Galatians 2
Paulgi thabak adu Jerusalem shinglupna yabiba
1 Adugi matungda chahi taraamari leiraga, eina Barnabasga loynana, Titusbusu loynanaa puduna Jerusalemda karui.
2 Amasung phongdokpiba matung ennaa kajarubani; aduga eina atoppa Jaatshinggi marakta shaandokliba aphaba waapaao adu makhoygi mamaangda tamle, adubu karigumba aremabada chelliba, nattraga chellamba oiba yaai haayduna, aphaobashinggi maangda lonna tamle.
3 Touegumsung eigaa loynaba Titusbu, Greek oirabamaksu, un kaknaba namlamde;
4 Adubu eikhoybu minaai oihanna naba, Christa Jesusgi mapaanna eikhoyna phangjaba eningtamba adu mikup nahum yengnaba lonna changba chumdaba machin manaaoshingbu pusillakpa maramna asumna oiba yaai;
5 Aphaba waapaaogi achumba adu nakhoyga etat-tattana leiminnanaba, makhoyda eikhoyna pung amaa phaaoba makha ponnanaba changyaade.
6 Touegumsung karigumba oinaa phaaorabashingdagi (makhoyna kari kari oiramlabasu, eingondadi karisu natte; Eeshorna mishak mimaay yengde) einggondadi aphaobashing aduna karisu hen-gathanbide.
7 Adubu amaromdadi, un kakpashinggi damak aphaba waapaao Peterda shinnabibagumna, eingonda un kaktabashinggi damak aphaba waapaao shinnabire haayba makhoyna uraga. 8 (maramdi un kakpashinggi paakhon-chatpa thabakta Petergidamak toubiba ebungngo mahaakna atoppa Jaatshingda eigidamaksu toubire);
9 Eingonda piraba thoujaal adu yumbi oinaa phaaoraba James, Cephas, amasung Johnna khanglabada, eikhoyna attoppa Jaatshingda amasung makhoyna un kakpashingda chatnanaba, eingondasu Barnabasdasu makhoyna mapaang oibagi yet-thangba khut painabire;
10 Eikhoyna laairabashingbu ningshingbigabadani haayba makhoyna ningbatani; madumak einasu tounaba thawaay yaaorabani.
Antiochda Petergi ashoyba
11 Touegumsung Cephasna Antiochda laakpada, mahaakna ayol aranda tajaba maramna, eina mahaakpu hakthengnana khaamjille.
12 Maramdi Jamestagi kanaa kanaagumbana laaktringeida, mahaakna atoppa Jaatshingga chaaminnarammi; adubu makhoyna laaklabada, mahaakna un kakpagi oibashingbu kiduna, mahaak masha mathanta ninghannaduna khaaidokchaba houre.
13 Amasung Jewish atei-shingnasu mahaakka loynanaa louthup loukoina chatle; aduna Barnabasbu phaaoba makhoygi toushinnaba aduna puthoklammi.
14 Touegumsung makhoyna aphaba waapaaogi achumbagi matung ennaa chumna chatte haayba eina urabada, makhoy pumnamakki maangda eina Cephasda haayre, nahaakna Jewish oiraga Jewish-shinggi matougum chattaduna, atoppa Jaatshinggi matougum chatlabadi, nahaakna atoppa Jaatshingbu Jewish-shinggi matougum chatnaba karamna namlibano?
Waayel yaathangna araan khubam piba ngamdaba
15 Eikhoy mahousana Jewish-shingni, aduga paap-chenba atoppa Jaatshing natte;
16 Adumakpu mioibabu waayel yaathanggi thabakshing toudadagi chumhanba natte adubu Jesus Christabu thaajabagi mapaanna chumhanbi haayba khaangduna, eikhoybu waayel yaathanggi thabakshing toubadagi nattana, Christabu thaajabadagi chumhanbinanaba eikhoymaknasu Christa Jesusbu thaajare; maramdi waayel yaathanggi thabakshing toubadagi mi kanaa amatabu chumhanbiba leiroi.
17 Touegumsung eikhoyna Christagi mapaanna chumhanbinaba thibada, eikhoy eshanasu paap chenbashingni haayba phangjarabadi, adunadi Christana paapki thougan touba oibra? madu khak oidasnu!
18 Maramdi eina maanghankhraba pot adu eina amuk shaagatlabadi, ei isabu araanba touba mini khanghanjei.
19 Maramdi eina Eeshorlomda hingjananaba, waayel yaathanggi mapaanna eina waayel yaathanglomda shire.
20 Eibu Christaga loynanaa crossta siminnahanbire; amasung houjik hingjariba eina natte, adubu eigi nungda Christana hingbibani; aduga eina hoijik hakchaangda hingjariba mahing adu eibu nungshibiraba amasung eigidamak ebungngo mashaamakpu pithokpiraba Eeshorgi machaanupabu thaajaba adugi mapaanna eina hingjabani.
21 Eina Eeshorgi thojal adu aremba oihande, maramdi waayel yaathanggi mapaanna dharma chenba oirabadi, Christadi arembada sibire.