Luke 8
Jesusbu nupishingna thougan touba
1 Adugi matungda asum thoklare, Ebungngona saahar saaharda amasung khun khunda Eeshorgi leibaakki aphaba waapaao shaandoktuna; amasung tambiduna koychat chatpada, taraanithoi adu ebungngoga loynarammi.
2 Amasung phattaba thawaay shingdagi aduga ason anadagi phahanbikhiba kanaa kanaagumbi nupishing: bhut taret thokkhiba Magdalene koubi Mary,
3 Herodki Dewan Chuzagi nupi Joanna, Susanna, aduga ayaamba atei nupishing yaaorammi; makhoy asina maranna makhoybu thougan toujarammi.
Maru hunbagi paandam
( Matthew 13.1-9; Mark 4.1-9 )
4 Amasung saahar khudingdagi ebungngogi maphamda laaktuna miyaamshingna tinnarabada, Ebungngona paandamna haay,
5 Maru hunba mi aduna mahaakki maru hunnanabu thoklakle; amasung mahaakna asum hullakpada, maru kharana lambigi mapaanda taare, aduga madu khongnasu netle, atiyagi uchekshingnasu chaathokkhi.
6 Amasung kharana nung mathakta taare, aduga madu hourakpada leinin leitbagi maramna kangshille.
7 Amasung kharana tingkhang marakta taay, aduga tingkhangna maduga loynanaa houraktuna namhatle.
8 Ateidi aphaba leibaakta taay, aduga madu houraktuna sharuk chaamma mahei paalli. Waaram asi haayringeida Ebungngona laaorak-e, taananaba naakong paanba mahaak aduna tajaasanu.
9 Amasung ebungngogi sebokshingna hanggat-charammi, paandam asigi aoiba karino?
10 Maduda Ebungngona haay, Eeshorgi leibaakki athuppa waa khangnanaba nakhoyda pibirabani; adubu ateishingdadi makhoyna uduna udananaba, amasung taaduna khangdananaba, pamdam oinaa haaybani.
11 Paandam adudi asini: Maru adu Eeshorgi waani.
12 lambi mapaangi adushingdi taarabashingni; maduda diyaabolna laaktuna, makhoyna thaajaduna kanbiba phangdananaba makhoygi thammoidagi waa adu puthok-e.
13 Nung mathakki adushingdi, makhoyna taarabada haraaona waa adu loui, aduga mara leitbana matam kharagi damak thajaramlaga athembagi matamda takhiba makhoy aduni.
14 Tingkhang marakki adudi, makhoyna taaraga, makhoygi chatnabi mipan asigi waakhal, lal, amasung haraao kummeina namhattuna changkhonba mahei yaande.
15 Amasung aphaba leibaaktagi adudi, ashengba amasung aphaba thammoida waa adu taaraga, chetna paayduna khangheibana mahei yaanba makhoy asini.
Thaaoumeigi paandam
( Matthew 4.21-25 )
16 Amasung thaaoumei thaallaga kanaanasu chaphuna kupsinde, nattraga kaangkhaada thamde, touegumsung changlakpashingna mangaan adu unanaba makhong mathakta thammi. 17 Maramdi phongdok-loidaba arotpa karisu leite, aduga khangloidaba amasung phongdok-loidaba athuppa karisu leite.
18 Maram aduna nakhoyna karamba mawongda taabage chaksillu; maramdi areiba mahaak aduda pibigani, aduga leitba mahaak adudagi mahaakna leijei ningjaba adu phaaoba louthokkani.
Achumba echin-enaao
( Matthew 12.46-50; Mark 3.31-35 )
19 Matung aduda ebungngogi mamaa amasung manaaoshingna ebungngogi manaakta laaklaga, miyaamgi maramna makhoyna ebungngobu unaba ngamdre.
20 Amasung ebungngogi emaaga enaaoshinggana mapaanda leptuna ebungngobu unajage haayna ebungngoda paao tamle.
21 Adubu Ebungngona makhoyda khumlak-e, Eeshorgi waa adu taaraga touba makhoy asi eigi ema amasung eigi echin-enaaoshingni.
Jesusna nong nungshit khamba
( Matthew 8.23-27; Mark 4.35-41 )
22 Nongma numit amada asum thoklare, Ebungngona sebokshingdu hinungda tonghallaga, Jesusna makhoyda haay, eikhoyna pat waangmada laanthoksi, maduda makhoyna hi hollak-e, 23 Aduga makhoyna asum hollakpada ebungngo tumtharammi. Amasung pat aduda nong nungshit sittharak-e, aduna eeshing heijinduna makhoy khudong thibada taarammi.
24 Aduga makhoyna laaktuna ebungngobu houdoktuna haay, ebungngo, ebungngo, eikhoy maangle. maduda Ebungngona hougatladuna, nungshit amasung ehourakpa adubu khamjillabada, animak tokladuna tapthare.
25 Amasung Jesusna makhoyda haay, nakhoygi thaajaba kadaaydano?, adubu kisu kiraduna, ngaksu ngakladuna, makhoyna amaga-amaga haaynarak-e, nungshit amasung eeshing phaaoba yaathang piraga elliba ebungngo asi kanaano?
Shengdaba thawaay changba Gerasenesgi mi ambu phahanbiba
( Matthew 8.28-34; Mark 5.1-20 )
26 Amasung Galileega maayoknaba Gerasenesgi lamda makhoyna thunglare.
27 Aduga Ebungngona kangphaanda chatlingeida, bhut changba kanaagumba mi amanaa saahardagi thoklaktuna ebungngoga oknare; mahaakna matam kuina phisu sette, yumdasu leite, touegumsung mang marakta leirammi.
28 Mahaakna Jesusbu ubada, laaoraga ebungngogi maangda tuthaajaduna awaangba khonjenna haay, he ehen henba Eeshorgi machaanupa Jesus, nangga eigaa kari thoknaba leibage? Eina nangbu nonjari, eibu waahanbiganu.
29 Maramdi Ebungngona mi adudagi chatthoknaba shengdaba thawaay adubu yaathang pirammi. (maramdi shengdada thawaay mahaakpu ayaamba matamda pharammi; amasung mishingna mahaakpu ngaksenduna yothling phalangna pullabasu amasung hang chalabasu, mahaakna apunba adu pumthat thadatlaga, bhut aduna mahaakpu lamhaangda taanthoklammi).
30 Amasung Jesusna maangonda hangle, naming karino? aduga manaa haay, mayaam; maramdi ayaamba bhut shingna maangonda changlammi.
31 Maduda bhut shing aduna, eikhoybu makha naaidaba komda chatnaba yaathang pibiganu, haayduna ebungngoda haayjararmmi.
32 Adubu chingnung aduda ok mayaamgi shanggu amaa chaaduna leirammi; amasung makhoyna makhoybu okshing aduda changnaba yaabiyu haayna ebungngoda haayjare. maduda Ebungngona makhoybu yaabire.
33 Aduga bhut shing aduna mi adudagi thoklaktuna, okshing aduda changlaga, shanggu aduna angamba adudagi patta hot-thaaduna eeshingna laakhatkhre.
34 Amasung sellambashing aduna thokkhiba adu ubada, chenkhiduna saahar aduda amasung khun khunda tamlure.
35 Aduga thokkhiba adu yengnanaba makhoyna thoklakle, amasung makhoyna Jesusgi maphamda laaklaga, bhut shing thokkhiba mi aduna phisu settuna mapukningsu achumba oiduna, Jesusgi khuyaada phamlamba adu Phanglabada kire.
36 Aduga bhutna puramba mahaak adu karamna pumpha phakhibage haayba ukhibashing aduna makhoyda tambire.
37 Amasung Gerasenesgi akoyba lamda leiba miyaam pumnamakna makhoydagi chatthokkhinanaba ebungngoda haayjare; maramdi makhoyna kibana thaagatlammi. maduda Ebungngona hida tongduna hallakle.
38 Touegumsung bhut shing chatthokhiba mi aduna ebungngoga loinajage haayduna ebungngogi maphamda nonjarammi;
39 Adubu Ebungngona mahaakpu thaakhiduna haay, nayumda hankhro, aduga Eeshorna nanggi damak kayaa chaaoba thabak toubire haayba lithoklu. maduda mahaakki damak Jesusna kayaa chaaoba thabak toubire haayba shaandok shaandoktuna saahar apumbaa koiphao phaona chatkhre.
Jairusgi machaanupibu hinggatpiba amasung ee tabi nupi amabu phahanbiba
( Matthew 9.18-26; Mark 5.21-43 )
40 Amasung Jesusna hallakpada miyaamna ebungngobu haraaona loushinjare; maramdi makhoy pumnamakna ebungngobu ngaaijarammi.
41 Amasung yeng-u, Jairus kouba nupaa amaa laakle, mahaakti loisanggi waayel thoudaaba mapu amani; aduga mahaakna Jesusgi khuyaada tuthaajaduna, mahaakki yumda laakpinaba ebungngoda nonjarammi;
42 Maramdi machaanupi chahi taraanithoirom surabi, amata ngaijabi adu shigadourammi. Adubu Ebungngona asum laakpada miyaam-shingna omsillammi.
43 Amasung chahi taraanithoi ee taaduna marabi, maaibashingda maagi leijaba pumnamak tinglabasu,
44 Kanaa amatana phahanba ngamdrabi nupi amanaa ebungngogi tungda laaktuna, ebungngogi phiji shokle, aduga maagi ee taaba adu khudak adumaktada khaakle.
45 Maduda Jesusna haay, eibu shokkhiba adu kanaano?, aduga pumnamakna shokte haaybada, Peter amasung mahaakki loynabashingna haay, ebungngo, miyaam-shingna ebungngobu omshinduna ennabani.
46 Touegumsung Jesusa haay, kanaagumbana eibu shokkhre; maramdi eingondagi etik thokkhiba adu ei khangle.
47 Amasung nupi aduna lotpa yaadre khang-jarabada, tanik tanikna laaktuna ebungngogi maangda tuthajaraga, kari maramna mahaakna ebungngobu shokpage amasung mahaakki anaaba karamna hek phakhibage haayba adu mi pumnamakki maangda tamthokle.
48 Maduda Ebungngona maangonda haay, echaa nupi, nanggi thaajabana nangbu phahanbire; engthana chatchakhro.
49 Ebungngona ngaanglingei maktada loisanggi waayel thoudaaba mapu adugi yumdagi amanaa laaktuna maangonda haayrei, nahaakki nachaa nupi sikhre; ojaabu amuk waahanbiganu.
50 Adubu Jesusna madu taarabada maangonda khumlak-e, kiganu, thaada thaajou, maduda manaa hinggatkani.
51 Amasung yum aduda Ebungngona changbada, Peter, John, James, amasung nupi machaa adugi mamaa mapaa nattana kanaabusu Ebungngona changminnaba yabidre.
52 Aduga maagi damak pumnamakna kapsu kaplammi, thabaksu yeirammi, touegumsung Ebungngona haay, kapkanu, maramdi mahaakti side, tumlibani.
53 Amasung mahaak shire haayba makhoyna khangduna, ebungngobu usittana noknei.
54 Touegumsung Ebungngona maagi makhut paayduna kou-e, ebemma, hougat-lu.
55 Maduda mathawaay hanjeellaaktuna, khudak aduda mahaak lepkhatle; amasung maangonda chaanaba piyu haayduna Ebungngona yaathang pire.
56 Aduga mapaa mamaana engak ngaklammi; adubu thokkhiba adu kanaadasu tamdananaba Ebungngona makhoyda kanna yaathang pire.