Deuteronomy 26
Lourokpada katkadaba thougi potsing
26 "Nakhoygi napuroi Eesor-na nakhoyda pibiriba lamduda nakhoyna khundaraba matungda 2 nakhoy khudi ngna ahaanba lokpa mahei maronggi saruk khara puduna khandok-khraba ningna sang oigadouriba maphamduda chatka dabani. 3 Matamduda thabak puriba purohit adugi manaakta chatlaga nakhoynasu asumna haaygani, "eikhoigi epa epu-singda pibigani taakpikhiba lamduda houjik eikhoygi epuroi Eesor-na changhanbire haaybasi yaajare.
4 "Purohittuna nahaakna pujarakpa thummuktu louraga nakhoygi napuroi Eesor-gi phaankhongduda thambigani. 5 Masigi matungda Eesor-gi maangda nakhoyna asumna haaygadabani, eigi epa epudu nayum leitba Egyptta emung manung puduna yumdangduna leikhiba Arameangi mi amaa oirammi. makhoyna maphamduda chatpa matamda mi yaamlamde adubu yaamna thuna makhoy masing yaamba adugaa mapaanggal leiba jaat amaa oikhi. 6 Egyptki misingna eikhoybu thina toukhi adugaa namduna minaaigumna awaaba thabak suhankhi. 7 eikhoygi epa epu-singna ninglamba mapu ebungngo Eesor-da tengbangbinaba khurumjarammi. ebungngo mahaakna eikhoyna awaa-anaagi meichaak khaangduna leiribadu khangbikhi. 8 ebungngo mahaakki mapaanggal amadi mathounatana eikhoybu Egypttagi kanbikhibani. ebungngo nahaakna angakpa amadi akibana thallaba thabak kayaa thok-hanbikhi. 9 ebungngo mahaakna eikhoybu maphamsida pubiraktuna leihao leiraba lamsi pinabire. 10 maramsina ahaanba lokpa mahei maronggi saruk khara Eesor-gi maphamda pujaraklibani.
"Masi haayraga thummuktu Eesor-gi maangda thaaduna maphamduda ebungngobu khurumjou. 11 nakhoygi napuroi Eesor-na nakhoyda amadi emung manungda pinabikhiba aphaba potsingdu yengduna ebungngobu thajatchou. Levising amadi nakhoygi narakta leiriba lamlaanbasingdu haayriba usobsida yaohallu.
12 "Chahi ahum khudinggi Levising, lamlaanbasing, mapaa mamaa leitrabasing amadi lukhraabisingna leiruba miyaamgi marakta awaat-apa leitaanaba nakhoyna lokpa mahei maronggi saruk chammada taraa (10%) katlu. nakhoyna maasi touraba matungda, 13 Eesor-gi maphamda asumna haayjou, eina katchagadouba asengba saruk tamjabadu eyumda leihoudre. Eina Levising, lamlaanbasing, mapaa mamaa leitrabasing amadi lukhraabisingda yaathang pinabikhiba matung ennaa pijare. ebungngona pibikhiba saruk tambagi pathaptu nanaaina kaaothokpa nattraga enjadaba touyaade. 14 Eina tengthaana oiduna leiringei matamda masidagi eina chajakhide. Eina dharmagi oinaa hakchaang sengdaba matamda masidagi louthokchakhide. Eina saruksidagi asibada tamjakhide. He Eesor, ebungngona saruk tambagi matangda taakpikhiba pumnamak nanaaina kaidana chat chaarabani. 15 Senglaba nongmadondudagi yengthaaraktuna Israel kouba misingsi kubiba. ebungngona epa epu-singda waasakpiduna pinabiba leihao leiraba lamsisu mapaan naaidana kubiyu."
Eesor-gi mising
16 "Ngasi kouba nongsida napuroi Eesor-na ebungngo mahaakki yaathangsingdu amatta kaidana ennaa chatnanaba taakpiri. maramsina thamoi lupna yaathangsingdu ellu. 17 Nagsi kouba numitsida nakhoyna Eesor-bu nakhoygi Eesor-makni haayna lousinjare. nakhoyna ebungngo mahaakki yaathang engani waasakkhre. ebungngo mahaakna haayba khudingsu engani haaykhre18 ebungngo mahaakna taakpikhibagu-mna ngasi nakhoybu Eesor-gi mising oinaa lousinbire. maramsina ebungngo mahaakna mahaakki yaathangsingdu en-gadabani taakpiri. 19 ebungngo mahaakna sembikhraba Jaatsingdagi nakhoybu henna chaaohanbigani. nakhoyna ebungngo mahaakki minglendu chaaokhatnaba thaagatkani. ebungngo mahaakna waasakpikhiba matung ennaa nakhoy ebungngo mahaakki mi oigadabani.