Daniel 6
Daniel bu nongshagi makonda thajinba
6 Leibak sinbathungnaba Dariusna jiladar chammaga kun haplammi. 2 Makhoigi mathakta makok oina mi ahum amaga haplammi. Madugi manungda Daniel ama oirammi. Hairiba makok ahumsida jiladarsingduna ningthougi thoidokpa amangba leitanaba hiram khudingmakki maramda mayek sengna pikhatkadabani. 3 Hairiba Daniel si makok oiribasing amadi jiladarsinggi marakta thoidok hendokpa ama oira klammi. Maramdi mahakpu asengba thawaina loinabirammi. Ningthouna mahakpu leibaktugi makok oihange ninglammi. 4 Maramsina makok oiribasing amadi jiladarsingduna leibaktugi mayokta Danielna phattaba thabak toui haiduna wa theijinba yanaba pambei ama thirammi. Adubu makhoina mahakki maphamdagi thoidokpa maran amatta phanglamde. Maramdi mahak yamna pukchel sengba nupa ama oirammi. Maramsina mahakki masada thoidokpa aran ahui ama phaoba phanglamde. 5 Matamduda hairiba nupasingduna hairammi, "Eikhoina mahakki Mapu Ibungogi laining lambisida maran thidrabadi mahakki maphamda thoina maran phangnaba pambei thiba ngamloidouri."
6 Maramsina makok oiribasing amadi jiladrasingduna tannaduna ningthouda changlaga hairammi, "hey ninghou Darius, punsiba oisanu. 7 Leibaksida leiriba makok oiribasing wayelbasinggi makok oiribasing, jiladarsing, ain yamna heibasing, amadi ningthougi mahut sinduna leibak ngaklibasingna yanaduna ningthouda hanggatchariba hiramdi asini ningthouna yathang ama toubiduna ningthoubu khurumba nattana atoppa lainachingba amatta khurumba yahanbiganu. Hey ningthou, kanagumbana numit kunthranigi manungda hairibasi toudrabadi mahakpu nongshagi makonda hunjingibani haina yathang thokpiyu. 8 Hey ningthou, maramsina houjikti yathangdu ibiraga chajum namduna laothokpiyu.
10 Cheduda chajum mamkhre haiba khanglabada Danielna mayumda hankhraga Jerusalem lomda onduna phatliba thongnaodugi mathak thangba kagi mapada changsilladuna leplammi. Mahakna mahousa toubagumna nongmada ahumlak ningjariba Mapu Ibungodugi maphamda khuruk khudak kulladuna khurumjarammi. 11 Hairiba mishingduna Danielna ningjariba Mapu Ibungogi khuyakhada punemjaraduna leirambadu thengnarammi. 12 Matamsida makhoina ningthouda chattuna hairammi, "hey ningthou, Ibungona yathang ama toubikhiba nattra? Hey ningthou, numit khunthrani chupna Ibungobu khurumba nattana lai khurumba yade haina tabikhiba nattra? Adugumba nupadu nongshagi makonda langsingani takpikhiba nattra?" Ningthouna maduda khumlak-i, "Kaiba yadraba Mede amadi persiagi ain matung inna waphamdu hongba leite." 13 Mtangduda makhoina ningthouda hairak-i, "Judahgi lanpha oina lakpa Daniel haiba nupadudi Ibungogi yathangdu inde. Hey ningthou, Ibungona chajum nambikhiba chedu mahakna thousade. Ahoinadum mahakna nongmada ahumlak mahakna ningliba laidubu khurumjari."
14 Wasingsi tabada ningthou mathawai yamna nungngairamde. Mahakna Daniel bu kange haina ninglammi. Maramsina numit tadriba phaoba tuminna khangduna leirammi. 15 Matamduda mishingduna punna ningthougi nakta laklaga hai "hey ningthou khangbiyu madudi Mede amadi Persiasinggi chatnabi matung inna ningthouna toukhiba yathangdu thugaiba yade. "
16 Matangsida ningthouna yathang ama thakhiduna Daniel bu puraklaga nongshagi makonda hunjinkhi. Ningthouna Danielda hairammi. Nahakna atatpa leitana ningjariba Mapu Ibungoduna nahakpu kanbiba oisanu." Masigi matungda nung achouba ama puraklaga nongshagi makondu thingjillammi. Aduga ningthougi chajum yaoba khudoptuna khudam ama thamlammi. Madugi mathakta Danielgimaraibaktu hongba yadanaba haiduna phamnaibasinggi chajumnasu namlammi. Masigi matungda ningthouna konungda hankhraga ahinduma kari amatta chada thaktana leikhi. Karigumba pot amattana mahakpu pukning honghanba ngamkhide. Maramsina ahing chuppa tumdana mitsen khangkhi.
19 Masigi matungda ningthouna nong hek nganbaga khonglei thuna chatkhiduna nongshagi makonduda thunglare. 20 Danielna leihouba nongshagi makon-gimapaduda laklaga ningthouna khonjel wangna Danielda koura klammi, "hey Daniel, sinaidaba Mapu Ibungogi manai oiriba, nahakna matam leibada ningjariba Mapu Ibungoduna nahakpu nongshagi khayattagi kanbirabra?" 21 Matamduda Danielna ninghouda hairammi, "hey Ningthou, punsi toloina panba oisanu. 22 Eina ningjariba Mapu Ibungoduna mahakki dut thabiraktuna nongshasinggi machinsi phajinbikhi. Makhoina eibu thoidokpa amangba toude maramdi Ibungo mahakki mityengda iran leite. Aduga hey ningthou, Ibungo nahakki mayoktasu nanaina thoidokpa aranba toujakhidri. 23 Madu tabada ningthoudu haraobana haininggai leiramde. Daniel bu nongshagi makondagi loukhatlu haina yathang pirammi. Asumna Daniel bu nongshagi makondagi chingkhatpirammi aduga mahakki masada asokpa amatta leiramde. Maramdi mahak Mapu Ibungoda thajaba nupa ama oirammi. 24 Ningthougi yathang matung inna Danielgimathakta maran sikhibasingdu nongshagi makonda hunjinkhi. Makhoiga loinana makhoigi machasing aduga matunachingbasingdu loina nongshagi makonda thadakhi. Makhoina nongshagi makon-gimayai youphattringeida nongshana makhoibu laksinduna hatkhi. Nongshasingduna makhoigi sarudu thudekkhi. 25 malemsida leiba mishing, jatsing amadi tongan tonganba lon lonbasinggi maphamda ningthou Dariusna asumna ikhi: nakhoi mara tana ingna panba oiyu. 26 Eigi leibakta leiriba pumnamakki maphamda eina yathangsi touribani madudi DanielgiMapu Ibungobu nakhoina kigadabani. Maramdi Ibungodu sinaidaba mapuni.
Matam leibada Ibungo mahakti lengba leite. Ibongu mahakki leibaktu keidoungeidasu mangba leiroi, Ibungogi ningthou leibaktu aroiba leiroi,
27 Ibungo mahakna kanbi, ngakpi, Ibungo mahakna angakpa amadi achouba khudam kaya utpiri, nongmadon amadi malemsida uhanbiri, Ibungoduna Daniel bu kanbikhi, nongshagi khayattagi ngakpikhi.
28 Daniel hairiba nupasi Darius amadi parsiana pallingeida yamna chaokhi.