda changsillaga, yollibashingbu taanthokpa houraduna, makhoyda haay,
46 Maasi ekhre, Ebungngona makhoyda haayrak-e, eigi sangdi haayjanaba shang oigani, adubu nakhoyna madu daakushinggi makol oihalle.
47 Amasung Ebungngona Ningnashangda numit khuding tambirammi. Touegumsung athoiba purohit shing, shaastragi ojaashing amasung athoiba mishingna ebungngobu manghannaba thirammi;
48 Adubu kari tougadage haayba makhoyna phanglamde, maramdi mi pumnamakna ebungngoda pukning changna taarammi.