Joel 3
Epuroina Jaatsingbu waayelgani
3 Yeng-u, haayriba matamduda eina Jerusalemgi amadi Judah-gi mapham hanjanbiba matangda,
2 Eina Jaati khudingmakpu pullapna Jehosaphatki tampaakta punsangani. eigi mi amadi eigi saruk phangliba Israelgi masumlaanggidamak eigaa makhoyga bichar tounagani. maramdi makhoyna eigi misingbu Jaati atoppasinggi marakta chaikhaaikhi adugaa eigi lambu makhoyna machet machet yennakhi.
3 Makhoyna eigi misingbu laaibak changyengbi touduna kanaagumba nupaa machaa amadi nupimachaabu minaai oinaa pithok-e adugaa lamchatsu maanghalli.
4 He Tyre, Sidon amadi Philisti-singgi lamsing, eigaa nakhoyga kari thoknabage? nakhoyna eingonda kari pibage?
Nakhoyna eibu singnarabadi nakhoygi narandu mitna kuppada nakhoygi nakokta tahange. 5 nakhoyna eigi sanaa amadi silver adugaa mapaan naaidaba lan-thum hurallaga nakhoygi ningna sangda peisinkhre. 6 nakhoyna Jerusalem amadi Judah-gi misingbu maramdagi thaapna puthoktuna Greeksingda yonthokkhre. 7 houjikti eina makhoybu nakhoyna yonkhiba lamdudagi mathouna hapkani. nakhoyna toukhiba thabakki mahei nakokta tahan-gani. 8 Judah-gi machaa-masusinggi makhutta nakhoygi nachaa nasusingdu eina yongani. makhoyna athaappada leiba Jaati Sabeansingda makhoybu yongani. Masimak Eesor-gi waahei-singni. "
9 Makhaagi waaphamsi jaatisingda laaothok-u. laangi damak sem sao, paanggallaba mi kayabu mathou happu. Lan chatkadaba mi pumnamak punsallasanu, adugaa makhoy houraksanu.
10 Nakhoygi langgol longkhumna thaangsaang semmu, asonba mi phaaoba "ei laanmini " haisanu."
11 Thuna laak-u, akoybada leiriba Jaati khudingmak, maphamduda nakhoy pullap tillu. He Eesor, nanggi laanmising puraklo.
12 Jat atei ateisu sem saaraga, Jehosaphatki tampaakta laaksanu, maaduda eina jaatisinggi marakta phamduna waayel tougani.
13 Thanggol pairo, maramdi mahei marong lokpa yaare. Chatlu mahi sumluro, maramdi angur mahigi khaodu pik thalle. Kharungdagi paathokle, maramdi makhoy hainingai leitaana phatte.
14 Waarep tagadaba tampaaktuda miyaamgi miyaam ngakta, waarep tagadaba tampaaktuda Eesor-na waayelbigadaba numittu naksallakle. 15 Numit amadi thaa animak mangaan leiraroi, adugaa thawaan-michaksingsu tagup tarenglaroi. epuroina misingbu bor pibigani
16 Eesor-na Ziondagi laorakli, Jerusalemdagi maagi khonjen thorakli, maramsina maalem amadi koirou animak nille. adubu Eesordi maagi misinggi changjaphamni, Israelgi misinggi damak laanbangumbani.
17 maramsina nakhoyna khanggani maadudi eise eigi asengba ching Zionda leiba nakhoygi mapu ebungngo Eesorni Jerusalemda asengba mapham oigani, maramsina lamlaanbasingna maasibu keidoungeidasu phaaoduna chatpa ngamlaroi.
18 Aduga haayriba numittuda chingsangdagi athumba angur mahi thorakkani, adugaa chingdumsingdagi sanggom chentharakkani. Judah-gi eesingkhongpumbaa eesing pik thanna chen-gani. Eesor-gi ningna sangdagi eephut amaa laakkani, sittim tampaaktagi laaija thorakkani.
19 "Egypt leikangla oiragani, Edom akokpa lamhaang oigani. maramdi makhoyna Judah-gi misingbu tamthina toubikhi. makhoyna maraal leitba migi eedu makhoygi lamda tahn-khre.
20 Adubu matam leiba khibikta Judahda mi awaatpa leitaana taagani. Jerusalemda mirol khuding ahongba leiroi.
21 Makhoygi takhiba eedugi laman eina singani. Eina maraal kokpiroi, maramdi Zionda Eesor ngaanthoiri.