Luke 22
Judasgi tharou. Ekon konba chaakkhaangba
( Matthew 26.1-5,14,16; Mark 14.1,2,10,11; John 11.45-53 )
1 Adugi matungda araan-chaakkhaangba kouba haamei yaaodaba tal chaakkhaangba adu naksilaaklammi.
2 Aduga athoiba purohit shing amasung shaastragi ojaashingna ebungngobu karamna haatpa yagadage haayduna thirammi; maramdi makhoyna mishingbu kiduna leirammi.
3 Amasung taraanithoi adugi marakta mashing chanba Iskariyot kouba Judas aduda Satanna changle.
4 Aduna mahaakna chatkhiduna athoiba purohit shingga thongaklen-shingga loynanaa ebungngobu makhoyda karamna pithokkadage haayna ngangnare.
5 Maduda makhoyna haraaoraduna maangonda shel pinaba waa lepnare.
6 Aduga mahaakna yaraduna, miyaam leitba matamda ebungngobu makhoyda pithoknaba khudong chaaba thiba hourammi.
7 Adudagi haamei yaaodaba tal chaakkhaangbagi numit, haaybadi, araan-chaakkhaangbagi yaao machaa haatkadaba numit adu laakle.
8 Aduga Ebungngona Peter amasung John thaakhiduna haay, eikhoyna chaananaba araan-chaakkhaangba adu eikhoygidamak chattuna thouraang touru.
9 Aduga makhoyna ebungngoda haay, eikhoyna kadaayda tourang toujaba Ebungngona paambage?
10 Maduda Ebungngona makhoyda haay, yeng-u, nakhoyna saaharda changbada, mi amanaa eeshing-pul puduna nakhoybu oknagani; mahaakna changba yum aduda matung enduna changu.
11 Aduga nakhoyna yum adugi mapuda haayyu, 'Ojana nangonda haay, eina eigi sebokshingga loynanaa araan-chaakkhaangba chaananaba ka adu kadaaydano?'
12 Maduda thouraang laanglaba mathak thangba ka achouba amaa mi aduna nakhoybu uhan-gani; mapham aduda thouraang tou.
13 Amasung makhoyna chatkhiduna, Ebungngona makhoyda haaykhiba adugum phangladuna, makhoyna araan-chaakkhaangba adu thouraang toure.
14 Amasung pungja adu oirabada, Ebungngona paakhon-chatpashingga loynanaa phamthare. 15 Maduda Ebungngona makhoyda haay, eina awaa-anaang khangdringeida, yaamna pamna araan-chaakkhaangba asi eina nakhoyga chaaminnaningle.
16 Maramdi eina nakhoyda haayribani, Eeshorgi leibaak aduda maasi thungdriba phaaoba eina maasi chararoi.
17 Amasung Ebungngona tenggot paaykhattuna thaagat-charaga haay, asi loudina nakhoygi narakta yennou;
18 Maramdi eina nakhoyda haayri, Eeshorgi leibaak laaktriba phaaoba,houjiktagi houna eina angur maheidagi thaklaroi.
19 Aduga Ebungngona tal louduna thaagat-charaga, madu thugaayre, amasung makhoyda piduna haay, maasi nakhoygi damak piraba eigi hakchaangni, eibu ningshingnanba asi tou.
20 Amasung chaaba loirabada, matou adugumna tenggot louduna haay, tenggot asidi nakhoygi damak taabikhraba eigi eena shemba, anouba waalepnabani.
21 Touegumsung yeng-u, eibu pithokliba mi adugi makhut tableda eigaa leiminnari.
22 Maramdi tamlakpa matung ennaa migi machaanupa aduna chatlibani; touegumsung pithokpa mi aduda awaabanida.
23 Maduda thabak asi tougadouriba adu makhoygi marakta kanaa oigadaba haayduna makhoy masen hangnaba houre.
Achumba Achouba
24 Amasung makhoygi marakta kanaabu Khwaaidagi henna chaaoba shingthaanabage haaybadu khatnaba houre.
25 Maduda Ebungngona makhoyda haay,
aatoppa Jaatshinggi ningthoushingna makhoygi mathakta mapu oibagi thabak touwi; amasung makhoygi mathakta thoudaabashingbu chanbiheibashing kou-e.
26 Touegumsung nakhoydi adugumna oide; adubu nakhoygi narakta henna chaaoba mahaak aduna atonbagum, amasung athoiba mahaak aduna thougan touba migum oiraksanu.
27 Maramdi henna chaaoba adu kanaano, chaabada phamliba mahaak adura, thougan touriba adura? chaabada phamliba adu nattra? adubu eidi nakhoygi narakta thougan touba migum oiri.
28 Touegumsung nakhoydi eibu chaang yengba pumnamakta eigaa loynanaa leiminnakhrabashingni.
29 Amasung eigi epaana eingonda ningthouleibak amaa shinnabibagumna,
30 Nakhoyna eigi ningthou-leibaakta eigi tableda chathakpa yaana-naba, amasung Israelgi shalaai taraanithoibu waayenduna phambaal phambaalda phamnanaba, eina nakhoyda ningthouleibak shinnabi.
Peterna yaaroidaba maangjounana taakpiba
( Matthew 26.31-35; Mark 14.27-31; John 13.36-38 )
31 Simon, Simon, yeng-u, Satanna nakhoybu gehugum niknaba nijare;
32 Touegumsung nanggi thaajaba muttaananaba eina nanggi damak nonjare; aduga nangna pukning amuk honglakpada, nanggi nachin nanaaoshingbu chethallu.
33 Maduda mahaakna ebungngoda haay, Eeshor, eidi ebungngoga keishumshangdasu shiba phaaobasu nahaakka chatnanaba shem saare.
34 Ebungngona haay, Peter, eina nangonda taakpiribani, nangna eibu khang-e, haayba yaadaba ahumlak sudriba phaaoba,ngasi yen-laabana khongloi.
35 Amasung Ebungngona makhoyda haay, eina nakhoybu sen-gaao, paaitukhao, amasung khugraang yaaodana thaaba matamda, karigumba waatlambra?, aduga makhoyna haay, karisu waatte.
36 Maduda Ebungngona makhoyda haay,
adubu houjikti, sen-gaao leiba mahaak aduna madu pusanu, paitukhaaosu adugumna; aduga karisu leitba mahaak aduna maphi yonduna, kabaak-thaang leijasanu.
37 Maramdi eina nakhoyda haayri, amasung ayol araanbashinggi marakta mahaakpu mashing challe, haayduna ekhiba asi eingonda thungba taare; maramdi eigi maramgi waa adu loiraklibani.
38 Amasung makhoyna haay, Eeshor, yengbiyu, asida kabaak-thaang ani lei. maduda Ebungngona makhoyda haay, okle.
Gethsemaneda Jesusgi thawaay waaba amasung ebungngobu phaaba
( Matthew 26.36-46; Mark 14.32-42 )
39 Amasung Ebungngona thoklaktuna, mahousa-gumna Mount of Olive chingda chatkhre; aduga sebokshingnasu ebungngogi tung enjare.
40 Amasung Ebungngona mapham aduda leirabada makhoyda haay, nakhoyna athembada taadanaba haayjou.
41 Maduda nung amuk hunba marum thaapna Ebungngona makhoydagi khaaidoklaga, khuru khudak kulladuna haayjarak-e,
42 He epa, Ebungngona yaabirabadi, tenggot asi eingondagi louthok-piyu; adum oinamakpu eigi ningba oidaduna ebungngogi oibisanu.
43 Maduda ebungngobu paanggal happiba swargadagi dut amaa ebungngoda uhalle.
44 Amasung Ebungngona pukning wamankhraduna henna kanna haayjarammi, aduga ebungngogi humaang adu leibaakta taaba phamjillaba ee matum matumgum oirakle.
45 Ebungngona haayjaba loiraga, sebokshinggi manakta laakpada, makhoy thawaay waana tumlamba uraduna,
46 Makhoyda haay, nakhoyna karigi tumlibano? Athembada taadanaba hougattuna haayjou.
47 Ebungngona waa ngaanglingei maktada, yeng-u, miyaam, amasung Judas kouba taraanithoigi amanaa makhoygi mamaang thaaduna Jesusbu chupnanaba ebungngogi manaak taanna changsillakle.
48 Adubu Jesusna maangonda haay, Judas, nangna migi machaanupa adubu chuppana pithoklibra?
49 Maduda ebungngobu koisillibashingna thoklagadaba adu uraduna haay, Eeshor, eikhoyna kabaak-thaangna yaangadra?
50 Amasung makhoygi kanaagumba amanaa athoiba purohitki mini adubu yaanduna maagi yet-thangba manaa shoidatkhre.
51 Touegumsung Jesusna khumlak-e, nakhoyna asi phaaoba yabiro. maduda Ebungngona maagi manaa shokpiduna, maabu phahalle.
52 Amasung Jesusna athoiba purohit shing, Ningnashanggi thongaklen-shing amasung ahallaman shing, ebungngobu phaaba laakpashing aduda haay, daakubu phaaga-dabagum, kabaak-thaangga cheiga loynanaa nakhoy thoklaklabra?
53 Numit khuding eina nakhoyga loynanaa Ningnashangda leiringeida nakhoyna eibu phanaba nakhut tingthokle. Touegumsung asi nakhoygi pungphamni amasung amaambagi matik oiba matamni.
Peterna Jesusbu yaadaba
( Matthew 26.57,58,67-75; Mark 14.53,54,66-72; John 18.12-18,25-27 )
54 Matung aduda makhoyna ebungngobu pharaga, chingduna athoiba purohitki emung manungda purakle. Touegumsung Peterna thapin ellammi.
55 Amasung makhoyna sumang mayaaida mei houduna phamminnarabada, Peterna makhoygi marakta phamlammi.
56 Aduga mahaakna meingaanda phamlingeida, kanaagumbi minaai leishaabi amanaa mahaakpu uraduna, shangtrikna yenglaga haay, nupaa asisu mahaakka loynarambani.
57 Adubu mahaakna yadaduna haay, nupi, mahaakpu ei khangde.
58 Ngaaihaak leiraga atei mi amanaa mahaakpu uraduna haay, nangsu makhoygi maraktagini. Adubu Peterna haay, he mioiba, ei natte.
59 Aduga pung amaromgi matungda atei kanaagumba amanaa kanna haay, aoibamk nupaa asisu mahaakka loynarambani; maramdi mahaakti Galileegi mini.
60 Touegumsung Peterna haay, he mioiba, nangna haayriba adu ei khangde. Amasung mahaakna ngaanglingei maktada yen-laabana hek khongle.
61 Maduda Eeshorna ollaaktuna Peterda yenglak-e. Aduga, ngasidi yen-laabana khongdringeida nangna eibu ahumlak yaaramloi haayna maangonda karamna haaykhiba, Eeshorgi waa adu Peterna ningshinglak-e.
62 Maduda mahaakna mapaan thokkhiduna thawaay shokna kaplure.
63 Amasung ebungngobu paairiba nupaashing aduna ebungngobu noknaduna phurak-e;
64 Amasung makhoyna ebungngobu mit punshinbiduna hanglak-e, nangbu kanaana phubage? Taakthok-u!
65 Aduga makhoyna atei ayaamba athiba waa ebungngogi mathakta haayrammi.
Ahallupki maangda Jesusbu pukhatpa
( Matthew 26.59-66; Mark 14.55-64; John 18.19-24 )
66 Amasung nong hek ngallakpada, leibaakki ahallup, haaybadi athoiba purohit shing amasung shaastragi ojaashing tinnare; aduga makhoyna ebungngobu makhoygi ahallup tinbada chinglaaktuna haay,
67 Nang Christa adu oirabadi, eikhoyda haayyu.
Adubu Ebungngona makhoyda haay, eina nakhoyda haayrabasu nakhoyna khak thajaroi;
68 Aduga eina nakhoybu hanglabasu nakhoyna khak khumloi.
69 Touegumsung houjiktagi migi machaanupa aduna Eeshorgi paanggalgi yet-thangbada phamgani. maduda makhoy pumnamakna haay, madu oirabadi, nangdi Eeshorgi machaanupara?
70 Aduga Ebungngona makhoyda haay, nakhoyna haayriba adu Eini
71 Maduda makhoyna haay,
eikhoina saakhi amuk kari kaannabano? maramdi eikhoy eshaana mahaakki machindagi waa taare.