Jeremiah 32
Jeremiahna loubuk amaa leiba
32 Nebuchadnezzarna paanba taraanipal subaa chahi, Judah-gi ningthou Zedekiahna paanba taraasuba chahida Eesor-na Jeremiahda waa haaybirammi. 2 Matamduda Babylon-gi laanmi singna Jerusalemda laandara klammi. waa taakthokpa Jeremiah konunggi thongakpasinggi yumduda bandi oinaa phaaduna thamlammi. 3 Judah-gi ningthou Zedekiahna mahaakpu bandi oinaa phaaduna thamlammi. Mahaakna haayrammi, "Eesor-na asumna haairi: yeng-u, eina saharsibu Babylon-gi ningthougi makhutta pigani. adugaa mahaakna maasibu laksingani haayriba karigino haayna hanglammi. 4 Judah-gi ningthou Zedekiah Chaldeansinggi makhuttagi naanthokpa ngamloi. Babylon-gi ningthou makhutta mahaak soydana taagani haaykhi. Mitka mitka amadi chinga chinga chanagani. 5 Mahaakna Zedekiahbu Baby-londa pukhigani. Eina mahaakpu ningsingdriba phaaoba maphamduda mahaak leigani. Eesor-na haayri nahaakna Chaldeansinggi mayokta laanthengnarabasu nahaakna makhoybu maaythiba piba ngamloi.
6 Jeremiahna haayrammi, " Eesor-na eingonda waa haaybirammi: 7 Yeng-u, nahaakki nakhura sanlumgi machaa-nupaa Hanamel nahaakki naphamda laaklaga Anathothta leiriba eigi louphamsi nahaak leiro haayragani. Mahaakna nangonda yonba matamda ehaan haanna leigadaba nupaadu nahaakni haayragani. 8 Loisanggi kadu taanna Hanamel kouba eigi enaodu laaklammi. Eesor-na taakpikhibadumak mahaakna eingonda haayrammi, "Benjamin-gi lamda leiba Anathothta leiriba eigi louphamdu nahaak louro. maramdi yonba matamda lougadaba ahaanba nupaadu nahaakni. maasi nahaak leiro. Matangduda masimak Eesor-na haaybikhiba waadu thunglare haayba khangkhi.
9 eigi enaao nupaa Hanamelgi Anathothta leiriba louphamdu eina leikhi. Eina silver shekels 17 maangonda onduna pikhi. 10 Dalin enare. Mohar namle. Sakhinachingbagi sahi loure. adugaa peisaadu khan thaaduna ollammi. 11 Masigi matungda mohar namlaba dalilduga loynanaa atoppa maron sugaina eraba chedingduga puraga 12 Mahseiahgi machaa-nupaa Neriahna pokpaa Baruchta leiba yonbagi enariba chedu eigi enaao nupaa Hanamel, leiba yonbagi che enabada sahi toukhiba sakhisinggi mamaangda adugaa loysangda phamliba Jews-singgi mamaangda puthoklammi. Makhoygi mamaangda Baruchta eina haayrammi. 14 "Israelgi Eesor nongthak nongkha anigi Eesor-na asumna taakpiri: dalilsingsi lousillo. Mohar namlaba amadi chedingda enaba dalil animak leibaakna saaba kharung amada thammu. Haayribasi matam yaamna kuina chatnanabani. 15 Israelgi Eesor nongthak nongkha anigi Eesor-na asumna taakpiri: leibaaksida yum loubuk, amadi angurgi hingon leiragani."
Jeremiahna haayjaba
16 Neriahgi machaa-nupaa Baruchta leiba yonbagi dalildu piraba matungda eina Eesor-gi maphamda khu-rumjarammi. Eina haayrammi, 17 He mapu ebungngo Eesor, nahaakki mapaan naaidraba napangal amadi nakhuttuna sembikhibani koirou amadi maalemsi. ebungngo nahaakkidamak haayribasi thoina luba natte. 18 Utpiri ebungngo nahaakna chetna channa nungsibadu lising lisingna khujing oiduna. He achouba paanggallaba Eesor, koloina nahaakki nongthak nongkha anigi Eesor haayna kouriba, taahanbiri machaasingda mapaa singna touba paapki maheidu. 19 ebungngo-gi lousingdi mapaa leite. ebungngona touba thabaktu kanaana khngba ngambage. taaibangna touba khudingda euda ubiba mapuni nahaakti. mi khudingbu nahaakna manaa manaa toujaba thabakki matung ennaa pinabiri mahei asoyba naaidana. 20 Egypt leibaakta utpikhi nahaakna angakpa khudam kaya. maramsina ngasi phaaoba Israel amadi taaibang misinggi maphamda nahaakki minglendu chaaodunata leiri. 21 Pubirakkhi ebungngo nahaakna nahaakki mi oiriba Israel machaasingbu angakpa thabak amadi khudam, pangallaba nakhut adugaa chingbiriba napambom tingthokpiduna akibaa phanglaba thabak kayaa touduna Egypt leibaaktagi. 22 Nahaakna makhoyda leibaaksi pinabikhi. Sanggom amadi khoihi chelliba lam amaa pigani haayna makhoygi mapaa mapusingda waasakpikhibadugi matung ennaa pinabikhi nahaakna. 23 makhoyna maphamsida laaktuna leibaaksigi mapu oikhi. adubu makhoyna nahaakki nakhonjendu taakhide adugaa nahaakki puyadu kaidana chatkhide. Nahaakna makhoyda tou haayna pikhiba yaathangdugi matung ennaa chatkhide. maramsina nahaakna makhoygi mathakta haayriba phattaba mayaamsi taahallibani. 24 Yeng-u, laanmi mapei mapei saharsibu laksingadabagi lakli. Thanggi mamaangda, chaak tangbagi araamba marakta, matik makong tabagi kiraba ethindugi marakta taare houjikti saharsi Chaldeansinggi makhutta. Nahaakna haaybikhibadu ngasidi thunglare. adugaa madumak nahaakna ubiribasi mangaay. 25 adubu he Eesor, nahaakna nanaaida taakpikhi: louphamdu peisa piduna leiraga sakhinachingbabu sahi touhallu. Matamsimaktada saharsibudi Chaldeansinggi makhutta taahanbiredo.
26 Jeremiahgi maphamda Eesor-na phongdokpikhiba waasing: 27 Yeng-u, eihaak Eesor-duni. Eini taaibang-paan pumbagi mapudu. Eigidamak aruba pot leibra? 28 maramsina Eesor-na asumna taakpiri: yeng-u, eina saharsibu Chaldeansinggi makhutta taahallabani. Taahallabani maasibu Babylon-gi ningthou Nebuchadnezzargi makhutta. Mahaakna maasibu loi challagani.
29 sahargi mayokta laandarakliba Chaldeansingsina saharsibu laaksillaga meida thaagani. Baal kouba laida dhup thaakhiba yumsing adugaa thaaknaba mahi heikhiba atoppa laaisingda masina eibu saohalle. 30 Israel amadi Judah-gi machaasingna eigi mityengda nahaa oiringeidagi houna phattaba thabaksingdu touba nattana atei karisu toude. Israel machaasingna makhoygi makhutna saaba pottuga loynanaa eibu saohanba nattana atei karisu toukhidri. Masimak Eesor-na taakpiri. 31 saharsi semgat-khiba mumittudagi ngasi phaaoba eibu saohanba nattana karisu toudri. maramsina maasibu eina eigi mityenggi waangmada thamlagani. 32 Israelgi amadi Judah-gi machaasing, makhoygi ningthou-sing, makhoygi ningthou machaasing, Judah amadi Jerusalemda liribasingna eibu saohankhi. 33 makhoyna eigi ephamda manangal onsilli. mamaay onsillakpadi toude. Eina makhoyda atatpa leitaana taakpi taakpirabasu makhoyna eina piba paaoutaaktu louba leite. 34 eigi eming louduna thonkhraba ningna sangduda amaangba thabak kayaa touduna manghan-gadabagi laknei. 35 makhoyna Hinnomgi tampaakta machaa-nupaa amadi nupi-singbu saren chan-gadabagi Baalgi mamingda asengba maphamsing semgatchari. Eina makhoyda asigumba thabaksi tounaba yaathang pikhide. eigi pukningda asigumba matousi keidoungeidasu khankhidri. makhoyna touriba asigumba thabaksina Judahbu thoina henna paap touhalli.
Awaaba kokpa
36 maramsina Israelgi mapu ebungngo Eesor-na asumna haairi: Babylon-gi ningthougi makhutta tahanduna thang, chaak tangba amadi matin makang taaraba saharsigi matangda 37 Yeng-u, eina saoningduna, mitta ee kaaduna adugaa tukkacharaduna makhoybu taanthok-khiba leibaaksingdudagi purakkani maphamsi tanna. maphamsida eina makhoybu asoy angaam yaaodana mara chetna palhan-gani. 38 Mahoi eigi misingni haayna kounagani. adugaa eisu makhoygi Eesor oigani.
39 Matam leibada makhoyna eibu kina chatchanaba achumba thamoi adugaa laambel amadagi henna thamloi. masina makhoy yaaiphaba haaybadu oigani. adugaa makhoygi machaa-masusinggi haktak phaaobada lengdana leigani. 40 Eina yaanaduna lengba leiraroidaba areppa waasak amaa leplagani. Makhoygi yaaipha thouram thiba nattana atei amaa touraroi eina. Makhoysu eigi ekaadagi mamaay leidanaba makhoygi thamoida eibu kina chatnanaba ethindu puthok-han-gani.
42 Eesor-na asumna taakpiri angakpa phangna laichat misinggi mathakta taahankhibagumna eina makoida pigani haayna waasakkhiba aphaaba singdu pibiragani. 43 Khuntak lansiraba mapham, Saa-san phaaoba leite haayna nakhoyna haayjariba loubuksingdu nakhoyna leigani. Chaldeansinggi makhutta pithokhre haayna louriba loubuksingdu nakhoyna leigani. 44 Peisa piduna leigani loubuk kaya. Maadugidamak dallin enaba matamda chajum namgani, saakhi lounagani. Benjamin-gi leibaakta, Jerusalemgi akoybada Judah-gi saharsingda, Sephelagi saharsingda, Negevki saharsingdasu haayriba leiba yonbagi thabaksi touragani. Eesor-na taakpiri haayriba maphamsingsida eina mahousa-gumna yaaiphahallagani.