Ecclesiastes 2
2 Eina isa ithanta, haijarammi, "houjikti ei nungngaiba tamlage, ngamlibamakhei nungngairage adubu yengu, masisu arembani. 2 Nokkheriba mishingbuna ngaore aduga harao mathoi karibasingbuna karibu kannagadabano haina eina hairammi. 3 Yu thaktuna hakchang nu-nggaiba thirure. Koirou makhada tellaba taibang punsini khalladuna mioibagi nungngaiba pumnamak eina yenglure. Adubu lousingna eigi pukningsi thingba maramna apangba thabak touba yaram-de.
4 Achouba thabak kaya tourure, yum kaya sarure, drakha pambi kayasu tharure, 5 Leikon amadi heikon kaya sem-duna uhei wahei makhal suna tharure. 6 Pukhri kaya touduna umangda houriba upan wapan kaya ishing chairure. 7 Minai nupa nupi loirure. 8 Iyumda minai kaya pokkhre, Jerusalemda eigi imangda leikhibasingdagi henna yao shanggu, shal shanggu kaya loirure, 8 Sana, lupa, lam lamgi ningthousinggi maral mathum kaya amasu khomjallure. ishei sakpa nupi kaya amasu loiduna yenglure. Nupi kaya amasu lollure. Mi amana touba yaba pumnamak tourure.
9 Eigi imangda Jerusalemda leirambasingdagi eina ichao chaorammi. Ei lousingsu yamna singlammi. 10 Eigi mitna uba pot pumnamak amatta thadoklamde. Nungngaiba thabak pumnamak amatta toklamde. Asengbamak eina touba thabak khudingda nungngaiba phanglammi. Eina touba thabak khudingda nungngaiba phangbasi eigi mana oirammi. Eina sujanomjaruba thabak khuding chang touduna yengluraga arembagi aremba ngakta oirammi. 11 Adubu nungsit phage tannabaga chap mannarammi. Koirouhanbagi makhada tongjaba thabak amatta leite.
12 Adudagi eina lousing, angaoba amadi apangba pumnamak changdamnaduna yenglammi. 13 Amambadagi anganbana henna phajabagum apangdagi lousingna henna kannei haiba khanglakle. 14 Asingba midi wakhanda mit panbani aduga apangbagi lambeldi amambani. Adubu animakki maraibak chap mannaba matamsu marak-i. 15 Eina itomta hangjarammi, "apangbada thokliba dasasi eingondasu thokpa yai. Karigidamak eihak asukki matik singluribano?" Masibu arembani haina itomta phongdokcharammi. 16 Asingba mibu apangba midagi henna sangna kananasu ningsingnade. Matam asum houkhraga pumnamak kaokhigadaba ngaktani. Awabadi asingba amadi apangba animak sigadaba ngaktani. 17 Eihak taibangpansida leiningdre maramdi koirouhanbagi makhada thokkhiba pumnamak eigidamak awabagi masak oire. Pumnamak arembani aduga nungsit phage tannabagumbani.
18 Koirouhanbagi makhada eina suja nomjauraga pumnamak eina tukkachaba houra klammi maramdi eigi anomman pumnamakki maheidu eigi tungda lakkadoubasinggi oihougadabani haibasi khankhi. 19 Kanana khangba asingba nattraga apangba oigani haiba? Adubu kourouhanbagi makhada eina lousing sijinnaduna nomnanaba thabaksinggi maheigi mathakta mana Mapu sagadou-ribani. Masi arembani. 20 Maramsina koirouhanbagi makhada eina touramba thabak pumnamak arembani haina ei pukning chap yungna khallammi. 21 Kari karigumba matamda pukning lousing amadi heisingna touramba thabaktu kharana inom nomdana chahougadoubani. Masisu amangba amadi yamna phattaba amani. 22 Koirouhanbagi makhada kanna nomlibasidagi kari kannaba phangbage? 23 Punsi chuppa awabata khangduna mina touba thabak pumnamak kannade. Ahing phaoba potthaba leite. Masisu arembani.
24 Magi anommanda nungngaiba haibasi thakpa chabadagi thoina henba leite. Masi Mapu Ibungogi thoujandagini haiba ei khangi. 25 Mapu Ibungobu thadoktuna kanana chaba thakpana nungngaiba ngambage? 26 Ibungobu pelhanba miduda Mapuna lousing, laisu amadi nungngaiba pinabi. Mapubu pelhanbasingdugi khayatta tanabagidamakta pap chenbasingdubuna awa-anaga loinana thabak suhalli. Masisu arembani. Nungsitpu phage tannabagumbani.