2 Kings 24
24 Jehoiakimna pallingeida Babylon-gi ningthou Nebuchadnezzarna laan houraktuna chahi ahum Nebuchadnezzargi maakha ponkhi. Matungda Nebuchadnezzargi mayokta laan houduna maakha ponbadu tokkhi. 2 Eesor-na manaai maichousingda taakpikhiba pumnamak chumna thoknaba ebungngona Chaldising, Aramising, Moabsing amadi Amonising kaanglup kaanglup naaina Judah-gi mathakta laandarunaba thaarakkhi. 3 asengbamak maasi ningthou Manassehna toukhiba araanba thabaksingdugi maramda Eesor-na saaoraduna Judahbu awaaphamda tahange haayduna thok-hankhibani. 4 Manassehna maraal leitba mi kayagi ee taahankhi. Maraal leitba misinggi eetana Jerusalem khongthaapham leikhide. maramsina Eesor-na ngaakpikhide.
5 Jehoiakimna touramba thabaksinggi maramda Judah-gi ningthouron eba laairikta eduna lei 6 Jehoiakim siraba matungda machaa-nupaa Jehoiachinna ningthou oikhi.
7 Egyptki ningthouna atoppa maphamda laandaba matamsidagidi tokkhi maramdi Egyptki awaangthangba ngamkheidagina Euphrate turenda phaaobadu Babylon-gi ningthougi makhaada, leirammi.
Judah-gi ningthou Jehoiachin
(2 miron 36:9-10)
8 Jehoiachinna ningthou oinaa paanba matamda chahi taraanipal surammi. mahaak Jerusalemda thaa ahum ningthou oinaa pankhi. Mahaakpu pokpi mamadi Jerusalemda leiba Elnathanggi machaanupi Nehusta koubidu oirammi. 9 Mahaaksu mapaa mapusingna toukhibagumna Eesor-gi mityengda phattaba thabaksingdu toukhi.
10 Matamsida Babylon-gi Nebuchadnezzargi laanmina Jerusalem laksinkhi. 11 saharduda leihouba misingdu mahaakna Babylon taanna loi oinaa pukhi. 12 Judah-gi ningthou Jehoiachinna mahaakki emunggi mising amadi phamnaaiba-sing loina Babylon-gi ningthouda changjakhi. Baby-longi ningthouna mahaakpu bandi oinaa pukhi. maasi mahaakna paanba nipaansuba chahidani. 13 Eesor-gi ningna sang amadi konungda leiramba Lan-thum pumnamak loina pukhi Eesor-na haanna taakpikhiba matung ennaa Israelgi ningthou Solomonna saaduna thamlamba patrasingdu machet machet thugaaykhi. 14 Mahaakna Jerusalem lousillaba matungda punna phamnaaiba amadi ningthou machaasing 10,000 bandi oinaa pukhi. leibaaktuda leiba yaamna laairaba mising nattana usuba amadi yotsuba phaaoba phaaduna pukhi. 15 Mahaakna Babylon taanna Jehoiachin, mama, ningthougi nupi-sing, phamnaaiba-sing amadi leibaaktuda leiba maru oiba mising loina bondi oinaa pukhi. 16 Babylon-gi ningthouna Babylon taanna khan-gatlaba mi 7,000 pukhi. Masida khutsa heiba amadi yotsubanachingba loina yaokhi. Laanmida yaohanba yaaba mising loina mahaakna khomduna bandi oinaa pukhi. 17 Babylon-gi ningthou Jehoiachinggi makhu-ra Mattaniahbu ningthou oihankhi. mahaakki maming Zedekiah haayna hongkhi.
ningthou Zedekiahna paanba
(2 miron 36:11-12, Jer 52:1-3)
18 Zedekiahna ningthou oiba matamda masaagi chahi kunmathoi surammi. Jerusalemda ningthou oinaa chahi taraamaathoy pankhi. mahaakki mamadi Libnahgi Jeremiahgi machaanupi Hamutal koubidu-ni. 19 Jehoiachinna toubagumna mahaaksu Eesor-gi mityengda phattaba thabaksing toukhi. 20 Eesor-na yaamna saaoba maramna Judah amadi Jerusalem ebungngona matik thokpa awaapham taahankhi. Zedekiahna matungda Babylon-gi ningthougi mathakta laan houkhi.