John 7

Jesus amasung ebungngo-gi machin manaaosing

7 Amasung asigi matungda Jesus-na Galileeda koirammi, maramdi Jews-singna ebungngobu haatna-naba thibagi maramna Judeada ebungngona  koininglamde. 2 adugaa Jews-singgi chaak-khangba, haaybadi khaangpokki chaak-khangba, naksillammi. 3 maram aduna ebungngo-gi manaaosingna ebungngo-da haay, nahaakki sebok-singnasu nahaakna touri touriba thabak adu unanaba, nahaakna mapham asidagi chat-thoktuna Judea taanna chatlu. 4 maramdi masaamakpu phongdokpa pamaba mi kana amatana lonna toude, nahaakna thabaksing asi tourabadi, taaibang panbada nasa nathantabu phongdokchou. 5 maramdi ebungngo-gi manaaosingmakna ebungngo-da thajaramdri. 

6 maram aduna Jesus-na makhoyda haay, eigi matamdi houjik laktri, adubu nakhoygi matamdi tattana khudong chaabani. 7 Taaibang paanbana nakhoybu tukkachaba ngamde, touegumsung masigi thabak phatte haayna eina taaibang paanbagi maramda saakhi pibagi maramna eibu tukkachei. 8 nakhoyna chaak-khangba aduda chatlu, eidi chaak-khangba asida houjik chatkhiroi, maramdi eigi matam thungladri. 9 Mahaakna waasing asi makhoyda haayraba matungda, ebungngona  Galileeda adum leirammi

10 touegumsung mahaakki manaaosingna chaak khaangbada chatkhrabada mahaaksu aduda chatlammi, adubu phongna nataduna lonna chatlammi. 

11 adudagi Jews-singna ebungngobu chaak khaangbada thiduna haayrammi, mahaak kadaayda leibano? 12 Amasung ebungngo-gi maramda miyaam-singgi marakta murum murum sonnaba yaamlammi, kharana haayrammi mahaakti aphaba mini, ateisingna haayrammi, natte, adubu mahaakna miyaambu seraannana chingbani. 13 Adum oinamakpu Jews-singbu kibagi maramna, kanaanasu ebungngo-gi maramda phongna ngangnaramde.

Eidi Eesor-dagi laakpani haayna Jesus-na Jerusalemda tambiba

14 touegumsung houjik chaak-khangba adu khaaibok chansillakpada, Jesus-na Eesor ningna sangda lengkhattuna tambirak-e. 15 maram aduna Jews-singna ngakladuna haayrammi, etam tamdana mi asina waahei karamna heiribano? 

16 maram aduna Jesus-na makhoyda khumlak-e, eigi tambiba asi eigi natte, adubu eibu thaaraklaba maangondagini. 17 kanaagumbana ebungngo mahaakki ningba touninglabadi, tambiba asi Eesor-dagira, nattraga ei ethantadagi nganglibra haayba mahaakna khngjagani. 18 masa mathantadagi ngaangliba mahaak aduna masa mathantabu thangatchaba thiribani, touegumsung mahaakpu thaaraklaba ebungngo mahaakpu thaagat chaaba thiraba mahaak adu achumbani, adugaa dharmachendaba leite. 19 Moses-na nakhoyda waayel yaathang piraba nattra? adubu nakhoy kana amatana waayel yaathang adu toude, nakhoyna eibu karigi haatke thiribage? 

20 miyaamna khumle, nahaak bhut pubani, nahaakpu kanaana haatke thibano? 21 Jesus-na makhoyda khumlak-e, eina thabak amaa toure, adugaa nakhoy pumnamakna ngaktuna lei. 22 Moses-na nakhoyda un kakpa pire (madu Moses dagi natte, adubu epa epu-singdagini), adugaa potthaaba numitta nakhoyna mibu un kaknei. 23 Mosesgi waayel yaathang kaidananaba, potthaaba numitta mibu un kaklabadi, eina potthaaba numitta mibu anaaba pumpha phahanbagidamak nakhoyna eigi ethakta karigidamak kanna saaoribano? 24 nakhoyna maaythong yengduna waayelganu, touegumsung achumba waayelna waayellu.

25 maram aduna Jerusalemgi mi kharana haaynarammi, makhoyna haatke haayna thiriba mahaak adu asi nattra? 26 Amasung yeng-u, mahaakna ephong phongna waa ngangli, adugaa makhoyna maangonda karisu haide, asi Christa aduni haayduna luchingba-singna chumna khnglamgadra? 27 Adum oinamakpu mi asi kadaaydagino eikhoyna khang-e, touegumsung Christana lenglak-pada, mahaak kadaaydagino kana amatana khngloi. 

28 maram aduna Jesus-na Eesor ningna sangda tambiri-ngeida mahaakna laaoduna haay, nakhoyna eibu khang-e, adugaa ei kadaaydagino haayba adusu khang-e, ei ethantagi laakpa natte, adubu eibu thaarakpa mahaak adu achumbani, nakhoyna mahaakpu khangde. 

30 maram aduna makhoyna ebungngobu phanaba thirammi, adubu mi kana amatana ebungngobu khutna sokte, maramdi ebungngobu pungpham houjik laklamdri. 31 touegumsung miyaamgi maraktagi ayaambana ebungngo-da thajaraduna haayrammi, Christa aduna lenglaklapa matamda, mi asina touba khudam sing asidagi henna mahaakna tougadra? 

32 ebungngo-gi maramda miyaamna murum murum sonnaba asi Pharaisisingna taarammi, maaduda athoiba purohit singna amasung pharisi singna ebungngobu phanaba phamnaaiba singbu thaare. 33 maram aduna Jesus-na haaykhi, amuk matam khara eina nakhoyga leiminnagani, adudagi eibu thaaraklaba ebungngobu mahaakki maphamda eina chatkani. 34 nakhoyna eibu thigani, adugaa eibu phangloi, amasung eina leiba mapham aduda nakhoyna laakpa ngamde. 

35 maram aduna Jews-singna makhoy masen-gi marakta haaynei, eikhoyna phangloidaba mapham kadaayda mi asina chatkadage? mahaakna Greeksinggi marakta chaaithokkhrabasingda maphamda Greeksingbu tambinaba chat-thokdouribra? 36 nakhoyna eibu thigani, adugaa eibu phangloi, amasung eina leiba mapham aduda nakhoyna laakpa ngamloi, haayduna mahaakna haayba waa karino?

Ahingba eesing

37 Amasung aroiba numitta, haaybadi chaak khaangbagi athoiba numitta, Jesus-na leptuna laaona haayrak-e, kanaagumba mina khouranglabadi, mahaakna eingonda laaktuna thaksanu. 38 Eibu thaajaba mahaak aduna saas-trana haaykhiba gumna mahaakki puknungdagi hingliba eesinggi turensing chen-gani. 39 touegumsung ebungngobu thajarabasingna phanggadouriba thawaay adugi maramda ebungngona asi haaybani, maramdi matam asida Jesus-na matik managal phanglamdriba maramna, thawaay adubu houjik piramdri. 

40 maram aduna miyaamdagi kharana waasing asi taarabada haaynarammi, tasengnamak maasi Eesor-gi waa taakthokpa mi aduni. 41 atei-singna haay, asi Christa aduni, touegumsung mi kharana haay, natte, maramdi Christa aduna Galileedagi laakkadra?42 Christa aduna Davidki dhaaraadagi amasung Davidna leiramba khul, Bethlehemdagi thokpani haayduna saas-trana haaykhibani nattra? 43 maram aduna miyaamgi manungda ebungngo-gi maramna tokhaai taanarammi. 44 adugaa makhoy kharana ebungngobu phaninglammi, adubu kanaanasu ebungngobu khut sokte.

45 maram aduna phamnaaiba sing aduna athoiba purohit sing amasung Pharasisingda laaklabada, makhoyna phamnaaiba sing aduda haay, nakhoyna mahaakpu karigidamak puraktrabano? 

46 makhoyna khumle, mi amatana keidoungeidasu nupaa asigumna ngangdri. 

47 maram aduna pharisi singna makhoyda khumle, nakhoybusu seraannana chingthoklabra? 48 luchingba-singi maraktagi amanaa Pharasisingi maraktagi amanaa maangonda thajakhraba? 49 touegumsung waayel yaathang khangdaba miyaam asi siraap phanglabani. 

50 Nicodemusna (Ahingda Jesus-gi manaakta laakkhiba mahaak asi makhoygi kaangluptaagani) makhoyda haay, 51 mahaak masaadagi waa haanna tadaduna amasung mahaakna kari touba khangdaduna, eikhoyna waayel yaathang aduna mi adubu waayelbra? 

52 makhoyna maangonda khumkhi, nangsu Galileedagira? thiduna yeng-u, Galileedagi Eesor-gi waa taakthokpa kanaasu thokte. 53 Amasung makhoy mi khudingna maagi maagi yumda chatnakhre.