Leviticus 10
Nadab amadi Abihugi ayon araan
1 Aron-gi machaanupa Nadab amadi Abihu meigi khang amam-mam pairaduna mei hapladuna dhup thaaba houraklammi. Maasi Eeshorna paangthok-u haayna taakpikhidaba mei thaaba makhal amaa oirammi.
2 Eeshorna mei houhallaaktuna makhoybu chaakhallammi. Ebungngogi mamaangmaktada makhoy mathawaay thaakhi.
3 Matamduda Mosesna aronda haayrammi. "Eeshorna haaybikhiba waashingdu asini: eigi enaakta nakna leiba mishingda eigi etik eyaaidu utkani. Mishinggi mamaangda Eibu ashengba ebungngoduni haaybasi utkadabani." waaphamsi taabada aron waa amatta ngaanglamde.
4 Aron-gi makhura Uzzielgi machaanupa Misael amadi Elzaphanbu kouraga Mosesna haayrammi, "nakna changsillaaktuna nakhoygi nachin nanaaoshingbu mitinshanggi mapaandagi chingduna chatlu.
5 Mosesna makhoyda pibikhiba yaathang matung ennaa makhoyna phurit achonba litlaga machin manaaoshingdubu chingbirammi.
6 Mosesna machaanupa Eleazar amadi ethamarda haayrammi, "nakhoy nasham epha phahanba yaade. Naphi naron shegaaiba shetpasu yaade. Haayribashingsi endrabadi nakhoy shiba yaai. Eeshorna mi pumnamakki mathakta shaaoba yaai. Nakhoygi mari mata oiriba Israelgi mishingsisu kappa laaoba thokpa yaai. Maramdi makhoygi mathakta laakkadouriba meidu Eeshorna thaarakkadouribani.
7 Mitinshanggi thonggi mapaanda thokpa yaaroi. Karigumba thoklabadi nakhoy shigani. Maramdi nakhoybu noikhiba thaodu Eeshorgini." Mosesna makhoyda pikhiba yaathangdugi matung ennaa thabak makha chattharammi.
Purohit shingna chatkadouba pathap
8 Masigi mathangda Eeshorna aronda haayrammi,
9 "Mitinshaangda changba matamda nahaak amadi nahaakki nachaa-nupaashingna yu ngaaonaba thaklaga changba yaaroi. Karigumba nakhoyna yu yaamna thaklabadi shigani. Tungda laakkadouba mirondasu haayriba lengdana leihouragadouba pathap oinaa thamgadoubani.
10 Ashengba amadi shengdaba, shokpa yaaba amadi shokpa yaadaba potshinggi khetnaba phajanaa ngakkadabani.
11 Eeshorna Mosesda taakpikhiba chatnabishingdu Israelgi mishingda phajanaa taakpikhi.
12 Mosesna aron amadi mahaakki hingliba machaanupa Elezar amadi ethamarda haayrammi, "Eeshorgi khuyaakhaada meida thaaduna katpa thoudagi lemhouba mahei marongshingdu louraga phaankhonggi nakanda haamei haptaba potka chagadabani. Maramdi maphamsi thoidokna shenglaba lanapung amani.
13 Maasi nahaakki amadi nahaakki nachaashinggi phangpham thokpa chaakthungni. Maramsina nakhoyna maasibu louraga ashengba mapham amada chagadabani. Eingonda haayrakpa matung ennaa Eeshorgi khuyaakhaada katpa mahei maronggi thousigi mahei marongshingsi nakhoyna louraga chagadabani.
14 Israelgi mishingna lamdaai shumdaaigi thou oinaa katlaba shaadugi athoiba khudon oinaa katlariba mathabaak amadi maphaigandu nahaakka loynanaa nachaa-nupaashing amadi nupina ashengba mapham amada chagadabani. Haayribasi mishingna katlaba thoududagi nakhoygi sharuk oinaa phangpham thokpaduni.
15 Miyaamna katlariba maphaigan amadi athoiba khudon oinaa katlariba mathabaakki shaaruktu meida thaaduna katlariba thougi mahaaoduga loynanaa Eeshorgi khuyaakhaada athoiba thougi khudon oinaa katkadabani. Eeshorna yaathang toukhiba matung ennaa maasi nahaak amadi nachaashingna matam leibada phangpham thok-e."
16 Ayon-araan-gidamak katkhiba haamengdugi matangda Mosesna thingjillammi. Haayriba haamengdu makhoyna meida thaadokkhirammi. aron-gi hingliba machaa Eleazar amadi ethamarda Mosesna yaamna shaaorammi. Maramsina mahaakna haayrak-e,
17 "Ningnashangda nakhoyna ayon-araangi pottu chapham thokpani. madu thoidok hendokna ashengba thouni. Thousida katliba shaasigi thoidokpa maram amadi mishinggi ayon araandu nakhoyna mahut shinduna pubinabagidamak Eeshorgi maangda aran thou katliba nattra?
18 Thougi haamengdudagi thorakpa eedu ningnashanggi maning thangba kagi ashengba maphamda purakkhide. Eina nakhoyda haaykhiba gumna ayon-araan-gidamak katpa thougi shaadu nakhoyna maphamsida chapham thokpani."
19 Matangduda aronna Mosesda haayrammi. "Ngasi ehaan haanna makhoyna ayon-araangi thou amadi meida thaaduna katpa thougi shaadu katlaribani. Eina khanjarubadi asini: ngasigi katlariba ayon-araangi thousi eina chaarabadi Eeshorgi mityengda aphaba oigadra?
20 Maasi taabada Mosesna chummi haayna ninglammi.