Acts 5
Ananias Amasung Sapphira
5 touegumsung Ananias kouba kanaagumba nupaa amanaa mahaakki nupi Sapphiraga loynanaa lam amaa yonthokle. mahaakki nupina su khangna, 2 Mahaakna mamal adugi saruk amaa khakhouraga, saruk amaa puraktuna, paakhon-chatpasinggi khuyaada thamlei. 3 adubu Peter-na haay, Ananias nahaakna thawaay asengbada minamnanaba, amasung lam adugi mamandagi saruk amaa khakhounanaba, seitaanna nahaakki pukning thal-hanba karigino? 4 maaduna leiringeida, narannaigi natlamdra? amasung maadu yonthokkhraga, mamal adu naning touramloidra? Nahaakna toukhiba thabak asi nahaakki pukningda khallamba karigino? Nahaakna misingda minamba natte, Eesor-dani.
5 maaduda Ananiana waaramsing asi tabamaktada haithaaduna Mathawaai thaakhre. adugaa maadu taaba mi pumnamakta yaamna kiba pokle. 6 adudagi paakhangsingna hougattuna mahaakpu phina yetlaga, puthoktuna phumle.
7 Amasung pung ahumlom leiraga, mahaakki nupina thok-khiba adu khangladuna changlak-e. 8 adugaa Peter-na maangonda haayrak-e, nakhoyna lam adu asupta yolli haayba eingonda taku.
9 maaduda mahaakna haay, hoy, asupta yonbamakni. touegumsung Peter-na maangonda haay, Eesor-gi thawaaybu chaang yengnanaba nakhoyna yaaminnaba karigino? Yeng-u, nahaakki napuroibabu phumkhibasinggi makhong thongganda leiri, adugaa makhoyna nahaakpusu puthokkani. 10 Amasung khudak adumaktada mahaakna Petergi khuyaada haithaaduna Mathawaai thaakhre. adugaa paakhangsing aduna changlakpada mahaak siramba phangle, amasung makhoyna mahaakpu puthoktuna mapuroibagi manaakta phumle. 11 adugaa seenglup apumbada amasung thok-khiba asi taaba pumnamakta yaamna kiba pokle.
Pakhonchatpasingna khudam utpa amasung anaaba phahanba
12 Amasung paakhon-chatpasinggi khutna misinggi marakta ayaamba khuciam amasung angakpa touwi. adugaa makhoy pumnamakna Solomon-gi maangonda pukning amata oinaa leirammi. 13 adubu leihouba misinggi maraktagi kanaanasu makhoyda thouna phana tinnade, adum oinamakpu misingna makhoyhu ekaikhumnei. 14 Amasung nupaasinggisu nupi-singgisu miyaam thaajaduna Eesor-da henna henna tinsillammi. 15 maram asina Peter-na laakpada mahaakki mamita oirabasu kana kanaagumbagi masaada taananaba, anaaba singbu lamjaao lamjaaoda puthoklaktuna phamung amasung hidanda hiphallammi. 16 adugaa Jerusalemgi akoybada leiba sahar sahardagi miyaamnasu anaaba singbu amasung sengdaba thawaay singna noihatpa-singbu puraktuna tillabada, pumnamakpu phahallammi.
Peterga John-gabu ahal-lup maangda amuk pukhatpa
17 touegumsung purohitlen amasung mahaakka loynaba pumnamak, haaybadi Sadukisinggi khutpu, makhoy asina houraktuna kallakpana thalle, 18 adugaa paakhon-chatpasingbu khut-phang-nana pharaga, keisum-sangda thamle. 19 touegumsung Eesor-gi dutna ahingda keisum-sanggi thongsing adu, haangdokpiraga, makhoybu puthokpiduna haay, 20 Chatlu, adugaa nakhoyna Eesor ningna sangda leptuna misingda hingba asigi waa pumnamak haidok-u.
21 adugaa makhoyna asi taabada, Eesor ningna sangda nongallamdaaida changduna tambirammi. touegumsung purohitlen-ga mahaakka loynaba singgana laaktuna, ahal-lup amasung Israelgi machaasinggi ahal-laman pumnamakpu kousil-laga, makhoybu purak-nanaba keisum-sangda thaare. 22 adubu arakpa phamnaaiba sing aduna makhoybu keisum-sangda phangdraduna makhoyna hallaklaga paao tamlare, 23 keisum-sang adu pumnamak yaamna cheksinna thinglamba amasung thong ngaakpasingna thongda leplamba eikhoyna phangle, adubu thong haangdokpada manung aduda mi kana amata eikhoyna phangde. 24 maaduda Eesor ningna sanggi lanjingbaga purohit athoibasinggana waasing asi taabada, kari tholdAgabus haayna makhoygi maramda yaamna laangtaknare.
25 Amasung mi amanaa laaktuna makhoyda tamlare, yeng-u, nakhoyna keisum-sangda thamlamba nupaasing aduna Eesor ningna sangda leptuna misingbu tambiduna lei. 26 maaduda lanjingba aduna phamnaaiba singga loynanaa chatkhiduna makhoybu purakle, adubu namhaba toude, maramdi makhoybu nungdumna thaagani haayduna misingbu kirammi.
27 adugaa makhoyna makhoybu puraklabada, ahal-lupki maangda lephalle. Amasung purohitlenna makhoyda hangduna haay, 28 Ming asina tambiganu haayduna eikhoyna nakhoybu kanna yaathang pikhi, adugaa yeng-u, nakhoygi tambiba asina Jerusalem ethal thalle, amasung mi asigi ee eikhoygi ethakta nakhoyna tahanningi.
29 touegumsung Peterga paakhon-chatpasinggana khumlak-e, misingdagibudi henna Eesor-gi yaathang eikhoyna enba taare. 30 nakhoyna uda yaanduna haatkhiba Jesus-bu eikhoygi epasinggi Eesor-duna hinggatpire. 31 Israelda pukning hongba amasung paap kokpiba pinanaba, Eesor-na ebungngo asibu luchingba amasung kanbiba mapu oinaa ebungngomahaakki khut yetna thaanggatpire. 32 adugaa eikhoyna waaramsing asigi saakhi oiri, amasung Eesor-na ebungngo mahaakki haayba enbasingda pibiraba thawaay asengba adunasu sakhini.
33 touegumsung makhoyna asi taarabada makhoygi thammoi chakladuna makhoybu haatninglammi. 34 adubu ahal-lupki marakta amana, haaybadi Gamaliyel kouba, mi pumnamakna ekaai-khumnaraba waayelgi oja asina lepkhattuna, mising adubu ngaai-haak mapaanda thamnanaba yaathang pire.
35 adugaa mahaakna makhoyda haay, Israelgi misa, nakhoyna mising maram tamthokle. nakhoydi Eesor-gi cheksinjou. 36 maramdi numit asigi kamangda masa mathantabu thoidokpa mi amani haayna Thiudas thokle, maangonda nupaasing masing 400 changle. Mahaakpu haatkhrabada, mahaakki waa enba pumnamakna ekay kaainakhiduna, karisu oikhidre.
37 mi asigi matungda mikok thiba matamda Galileegi Judas tholdaduna, mahaakki tung enba mi khara chingthokle; mahaaksu maangle, adugaa mahaakki waa enba pumnamak echaai chaaithokkhre.
38 Amasung houjikti eina nakhoyda haayribani, mising asidagi nakhoyna chaaithoktuna makhoybu thaadok-u; maramdi waakhal asi nattraga thabak asi misingdagi oirabadi, maasi mangjakhigani; 39 touegumsung Eesor-dagi oirabadi, nakhoyna makhoybu maanghanba ngamloi; Eesor-gi maiokta leppasingmakni haayna nakhoybu khngbasu yaai. 40 maaduda makhoyna mahaakka yaanare, adugaa makhoyna paakhon-chatpasingbu kouraga makhoybu yeiduna, Jesus-gi mingda ngangdananaba kanna yaathang piraga, makhoybu thaadokle.
41 maram aduna makhoyna ming adugi maramda ekaaiba khaangba matik chaay haayna haraaojaduna ahal-lup maangdagi chat-thokkhre. 42 adugaa numit khuding Eesor ningna sangda amasung yum yumda makhoyna Jesusdi Christani haayna tambiba amasung saandokpa toklamde.