Luke 14

Potthaaba numit amada phugam thungba amabu phahanbiba

14 Amasung asum thoklare, pharisi-shinggi mapu amagi yumda Ebungngona potthaaba numit amada luk hanaba changbada, makhoyna ebungngobu lumlammi.

2 Amasung yeng-u, ebungngogi maangda kanaagumba phugam thungba mi amaa leirammi.

3 Maduda Jesusna waayel heibashing amasung pharishingda khumlak-e,potthaaba numitta anaaba phahanba hounabra hounadabra?

4 Touegumsung makhoyna tuminna leire. Aduga Ebungngona mahaakpu paayduna anaaba phahanbiraga thaadokkhre.

5 Amasung Jesusna makhoyda haay, maagi machaanupa nattraga san guhada taarabada, potthaaba numitta maabu hek chingkhatloidaba nakhoygi narakta kanaa leibage?

6 Maduda makhoyna waaramshing asida amuk khumba ngamdre.

Nollukpa amasung thoujaanheiba

7 Amasung baarton phangbashingna makok phamnaba khandoknariba uraduna, Ebungngona paandam amaa makhoyda haayrak-e, 

8 Kanaagumbagi luhongba chaakkhaangbada nahaakpu bartton tourabada, makokki phamphamda phamganu; kanaana khanggani, nangondagi thoina ekaai-khumnaba mi amabu mahaakna baarton tourambasu yaai;

9 Aduga nahaakpusu mahaakpusu baarton touba mi aduna laaktuna nangonda haaygani, mi asibu phampham piyu. Matam aduda nahaakna ekaaibaga loynanaa makha ethang hangba phampham adu louba hougani. 

10 Touegumsung nangngonda baarton touraklabadi, maning ethang thangba maphamda phammu; maramdi nangonda baarton touba mahaak aduna laakpada, mahaakna nangonda haaygani, marup, mamaang romda phambiyu, haayna nangonda mahaakna haayba yaana-nabani; matam aduda nangga phamminnariba pumnamakki mamaangda nahaakpu thaagatpa oigani.

11 Maramdi mashaabu chaaohanjaba mi khudingbu nolhn-gani; aduga mashaana nollukchaba mahaak adubu chaaohanbigani. 

12 Amasung ebungngobu baarton touba mahaak adudasu Ebungngona haayrak-e, 

nahaakna ayuk nattraga chaak pijabada, nahaakki marup mapaang, nachin nanaao, shaagei-naatei amasung enaakkhunbakeiroy leikaai kouganu; kanaana khanggani, makhoynasu nahaakpu amuk baarton touduna nangonda laman shinglaba yaai.

13 Touegumsung nahaakna chaak pijabada, laairabashing, asonbashing, khongtekpashing amasung mittaangbashingbu baarton tou. 14 Maduda nahaakna yaaiphaba oigani, maramdi makhoyna nangonda laman shingjanaba karisu leijade. Maramdi dharma chenbashingna hinggatpada, nangonda laman shingbigani.

Chaakkhanggi paandam

( Matthew 22.1-10 )

15 Amasung ebungngoga chaabada phammin-naribashing kanaagumba amanaa waaramshing asi taabada, ebungngoda haay, Eeshorgi leibaakta chaaba phanggadaba mahaak adu yaaiphabani. 

16 Touegumsung Ebungngona maangonda haay, 

kana gumba mi amanaa achouba chaakkhaangba amaa touduna, ayaambabu baarton toure;

17 Amasung baarton phangbashing aduda, laak-u, maramdi houjik pot pumnamak thouraang loire, haaynanaba chaakkhang chaaba matamda mahaakna minaaibu thaakhre. 

18 Aduga makhoy pumnamakna waakhal amata oinaa kaithokpinaba nijaba houre. Ahaanba aduna maangonda haay, eina lou amaa leijare, amasung eina chattuna madu yeng-uba taare; eibu kaithokpiyu, eina nahaakpu haayjari. 

19 Amasung atei amanaa haay, eina sanlaba pot mangaa leijare, aduga eina makhoydu apha-phatta yengjaruge; eibu kaithokpiyu eina nahaakpu haayjari. 

20 Amasung atei amanaa haay, eina nupi amaa luhongjare maram aduna ei laakpa ngamjadre. 

21 Maduda minaai aduna laaklaga, mabungngoda paao asi tamlare. Matam aduda yumbu aduna shaaoraduna manaai aduda haay, saahargi lamjaao lamjaaoda, leirak leirakta thuna chatkhiduna, laairabashing, asonbashing, mittaangbashing amasung khongtekpashingbu asida purak-u. 

 22 Aduga minaai aduna haay, ebungngo, nahaakki yaathang matung ennaa toujare, adum oinamakpu houjiksu mapham leiri.  

23 Amasung mabungngo aduna manaai aduda haay, lamjaao lamjaaoda, leirak leirakta chatkhiduna, eigi yum thannanaba makhoybu tangaaiphadana laakhallu.

24 Maramdi eina nakhoyda haayribani, baarton phangkhraba mishing adu kanaa amatana eigi chaakkhaangba asigi mahaao tangloi.

Sebok oibagi mamal

( Matthew 10.37,38 )

25 Adugi matungda miyaamshingdu ebungngoga chatminnarammi; amasung Ebungngona ollaaktuna makhoyda haay, 

26 Kanaagumbana eingonda laaktuna mapa, mama, matu, machaashing, machin manaao, mache machan, aduga hoy, mahaakki mashaamakpusu tukkachadrabadi, mahaak eigi sebok oiba ngamde. 

27 Maagi cross pudaba amasung etung endaba mahaak aduna eigi sebok oiba ngamde. 

28 Maramdi nakhoygi narakta kanaana phura shaaningbada, madu pumloi loynanaba mamal leibra haayduna haanna phamduna mashing thiroidra?

29 Kanaana khanggani, mahaakna yumpham houraga loiba ngamdrabada, yengliba pumnamakna,

30 Mi asina saabadi houre, loibadi ngamdre, haayduna mahaakpu noknaba houba yaai. 

31 Nattraga ningthou kanaana atoppa ningthou amanaa laan shoknaba chatpada, mahaakpu shoknaba 20,000 ga loynanaa laakpa mahaakpu mahaakna 10,000 oknaba ngamgadra haayna haanna phamduna waa tanaroidra?

32 Shoknaba ngamdrabadi, atei aduna yaamna thaapna leiringeida, waa pubashing thaaduna channabagi waa haayjagani.

33 Maram asina adugumduna nakhoygi naraktagi maagi leijaba pumnamak thaadoktaba kanaa kanaagumba adu eigi sebok oiba ngamde. 

34 Maram aduna thum aphabani, touegumsung thum adumak mahaao maangkhrabadi, karamna haohan-gadage?

35 Madu leipakki damaksu leihaogi damaksu kaannade; madu hundokhi. Taananaba naakong paanba mahaak aduna tajaasanu.