Revelation 21
Anouba swarga amasung anouba prithibi
21 adugi matungda anouba atiya amasung anouba prithibi eina ure; alianba atiya amasung ahaanba prithibi adu laanthokkhre, adugaa samudra amuk haanna leitre. 2 Amasung Eesor-dagi asengba sahar, anouba Jerusalem aduna, mapuroihagi damak leitengjarabi mou anoubigumna thouraang laangladuna,. swargadagi kumthaarakpa eina ure.
3 Amasung phambaal adudagi awaangba khonjen amanaa asi haayba eina taare, yeng-u, Eesor-gi phijang adu misingga loynari, adugaa ebungngo mahaakna makhoyga leiminnagani, makhoyna ebungngo mahaakki mising oigani, amasung Eesor ebungngo mahaak-makna makhoyga loisu loinabigani makhoygi Eesorsu oigani. 4 adugaa ebungngo mahaakna makhoygi mamittagi mapi pumnamak teithokpigani, sibasu amuk haanna leiraroi; adugaa tengthaaba kappa amasung naaba amuk haanna leiraroi; ahaanba pot makhei adu laanthokkhre,
5 maaduda phambaal aduda phamliba ebungngo mahaakna haay, yeng-u, eina pot pumnamak enou nouna semmi. adugaa ebungngo mahaakna haay, isillu, maramdi waasing asi thaajaba yaaba amasung achumbani. 6 Amasung ebungngo mahaakna eingonda haay, esu sure. eidi Alpha amasung Omega adu, ahouba amasung aroiba aduni. Hingbagi eesinggi eephut adudagi khourangba mahaak aduda eina lemma pibigani. 7 Ngamliba mahaak aduna asising asi phangjagani, adugaa eina mahaakki Eesor amasung mahaakna eigi echaa-nupaa oigani.
8 adubu Kiganbasing, thaajadabasing, tukkachanaaba sing, mihatpasing, marumbi thabak toubasing, hidam-yaaidambasing, laai murti latpasing amasung minam chinthiba pumnamak, makhoy asigi sarukti meiga gandupka loynanaa chakliba pat manung aduda oigani; maasi siba anisuba aduni.
Swargagi oiba Jerusalem
9 Amasung akonba cheinakhon taretna thanba tenggot taret paayba swarga-dut tarettagi amanaa laaktuna eigaa ngangnaduna haay, asi taanna laak-u, eina nangonda mou anoubi, haaybadi yaao machaa adugi nupibu uhange. 10 adugaa mahaakna eibu thawaaygi mapaanna achouba amasung awaangba ching amaa taanna puthoklaktuna, Eesor-dagi, Eesor-gi matik mangaan leiba asengba sahar, Jerusalem adu, swargadagi kumthaarakpa eingonda uhalle;
11 maagi mangaandi liklaaigumna luba jaspi nunggumba, thoidokna mamal luraba mani mallammi; 12 maagi achouba amasung awaangba pal, panthong taraanithoi, amasung panthong aduda swarga-dut taraanithoi leirammi; adugaa Israelgi machaasinggi salaaigi ming taraanithoi maadugi mathak mathakta erammi; 13 Nongpokta panthong ahum, awaangda panthong ahum, khaada panthong ahum, amasung nongchupta panthong ahum leirammi 14 adugaa sahar adugi pal aduda leikhong taraanithoi, amasung mathak mathakta yaao machaa adugi paakhon-chatpa taraanithoigi ming taraanithoi leirammi.
15 Amasung sahar adu, maadugi panthong adu, amasung maadugi pal adu onnanaba eigi ngaangnaba mahaak adugi sanaagi onnaba chei leirammi. 16 adugaa sahar adudi chithek mari nai, amasung maadugi mayung maraak chaaoba mannei; adugaa mahaakna sahar adu miles 1,500 onthokle; maadugi mayung maraak amasung waangba chap maannei. 17 Amasung mahaakna maadugi pal adu mioibagi, haaybadi swarga-dutki, paandam matung enna, feet 216 onthokle.
18 adugaa maadugi pal adu saabadi jaspi nungnani, amasung sahar adugi asengba liklaai maanba asengba sanaana saabani. 19 sahar adugi pangi leikhong adu mamal luraba nung makhal pumnamakna leitenglammi. ahaanba leikhong adu jaspi, anisuba saphaira, ahumsuba kalkidon, marisuba emareld, 20 Mangasuba sardinuks, taruksuba sardi, taretsuba krusolittho, nipaansuba berul, maapalsuba topas, taraasuba krusoprasa, taraamaathoysuba jakintho, taraanithoisuba amethusta, nung asisingni. 21 Amasung panthong taraanithoi adu mukta taraanithoi adu oirammi; panthong khuding mukta amam-mamgi oirammi, adugaa sahar adugi lamjaao taru taruba liklaaigumba asengba sanaa oirammi.
22 Amasung maadugi manungda Eesor-gi asengba sang eina ude, maramdi engam ngamba Eesor aduna amasung yaao machaa aduna maadugi asengba sang oi. 23 adugaa sahar aduda ngannanaba numitsu thasu kaannaba leite, maramdi Eesor-gi matik mangaanna maadubu nganhalle, adugaa maadugi thaaoumeidi yaao machaa aduni,
24 Amasung Jaatsingna maadugi mangaan manungda koychat chatkini; adugaa Prithibigi ningthou-singna matik mangaan maadugi manungda purak-e. 25 Amasung maadugi panthong makhei adu nungthinda khak thingloi (maramdi maaduda ahing suplei leiroi); 26 adugaa makhoyna maadugi manungda Jaatsinggi matik mangaan amasung ekaai-khumnaba purakkani. 27 Amasung yaao machaa adugi hingbagi laairik aduda esinkhibasing adu nattana, maadugi manungda karigumba sengdaba oirabasu, tukkachaba thabak amasung minamchinthiba touba mi oirabasu, khil changloi.