1 Kings 18

Elaaija amadi Baalgi maaichou

1 Chahi ahum leiraba matungda Eeshorna Elaaijada Amukka haanna waa haayrammi. Ebungngona haayrak-e, " Ahabki manaakta chatlo. Maalemsida nong taahanbirage."

2 Matou asumna Elaaijana Ahabki manaakta chatkhirammi aduga matamsida Samariada angakpa phangna chaak changlammi.

3 Konnungda loisanggi makok oiriba Obadiahbu Ahabna koukhatlammi. (Obadiahna ningthoubu yaamna ekaai-khumnarammi.

4 Eeshorgi maaichoushingbu Jezebelna haatpa matamda Obadiahna maaichou chamyaangkhei shurungda lotkhi. Mahaakna makhoygi machinjaaknachingba pikhi.)

5 Ahabna Obadiahda haayrammi, "leibaksi thungna chattuna karigumba maphamda eephut thengnabara yeng-u. Karigumba leitem mannaba maphamda napinachingba leirabasu shagol amadi khachacharnachingba pijanaba purak-u. shaashing loina kanbamak ngamdrabasu kharadi kanba ngambra yengsi."

6 Makhoyna manaa manaa chatkadouba lamshingdu yenthoknakhi. Ahabna maaykei amada aduga Obadiahna atoppa maaykei amada chatnakhi.

7 Obadiahna asum laakpada Elaaija thengnarammi. Elaaijabu Obadiahna shaak khanglammi. Khurumjaraduna Obadiahna Elaaijada haayrammi, “eigi ebungngo, Elaaija nattabara?"

8 Elaaijana khumkhi, "manni, eihaak Elaaijani. Nahaakki ningthou Ahabta chatlaga eihaak maphamsida leiri haayjaru."

9 Obadiahna haayrammi, "Ahabna nanaaibu haatkhinaba karigidamak nanaaida asigumba yaathang pibiribano? nanaaina ebungngoda kari araanba toukhrabage? shinaaidba epuroi Eeshorna saakhini Ahabna ebungngobu maalemsigi mapham khudingda kadaayda leibage haayduna koyna thribani. Karigumba leibaak amagi ningthouna nattraga leibaak ngaakpaduna ebungngobu thengnade haayba paaosi hek pirakpa matamda adugumba leibaak ngaakpa nattraga mishingdu waashakhandaba tokpa leikhide.

11 Asigumba matousida Ebungngona ningthouda nanaaibu waa haayrunaba taakpiri.

12 Karigumba Eeshorgi thawaayduna ebungngobu mapham khangdaba lam amada chingduna pubikhro. Adu oirabadi nanaaidi kari oigani? nanaaina ebungngobu maphamsida leihoure haayruba matamda ningthouna laaktuna yenglaba matamda karigumba ebungngo maphamsida leiramdaba thoklo nanaaidi shibadi shoidrabani. Angaang oiringei matamdagi ngasi phaaoba Eeshorbu ningjarakliba nupaa amani.

13 Jezebelna Eeshorgi maaichoushingbu haatpa hourakpa matamda nanaaina maaichou chamyaangkhei khaaidoktuna shurungda lotchakhibadugi waaridu ebungngo tabikhidribara? Matamduda makhoyna chaanaba pumnamak nanaaina langjakhibani.

14 Adu oirabadi matou karamna ningthougi manaakta chatnanaba yaathang pibiribano? ningthouna eibu shoydana haatkani."

15 Maasida Elaaijana haayrak-e, "koirou nongmadon anigi mapu, Eeshorna saakhi oisanu. Ebungngogi maangda eina lepladuna haayribasini: ngasi ningthou Ahabki mamaangda eihaak changgani.

16 Maramsina Obadiahna Ahab unaba chatlammi. Obadiahna Elaaijagi maramda ningthouda paao tamkhi aduga paaosi hek phangbaga Ahabna Elaaija unnaba thora klammi.

17 Ahabna mahaakpu ubada haayrammi, "Israelgi manungda Khwaaidagi louthiba nupaa nahaak maphamsida leire."

18 Elaaijana haayrammi, "eihak leibaak mangnaba shinba nupaa amaa natte. Leibaak mangnaba sinlibani nahaakni. Nahaaktasu natte, nahaakki napaa napushingnani maramdi makhoyna Baalbu ningduna Eeshorgi yaathang endabadagi pumnamaksi thoklibani

19 Maramsina Israelgi mishing loina koukhatlaga Carmel chingda eigi enaakta mitin amaa touhallu. Mitinsida Baalgi maaichouni haayna leiriba 450dusu, amadi Asherahgi maaichou 400 Dusu kourak-u."

20 Maramsina Ahabna Israelgi mishing amadi maaichoushingdu koukhatlaga Carmel chingda tilhankhi.

21 Elaaijana mishinggi manaakta changshinduna haayrak-e, "nakhoy kayaa kuina hi ani tongduna leikhigade? Karigumba Eeshorna ashengba napuroiduna ninglabadi, nakhoy ebungngo mahaakki yaathang ngaakna chatlu. Karigumba Baalna ashengba laaini haayna linglagana mahaakki matungllu." waasi taaraba phaaobada miyaamduna paaoukhum amatta piba ngamkhide.

22 Maasida Elaaijana haayrammi "ei etomba, Eeshorgi maaichou oinaa leihoure. Baalgi maaichoudi 450 suri.

23 Eikhoy kaanglup anisigi marakta sanlaba anidang pibiyu. Makhoyna sanlaba anidugi marakta apaamba amaa khanjasanu. madubu machet machet kaklaga shingda thamsanu. Shingdu mei chuba yaaroi. Eisu sanlaba amadubu machet machet kaktuna shingda hapkani. Eisu mei churoi. 24 Makhoyna makhoygi laaigi ming kouduna haayjarabasu eina Eeshorgi minglen panduna haayjagani. Mei houhanba ngamba nupaadu ashengba mapugi mini haayna khangnasi.

Miyaamduna yaare yaare haayrammi.

25 Masigi matungda Elaaijana Baalgi maichushingduda haaykhi, "nakhoy miyaamnina sanlaba amaa haanna kaklaga shemshaaro. Nakhoyna ningjariba laaidu kouduna haayjaba yaaba haayjaro aduga shingda mei chubadi yaaroi.

26 Makhoyna sanlabadu shemduna Baalgi maphamda numit yungba matam phaaoba haayjakhi. Makhoyna laaorammi, "he Baal, nanaaishingna haayjaribasi tabiyu." makhoyna shaakhiba phaankhongdugi akhoibada jaagoi shaaduna chonglammi. Adubu paaoukhum amatta laakkhide.

27 Numit yunglaklabada Elaaijana nokladuna makhoyda haayrammi, "kanna laaokhatlu maramdi mahaakti lainina nungaaina leithoklamba yaai. Maramsina mahaakpu houdokpada matam kuina changgani."

28 Makhoyna khonjen henna waangna laaojarammi adubu paaoukhumdi laakkhide. Chatnabi matung ennaa makhoyna mashaadu thangna lellammi aduga eena loukhong oinaa chenkhi.

29 Numit yungba matamda hendoraktuna thou toubagi matam oirakle adubu paao amattasu laakkhide. Maphamduda tilliba mi amattanasu makhon amatta taakhide.

30 Matamsida Elaaijana mishingda haayrammi, “eigi enaakta nakna changsillak-u." maramsina miyaamduna mahaakki manaakta laaklammi. Kairaba Eeshorgi phaankhongdu shemjinlammi.

31 Elaaijana Jacob nahaakki namingdi Israel kougani haayna Eeshorna taakpikhiba nupaadugi machaanupa taraanithoigi matung ennaa khaaydokkhiba tribei taraanithoigi mamingda nung taraanithoi khillm-i.

32 Haayriba nungshingsina Eeshorgidamak phaankhong amaa shaakhi. Masigi akoybada liter 14.6 Changgadouba kom amaa handokkhi.

33 Maasi loiraba matungda shingdu phaankhongda hapchillammi aduga sanlabadu machet machet kakkhi. Machetshingdu shing mathakta thamkhi. Mahaakna haayrammi, "patra mari eeshing pik thanna haplaga tougi pot amadi shingda heijillu." miyaamna mahaakna haayba matung ennaa paangthokkhi.

34 Makha taana mahaakna haayrammi, "Amukka haanna tou." miyaamna Amukka haanna heijillammi.

35 Eeshingdu phaankhongdudagi kom touriba aduda chentharammi.

36 Numit yungba matunggi thou touba matamdu youraklabada Elaaijana phaankhongduda changsillammi aduga haayjarak-e, "O Eeshor, Abraham, Isaac amadi Jacobki Eeshor, houjikti ebungngo Israelgi Eeshorni haaybasi khanghanbiro. Nanaaidi ebungngogini aduga ngasi nanaaina toujariba pumnamaksi ebungngogi yaathangdagi toubani haaybasisu khanghanbiyu. He Eeshor, mishingsina ebungngobu ashengba mapuduni haaybasi khanghanbiro. Aduga ngasi Ebungngona miyaamsibu ebungngoda amuk hanjinnaba khudamdu uhanbiro."

38 Eeshorna numittuda thougi potlam, nung amadi leibaak loina chakthekhankhi. Mameithangda khongmachaduda leiramba eeshing phaaoba kangshillakkhi.

39 Miyaamduna maasi ubada leimaayda tutharammi, aduga angakpa phangladuna haayrak-e, " Eeshordi mapuduni aduga Eeshordani maalemsida leiriba ashengba mapudu."

40 Elaaijana matungda yaathang amaa pirammi amasung haayrammi, "Baalgi maaichoushingdu pharo. Makhoy amaa phaaoba chelhanba yaade." miyaamduna makhoybu pharammi amasung Elaaijana makhoybu chingduna Kison turenda khongbalda putharaga maphamduda haatkhi.

Ikang thokpa phaba

41 Maasi loiraba matungda Ahab kouba ningthouda Elaaijana haayrammi, "houjikti, konungda hallaga chaaba thakpa yaare. Nong laakpagi makhon amaa eina taare."

42 Ahabna chaananaba chatkhringeida Elaaijana Carmel chinggi matonda kakhatlammi aduga maphamduda leimaayda nonthajaraduna mamaidu makhut anigi marakta thamduna haayjarammi,

43 Manaai amada mahaakna haayrammi, "achouba epaakki khongbaldu taanna chatlaga eeshing hourakpa yeng-u."

Manaiduna chatluraga haayrammi, madudi mahaakna epaaktuda karisu ukhide. Elaaijana taretlak haanna maphamduda chatlaga yenglunaba manaaiduda yaathang tourammi.

44 Taretlakshuba matamda mahaakna haayrammi, "nupa amagi makhutna yaamna chaaoba leichingumba amaa paayba urammi. madu epaaktagi kakhatlaakpani."

Elaaijana manaaiduda haayrammi,

"ningthou Ahabta haayyu madudi yaamna khonglei thuna dolai tongduna konungda younaba chatlo. Nattrabadi nongna mahaak haanba yaaroi."

45 Matam kharagi manungda nongmadonsi mamshillaaklammi aduga leichin mapei mapei laaktuna nong yaamna taakhi. Ahabna dolai tongduna Jezreel taanna chatkhi.

46 Matamsida Eeshorgi sahumdu Elijagi mathakta taarammi, ahabna Jezreelda dolai tongduna chatpa matamda Elaaijana mang thaaduna makhongna chellammi.