Jeremiah 25
Awaanglomdagi laakpa yeknaba-sing
25 Judahda leiriba misinggi maramda Josiahgi machaa-nupaa Judah-gi ningthou Jehoiakimna paanba marisuba chahida Jeremiahda waasingsi haayrakkhi: maasi Babylon-gi ningthou Nebuchadnezzarna paanba ahaanba chahidani. 2 Haayriba waaphamsi waa taakthokpa Jeremiahna Judah amadi Jerusalemda leiriba misingda phongdokkhi: 3 Houkhiba chahi kulhumdoi haaybadi Judah-gi ningthou Ammongi machaa-nupaa Josiahna paanba tarahumdoi subaa chahidagi ngasi phaaoba Eesor-na eigi ephamda waa atatpa leitaana phongdokpiduna lakli. adugaa maadu nakhoyda atatpa leitaana eina haayjakhi. adubu nakhoyna haayriba waaphamsi tabibadi toude. 4 Eesor-na mahaakki manaai waa taakthokpa singdu atatpa leitaana thabiraklabasu nakhoyna makhoyna haayba waadu taananabaagidamak sem sakhidri. 5 Mahaakna taakpikhi, "karigumba nakhoy khudingmak nasa nasaana touriba phattaba thabaksingdu thaadoklabadi Eesor-na nakhoyda amadi makhoygi napaa napusingda pibikhiba leibaaksigi manungda leikha tana paanba ngamgani. 6 atoppa laaisinggi matung enduna makhoybu khurumjanaba amadi puja tounanaba elluganu. nakhoygi nakhutna saaba potsingdu khurumduna eihaakpu saohanganu. adu oirabadi nakhoyda eihaak thoina maangnanaba touroi." 7 adubu Eesor-na taakpiri, "nakhoyna eina haayba waadu taakhide. nakhoygi nakhutna saaba laaisingdu ningduna eibu thoina saohankhi."
8 maramsina nongthak nongkha anigi mapu, Eesor-na haairi: nakhoyna eina haaybadu endrabanina, 9 Yeng-u, Eesor-na taakpiri, awaang haramda taariba Jaatsinggi maphamda amadi eigi enaai oiriba Babylon-gi ningthou Nebuchadnezzargi maphamda paao thaaduna leibaaksida leiriba misinggi mayokta adugaa haayriba misinggi akoybada taariba Jaatsinggi mathakta laandahn-gani. Eina makhoybu maru phangna maanghan-gani. oihan-gani makhoybu sor phuina honpham adugaa lomba leitraba ekaaiba nanglaba Jaatsingdu. 10 Masigi mathakta makhoygi marakta haraao tayaamjabagi thorakliba khonthoktu maanghan-gani. Leihallaroi luho-ngliba nupaa amadi nupigi machindagi nungaaibagi yawaathorakkadabadusu. Thokhallaroi makhoygi maraktagi phousubagi khonjendusu. Muthatkani makhoygi marakta thalliba thoumeigi meiridu. 11 leibaaksi sinbaa thungna leikangla oihan-gani. adugaa haayriba jatsina Babylon-gi ningthoubu chahi 70 minaai oinaa seba tougani. 12 Eesor-na taakpiri, "chahi 70 loiraba matamda Babylon-gi ningthou amadi Chaldeansingbu dandi pigani. leibaaksibu leikangla oihankhiba haaybadi makhoyna touba paapsingdugi mamal oinaa makhoybu eina awaaphamda tahan-gani. 13 Adugumba leibaaktuda Jeremiahna Jaatsinggi mathakta phongdokkhiba Laairiksida eriba waasingsi amaa phaaoba chitthadana thok-han-gani 14 Jaatsing amadi achouba ningthou kayaana makhoygi maraktagi minaai oinaa mi khandokkani. Eina matamduda makhoy masaana toukhiba amadi makhutna semkhiba potsingdugi matik okpa dandidu pigani."
Jaatsingbu Eesor-na awaapham taahanba
15 Israelgi mapu ebungngo Eesor-na eingonda asumna taakpirammi: eigi ekhutta pairiba asaaobagi yugi tenggotsi louro adugaa eina nahaakpu chatlu haayna yaathang touba misingduda maasi pithak-u. 16 makhoyna maasi thaklabadi oigani adugaa ngaaoduna turoinana chatkani. Masigi thaangsaangsimak eina makhoygi marakta pirabani.
17 maramsina eina Eesor-gi khuttagi yu haappa tenggottu louraga Eesor-na eibu thabiba Jaatsingdugi maphamda chatlaga makhoyna maadu thaknanaba sem-sarammi, 18 Jeru-salem amadi Judah-gi saharsing, masida leiriba ningthou-sing amadi ningthou machaasing, pumnamak leikangla oihallammi. Ngasi phaaoba makhoy sor phuina honba adugaa saap phanglaba mising oinaa leiri. 19 Egyptki ningthou Pharaoh, mahaakki minaaising, ningthou machaasing, mahaakki mising, 20 Makhoygi marakta leiriba lamlaanba mising, Uzgi lamdagi ningthou-sing, Philisti-singgi ningthou-sing, (Askelon, Gaza, Ekron, amadi Asdodki eremkhaksinggi) 21 Edom, Moab, Ammongi machaasing, 22 Tyregi ningthou-sing Sidon-gi ningthou-sing, samudra waangmada taariba lamsinggi ningthou-sing, 23 Dedan, Tema, Buz, leikangla oiraba lamsingda koyna chatliba mising, 24 Arabiagi ningthou-sing amadi leikangla oiraba lamda leiriba eyaan yaan-naraba Jaatsing, 25 Zimrigi ningthou-sing, Elamgi ningthou-sing, Mediada paalliba ningthou-sing, 26 athaappa amadi anakpada paalliba awaanglomda leiriba ningthou-sing, amagi mathangda amaa adugaa maalemsida leiriba leibaaksinggi mathakta tenggottudagi thakna pigani. Makhoy mayaamgi matungda Babylon-gi ningthouna thakkani.
27 Matangduda nahaakna makhoyda haaygani. "Israelgi Eesor nongthak nongkha anigi Eesor-na asumna taakpiri: thak-u, thakchinduna onthok-u adu-ga ngaoro. Tubadagi amuk haanna hougat-laganu. Eina nakhoygi narakta thakhriba thaangsaangdugi mapaanna nakhoy hougattaba oisanu.
28 Nahaakki nakhutta pairiba tenggottu makhoy thaknanaba loudrabadi makhoyda nahaakna haaygadabani, nongthak nongkha anigi mapu, Eesor-na asumna taakpiri: nakhoyna maasi soydana thak-kadabani.' 29 Yeng-u, houjikti eigi eming louduna kounariba saharduda eina phattaba thabak kayaa touba houraklabani. nakhoy haayriba tanjasida dandi phangdana tokkadra? Nongthak nongkha anigi mapu, Eesor-na taakpiri nakhoy dandi phangdana tokloi maramdi maalem-sida leiriba misinggi mathakta eina thaangsaang amaa thari.
30 maramsina nahaakna makhoygi mathakta haayriba waasingsi phongdokkadabani adugaa makhoyda nahaakna asumna haaygadabani: "koirouthaktagi Eesor-na Khonjen waangna laobirakli, ebungngo-gi sengthoiraba khubhamdudagi yawaakhonjendu taahanbirakli, mahaakki kaanglupki mayokta ebungngona areibi phudoktuna ngangbigani, angur mahei sumlibasinggi matougumna khonjen oinaa laobigani, leppigani ebungngona maalemsida leiriba misinggi mayokta.
31 Thorakkadouriba khonjendu maalemsigi chidai youna adugaa masida leiriba pumnamakna taagani, Eesor-na Jaatsinggi mathakta waapham amaa pukhatpirakre, taaibang mioibasingga mahaakka waayel loysangda changminnari, phattaba-singdu thanggi mayada chathalli, masimak Eesor-na taakpiriba waani.
32 Nongthak nongkha anigi Eesor-na asumna taakpiri: yeng-u Jaati amadagi Jaati amada laichat tarakli, maalemsigi aroiba maphamdudagi akanba nonglei nungsit amaa lakli.
33 Adugumba numittuda Eesor-na amaang yaaithong kumhanbigadouribasingdu maalemsigi aroiba amadagi atoppa chidai amaa youba phaaoba amaangba pot tabagumna taaduna leigani. Makhoygi damak kanaanasu tengthaabiroi. Makhoybu loukhattuna kanaanasu phumbiroi.
34 He yaaosenbasa, khonjen waangna tengthaaro, yaao sanggugi mabung-ngosa, nasada uphun chaikhatlu, sahatpungda changbagi houjikti nakhoygi palli thorakle. masa noiraba yaaogumna nakhoy turagadabani.
35 Yao senba singdu mapham keidasu chenpham leiraroi, yaaosinggi mabung-ngoni haayna leiribasingdu chenpham amatta leiroi.
36 Yao senba singgi khonjendu taro, yaaosinggi mabung-ngosingna tengthaaribadu taro, maramdi Eesor-na makhoygi sanjabungdu manghanbire,
37 Mahaakki asaaobadagi ethindugi maninda makhoygi nungaairaba yaosangdu maangle,
38 Makhoygi leibaaksi leikanglagum oihallabada, malli makhoyna chellibadu nahaa oiriba nongsana makon thaadoktuna chenba. Chelli makhoyna Eesor-gi tamthiraba thaangsaang amadi mei thokna saaoraba matoudu yengbada.