Acts 4
Peterga John-gabu ahal-lup maangda pukhatpa
4 Amasung malthoina. misingda waa nganghngezcia, purohit sing, Eesor ningna sanggi lanjingba amasung Sadukisingna makhoyda laaktuna yaamna nungaairamde, 2 maramdi makhoyna misingbu tambiduna Jesus hinggatpagi khudamna asiba-singgi maraktagi hinggatpa adu haidok-e. 3 maaduda makhoyna makhoybu khut-phang-nana phaaduna , nonganba phaaoba hajokta thamlammi, maramdi matam adu numidaangni. 4 touegumsung waa adu taaraba ayaambana thaajare; adugaa nupaasing adugi masing 5,000 rom sure.
5 Amasung maadugi nongnagallaga asum thoklare, makhoygi luchingba-sing, ahal-laman sing amasung saas-tragi ojaa-singna Jerusalemda tinnare, 6 adugaa purohitlen Hanna, Caiaphas, John, Aleksandar amasung purohitlen-gi mari mata thokpa makhei jaorammi. 7 maaduda makhoyna makhoybu mayaaida lephallaga hanglak-e, kari paanggalna nattraga kari mingda nakhoyna asi tourabage?
8 Matam aduda Peter-na thawaay asengbane thalladuna makhoyda haay, he mising asigi luchingba-sing amasung ahallimansing,
9 eikhoybu numit asida, asonba mi amada aphaba thabak toukhibagi maramda, kari pambeina mi asibu phahanbano haayna hanglabadi, 10 nakhoy pumnamakta amasung Israelgi mi pumnamakta maasi khanghanjari, nakhoyna crossta haatkhiba, Eesor-na asiba-singgi maraktagi hinggatpiraba Nazarethki Jesus Christagi mingda, haaybadi ebungngo asigi mapaanna, mi asina pumpha phaaduna nakhoygi namaangda lepli. 11 nakhoy yum saaba-singna channadaba, chithek-ki mapi oihanba nung adu ebungngo asini. 12 Amasung atei kanagidasu araan khubam leite; maramdi maadugi mapaanna eikhoybu kanbigadaba, misinggi marakta piraba, atei ming amata atiyagi makhaada leite.
13 maaduda makhoyna Peterga John-gagithouna adu urabada, adugaa mahei heitaba amasung michamni haayba khanglabada, engak ngaklammi; adugaa makhoy Jesusga loynarammi haayba makhoyna khnglakle. 14 Amasung naaba pharaba mi aduna makhoyga leimin-nabaa uraduna, makhoyna maadugi mathakta kari amata haayba leiramde.
15 touegumsung makhoyna makhoybu ahal-lup tinnabadagi mapaan thoknaba yaathang piraga, makhoy amaaga amaga tanaduna haay, 16 mising asida eikhoyna kari tousige? maramdi makhoyna phaaoraba khudam toure haayba Jerusalemda leiba pumnamkta phongi, adugaa eikhoyna maadu yaadaba ngamde. 17 touegumsung maasi misinggi marakta henna sinkhidananabagi, makhoyna houjiktagi mi kanaadasu ming asida haidananaba, eikhoyna makhoybu kihansi. 18 maaduda makhoyna makhoybu kouraduna, Jesus-gi mingda khak ngangsu ngangdanaba, tamsu tambidanaba makhoybu yaathang pire.
19 adubu Peterga John-gana makhoyda khumlak-e, Eesor-gidagi henna nakhoygi waa enbana Eesor-gi mityengda chumbra, chumdabra, nakhoyna waayel toubiyu. 20 maramdi eikhoyna ukhiba amasung takhiba adu ngangdaba ngamde.
21 adugaa misinggi maramna, makhoyna makhoybu karamna dandi pigadage haayba kari amata phangdaduna, makhoybu henna kihanba waa haayraga thaadokle; maramdi mi pumnamkna thok-khiba adugi damak Eesor-bu thaagat-charammi. 22 maramdi chahi niphu henba ahan amagi mathakta anaaba phahanbagi khudam asi toukhibani.
Peterga John-gana Marupsingda Hallakpa
23 Amasung thaadokpirabada makhoyna makhoygi kaanglupta laaktuna, athoiba purohit sing amasung ahal-laman singna makhoyda haaykhiba pumnamak adu tamle. 24 maaduda makhoyna maadu taarabada pukning amata oinaa Eesor-gi maphamda makhoyna khonjen waangna haayjei, he Eesor nahaakti swarga, prithibi, samudra amasung maaduda leiba pumnamak sembibani; 25 thawaay asengbagi mapaanna eikhoygi epa nanaai Davidki machindagi ebungngo nahaakna haaybikhi,
Jaatsingna karigi eethak thaklibage, adugaa misingna aremba waakhal karigi khallibage?
26 Eesor-gi amasung ebungngo mahaakki Christagi maaiyokta Prithibigi ningthou-singna lepkhatle, adugaa mapusingna tinnare.
27 maramdi ebungngo nahaakna thaao heibikhraba asengba nanaai Jesus-gi maaiyokta atoppa Jaatsingga Israelgi misingga loynanaa Herodnasu Pontius Pilatnasu, 28 ebungngo nahaakki khutna amasung waakhanna tungda thoklagadaba, haanna langkhiba makhei adu tounanaba, aoibamk sahar asida punna tinnarare.
29 Amasung houjikti, he Eesor, makhoyna eikhoybu kihanba adu yengbiyu, adugaa anaaba phahannanaba amasung asengba nanaai Jesus-gi minggi mapaanna khudam sing amasung angak angakpa tounanaba, 30 ebungngo nahaakki khut tingthokpiringeida, yaamna thouna phana ebungngo nahaakki waa ngaangna-naba nanaaisingda pinabiyu.
31 Amasung makhoyna haayjarabada, makhoyna tinnariba mapham adu nikle; adugaa makhoy pumnamak thawaay asengbana thalladuna, thouna phana Eesor-gi waa ngaanglak-e.
Marupki sen
32 maaduda thaajaba sing miyaamna pukning amasung thawaay amata oinaa leirammi, adugaa makhoy kana amatanasu maagi maagi leijaba potki marakta kari amatasu marannaini haaynaramde, adubu makhoyna pot pumnamak mayaamgi oinaa sijinei. 33 Amasung ebungngo Jesus-na hinggatpagi maramda achouba paanggalga loynanaa paakhon-chatpasingna saakhi pirammi, adugaa makhoy pumnamakna thoujaal yaamna phangjarammi. 34 maramdi makhoygi marakta awaatpa kanaasu leiramde, maramdi lam nattraga yum leiba makheina maadu yonthoktuna, yonkhiba pot adugi mamal adu puraklaga, 35 paakhon-chatpasinggi khuyaada thamlei; adugaa kanaagumbagi kaannaba matung ennaa mi khudingda maadu yenbi.
36 Amasung Cyprusgi mi, Lebiyagi saagei, paakhon-chatpasingna Barnabas mingthol pibiba (mingthol asi handokpada thoujanbibagi machaa nupaa haaybani), 37 Josephki loupham amaa leirammi; mahaakna maadu yonthoktuna, sen adu puraklaga paakhon-chatpasinggi khuyaada thamlei.