Mark 3

Makhut naamma sithaba mi amabu amasung atei anaaba singbu phahan-biba

( Matthew 12.9-14; Luke 6.6-11)

3 Amasung ebungngona  loysangda amuk lengsil-le; maaduda makhut naamma sithaba mi amaa leirammi. 2 Amasung makhoyna ebungngobu maraal piba yaana-naba, ebungngona maabu potthaaba numitta phahan-gadra haayduna makhoyna lumduna yenglammi. 3 adugaa ebungngona makhut naamma sithaba mi aduda haay, mayaaida lepkhatlu, 4 Amasung ebungngona makhoyda haay, potthaaba numitta aphaba nattraga phattaba touba, thawaay kanbiba nattraga haatpa hounabra? adubu makhoydi tuminna lei. 5 adugaa ebungngona asaaobaga loynanaa makhoyda koyyeng yenglaga, makhoygi thammoi kanbagi ebungngona  thawaay waaraduna mi aduda haay, nakhut tingthok-u, adugaa mahaakna tingthokpada, mahaakki khut hannagum phakhre. 6 Amasung pharisi singna thokkhiduna, khudak aduda ebungngobu karamna maanghansige haayba Herodia singga loynanaa waa taannarammi.

 7 Amasung Jesus-na sebok singga loynanaa samudrada lengthok-khre, adugaa Galileedagi miyaam yaamna tung elle; amasung Judeadagi, 8 Jerusalemdagi, Idumeadagi, Jordan waangmadagi, amasung Tyrega Sidon-gagi akoybadagi miyaam yaamna ebungngona  toukhi toukhiba adu taaraduna ebungngo-da laakle. 9 Amasung miyaam aduna ebungngobu omsin-dananaba, ebungngo-gi damak hi machaa amaa thouraang tousanu haayduna sebok-singda haayrak-e; 10 maramdi ebungngona asup yaamba mibu phahalle, phattaba laayna thungba pumnamakna ebungngobu soknanaba ebungngo-da ensillakle. 11 Amasung sengdaba thawaay singna ebungngobu ubaa khudingda, ebungngo-gi maangda tuthaduna laaona haayjei, ebungngodi Eesor-gi machaa-nupaani. 12 maaduda eibu mida khanghan-ganu haayduna akanba yaathang ayaamba makhoyda pire.

Jesus-na sebok taraanithoi khandokpa

( Matthew 10.1-4; Luke 6.12-16 )

13 Amasung ebungngona  chingda lengkhattuna, ebungngo makna paamba makhoybu koukhatle, amasung makhoyna ebungngo-gi maphamda laakle. 14 adugaa ebungngo-ga loynanabagi, amasung bhut singbu taanthokpa ngamba matik yaaona paao saandoknaba makhoybu thaana-nabagi, 15 ebungngona  taraanithoibu pham haaple. 16 ebungngona  Peter thonbiba Simon, 17 Zebedeegi machaa-nupaa James amasung Jameski manaao John (makhoy anibu ebungngona  Boanerges, haaybadi nongkhaakpagi machaa-nupaasing thonjinbi); 18 Andrew, Philip, Barthalomoi, Matthew, Thomas, Alphaeusgi machaa nupaa James, Thaddaeus, Zealot, Simon, 19 Amasung yeknabagi khutta ebungngobu pithokpa Judas Iscariot taraanithoi asibu ebungngona  pham haappibani.

Jesusdi seitaan-gi pang-bibana thabak touribani haaybada Jesus-na khumbaa

( Matthew 12.22-32; Luke 11.14-23; 12.10 )

20 Amasung ebungngona  yumda lenglak-e; adugaa mi yaamna amuk tinnare, aduna makhoyna chaaba phaaoba ngamlamde. 21 Amasung ebungngo-gi naknaba singna maadu taarabada, makhoyna ebungngobu phaananaba thoklakle; maramdi, ebungngodi mapukning seraannakhre, haayduna makhoyna haaynarammi. 22 adugaa Jerusalemdagi kumthaarakpa saas-tragi ojaa-singna haayrammi, mahaakna Beelzebul phangle, amasung bhut singgi mapugi mapaanna mahaakna bhut singbu taanthokli. 23 Amasung ebungngona makhoybu kousinduna paandamgi waana makhoyda haayrak-e, seitaanna seitaanbu karamna taanthokpa ngambage? 24 adugaa ningthou leibaak amanaa masaagi manungda naakpaak taajarabadi, leibaak adu paanba ngamde. 25 Amasung emung manung amanaa masaagi manungda naakpaak taajarabadi, emung manung adu paanba ngamloi. 26 adugaa seitaanna mathantabu yeknaraktuna naakpaak taajarabadi, paanba ngamde, adubu maagi aroiba oi. 27 touegumsung kana amatana akanba migi yumda changlaga, akanba mi adubu haanna pundrabadi, maagi mapot machei munba ngamde; pulle haayraga maagi yum lut touba ngamgani. 28 Eina nakhoyda thaanggei sengna haayribani, mioibagi machaasinggi paapsing, amasung makhoyna thina nganglagadi makhoygi thina ngaangba pumnamak adu kokpigani; 29 touegumsung thawaay asengbagi mathakta kanaagumbana thina nganglabadi, keidoungeidasu kokpiba phangde, adubu lomba naaidaba paapki maraal phang-e. 30 maramdi ebungngona sengdaba thawaay phangle haayduna makhoyna haaynarammi.

Achumba echin-enaao

( Matthew 12.46-50; Luke 8.19-21 )

31 Amasung ebungngo-gi mamaa amasung manaaosing lak-e; adugaa makhoyna mapaanda leptuna ebungngobu kounaba thaare. 32 Amasung miyaamna ebungngo-gi akoybada phamduna leirammi; adugaa makhoyna ebungngo-da haayrak-e, yeng-u, ebungngo-gi emaaga enaaosinggana mapaanda leiduna ebungngobu thiri. 33 maaduda ebungngona makhoyda khumlak-e, eigi ema amasung enaaosing kana kanaano? 34 Amasung ebungngo-gi akoybada phamliba makhoyda koyyeng yengduna ebungngona  haay, yeng-u, eigi ema amasung echin-enaaosing! 35 Eesor-gi ningba touba kanaagumba mi adu eigi echin-enaao, echan-eche amasung emaani.