2 Samuel 18

Absalombu maaythiba piba amadi siba

18 ningthou Davidna mahaakka loynariba misingdu punsillammi adugaa lising amadi chaammagi laanmi tengol ahum thokna khaaidoklammi. Tengol ahumsi luchingba amam-mam haplammi. 2 khaaidoklaba matu-ngda mahaakna laanmisingdu luchingba ahumgi makhaada laanthengnanaba thaadokkhi. luchingba-singdi Joab, Joabki mayaamba Abisai, amadi Gathtagi laakpa Ittai oirammi. ningthouna misingda haayrammi, "ei isamak, nakhoyga loynanaa laan changgani.”

         3 miyaamduna haayrammi, "iningthouna eikhoyga laonana chatpiganu. Karigumba yeknaba-singgi mamaangda eikhoy loina chellabasu nattraga eikhoy mayaamsigi manungda tangkhay amaa sirabasu makhoygi mamitta karisu oiroi. adubu ebungngodi eikhoy 10,000 ga mannabani. eningthouna saharsida leihouraga eikhoygidamak chinjaaknachingba thabirakpana henna phagani."

         4 ningthouna makhoyda haayrammi, "nakhoyna asina phei haaybadu eina tougani. asumna ningthouna thonggalgi nakanda leptuna leirammi adugaa laanmisingduna lising amadi chamana khujing oiduna khong-saandokkhi. 5 ningthouna Joab, Abisai amadi Ittaida haayrammi, " Absalomdu eigi yengduna yaamna thina toubiganu." luchingba-singda ningthouna waasi haayba matamda miyaamdusu taarammi.

         6 asumna Davidki laanmi singna khongsaankhiduna Ephraimgi umangda laanthengnakhi. 7 Israelgi misingdu Davidki misingna maaythiba pikhi. Numittugi laanphamda haatkhiba mising 20,000 oirammi. 8 Laanthengnabadu khunlak phaaoba youkhi adubu laanphamda sikhiba mi masingdagi umangda sikhiba masingna henkhi.

         9 Khanghoudana Absalomna Davidki laanmi kharaga oknarammi. Matamduda Absalom lolaa amaa tongduna laaklammi adu-ga uyung paambi makhaada litlakpa matamda makoktu usada pankhirammi. Loladu chenkhirammi adugaa mahaak thaarak thaarak yaanduna leirammi. 10 Davidki laanmisinggi manungdagi amakhakna maadu urammi amasung Joabta tamlammi. Mahaakna haayrammi, "Absalomna uyung paambigi masaada yaanduna leiba matamda eina urammi."

         11 Joabna haayrammi, "karigumba nahaakna mahaakpu urabadi maphamduda mahaakpu hattokpa yadra? Eina nahaakpu sanaa khangel taaraga nikham samji amaaga piramgadabani."

         12 adubu nupaaduna khumkhi, "nahaakna eingonda sanaa kilo 12 pirabasu ningthougi machaa-nupaaduda eigi khut tharoi maramdi ningthouna “eigi yengduna nahaa oiriba Absalomdu thina thoubiganu." haayna nahaak, Abisai amadi Ittaida haaykhibadu eikhoy tahouwi. 13 Karigumba ningthouna pikhiba yaathangdu endaduna Absalombu eina haatlamba thoklabadi ningthougi manadi phaklangda thetpani haaynabagumna ningthouna soydana taagani adugaa matamduda nahaakna eibu kanbigadouba natte."

         14 Joabna haayrammi, "masida nahaakka ngangnaduna matam maanghanba kaannade." Joabna ta ahum louraduna uyung paambi masaada yaanduna leiriba Absalomgi mathabaakta yeisinlammi. Matamsida mahaak sidri. 15 Masigi matungda Joabki tung enba nupaa tarana koisinduna Absalombu haatkhi.

         16 Joabna lan toknaba bengul khong-u haayna yaathang pirammi amasung mahaakki laanmi singna Israelgi misingbu tannabadu tokkhi. 17 makhoyna Absalomgi masaadu puraga janggalda leiba aruba guha amada thadarammi. Guhadu makhoyna nungna kupsinlammi. Israelgi mising loynaba mayum mayumda chenkhirammi.

         18 Absalomna hinglingeida masaagi oinanaba haayduna mongpham amaa ningthou-singgi tampaak kouba maphamduda saaduna thamlammi maramdi mahaakki machaa-nupaa amatta poklamde. maramsina mongphamdu mahaak masaagi mingda thonkhi. adugaa ngasi phaaoba haayriba mongphamsi Absalomgi mongpham haayna khangnari.

Absalom sire haaybasi Davidta phongdokpa

         19 Zadokki machaa-nupaa Ahimaazna Joabta haayrammi, "Eesor-na ningthoubu yeknabagi makhuttagi kanbire haayduna aphaba amadi nungaairaba paaosi ningthouda tamlage." 20 Joabna haayrammi, "natte, ngasi nahaakna ningthougi maphamda aphaba paao amatta tamba yaaroi maramdi ngasi ningthougi machaa-nupaa sire adugaa atei matam amada khudung chaabadu pigani."

         21 Joabna mahaakki lamdagi laakpa minaaiduda haayrammi, “nahaak chatlaga namitna ukhibadu ningthouda tammu." minaaiduna khurumlaga chenkhirammi.

         22 Ahimaazna maakha taana haayrak-e, "ama oirabasu amaa oirabasu eibu paaosi ningthouda tamhanbiyu."

         Joabna haayrammi, "ebungngo, nahaakna kari kaannaba liduna paaosi puninglibano? Masigi thoidokpa manaa phangningai leite."

         23 Ahimaazna Amukka haanna haayrammi, "phanglabasu phangdrabasu eibu chathalbiyu."

         Joabna haayrammi, "phare, chatlo." Ahimaazna Jordan tampaak phaaoduna haanna chenkhiba minaaidudagi haanna youkhi.

         24 Matamduda David manung amadi mapaan-gi thonggal anidugi marakta phamduna leirammi. Thongakpasingna phaklangda kakhatga yumthakta leptuna leiramm mahaakna yengthok-khiba matamda nupaa amanaa matomda chellakpadu uramm. 25 Mahaakna ningthouda kouraduna haayrammi, "amasung ningthouna haayrammi, "karigumba mahaak matomta chellakpa oirabadi aphaba paao amaa soydana purakpa oiramgani." Chellakliba nupaadu asum nakseellaaklammi.

         26 mi yengduna leiriba nupaaduna atoppa nupaa amasu matomta chellakpa urammi. Mahaakna yengtharaklaga thongakpa nupaaduda haayrammi, "yeng-u, yeng-u, atoppa nupaa amasu matomta chellakle."

 maadu taabada ningthouna haayrammi, "mahaaksu aphaba paao amaa purakpa oiramgani."

         27 Miyengba nupaaduna haayrammi, ahaanba nupaasi Ahimaaz malli."

 ningthouna haayrammi, “mahaak aphaba nupaa amani. soydana mahaak aphaba paao purakpa oirambani."

         28 Ahimaazna Joy oire, joy oire haayna ningthouda khonjen waangna laorammi amasung ningthougi maangda sangna tutharaduna khurumjarammi adugaa haayrak-e. "Napuroi, Eesor-bu thaagat-lasi maramdi ebungngo mahaakna ngasi ebungngo-gi mayokta lalhoubasinggi mathakta joy oihanbire."

         29 ningthouna hanglammi, "naha oiriba Absalomdu karisu soktra?"

 Ahimaazna haayrammi, "iningthou, nanaaibu Joabna thaarakpa matamda miyaam amaa yaamna laangba urak-e adubu chap chaaba karino haaybadudi eihaak thoidokpa khang-jaraktre."

         30 ningthouna haayrammi, "phare nahaak khara thaapna nakan amaromda leppu. Yaathangdugi matung ennaa mahaakna nakan amada leppammi."

         31 Sudandagi laakpa minaaiduna yourakpaga ningthouda haayrammi, "iningthougidamak nanaaina aphaba paao amaa pujarakli. ebungngo-gi mayokta lanhoubasinggi mathakta Eesor-na ngasi maay paakhanbire."

         32 ningthouna hanglammi, "naha oiriba Absalomdu asok apan leitbara?"

 minaaiduna khumlammi, "iningthou, ngasi maangonda thok-khiba asigumba ebungngo-gi yeknaba khudingda oisanu haaybasi nanaaigi asani. Maangonda thok-khiba asigu-mna ebungngo-gi thakta lanhoubasingda thokpa oisanu."

         33 ningthoudu paaosi taabada thoidokna waarammi. Thonggalgi manaakta leiriba phambaalduda kakhatlaga kaplammi. Mahaakna chatna chatna asuma kaplammi. "He eigi echaa absalom, Absalom, nahaakki nahutta eihaak siramlabadi nungaairam-gani.He Absalom, he Absalom pamuida."