1 Chronicles 18
Davidna laan-ngamba
(2 Sam 8:1-18)
1 Masigi matungda Davidna Philistishingbu maaythiba piduna namthaakhi. Mahaakna Gath amadi masigi manungda leiriba saaharshingdu Philistishinggi Makhuttagi loushinkhi.
2 Mahaakna Moabshingbu maaythiba piduna minaai oihankhi. Moabshingna Davidta loipot karammi.
3 Hamathki manaakta leiba Syriagi lam Zobahda ningthou oinaa paanba Hadadezerbu maaythiba pikhi. Matamsida Hadadezerna Euphrate turelgi mathakta leiriba lamshingdu loushin-ge thouraanglammi.
4 Laanphamsida Davidna Hadadezergi shagol gari 1,000, shagol laanmi 7,000, amadi khong laanmi 20,000 pharakhi. Dolai chaammagi konnanaba shagol khakhouraga ateidi makhong thudekkhi.
5 Damascusta leiriba Syriagi laanmi shingna Hadadezerbu tengbangnaba laakpa matamda Davidna khong laanmi 22,000 Haatkhi.
6 Masigi matungda makhoygi leibaaktuda laanmi peishinduna makhoy mahaakki makha ponkhi. Makhoy loipot kakhi. Eeshorna Davidna chatpa khudingda loinabikhi.
7 Hadadezergi phamnaaibashingna pairamba sanaagi chunggoidu munduna Jerusalemda purakkhi.
8 Hadadezerna loi chanshinduna paankhiba saahar kun amadi Tibhathtagi pithraai yaamna purakkhi. (Haayriba pithraaisi Solomonna pukhri, yumbi aduga ningnashanggi manungda thamliba patrashingdu shaabada shijinnakhi)
9 Zobahgi ningthou Hadadezergi laanmishingbu Davidna maaythiba pikhre haaybasi taabada Hamathki ningthou Touna
10 Machaanupa Jorambu Davidki maphamda thaaduna nungaaiba phongdo-khankhi. Mahaak Hadadezerga matam leibada laanthengnadunata leirammi. Joramna sanaa, silver amadi pithraaina shaaba khudonpot kayaamarum puduna laakkhi.
11 Haayribashingsiga loynanaa atei Jaatshing Edom, Moab, Amon, Philisti amadi Amalekshingdagi lourakpa sanaa, silver amadi pithraainachingbadu punsillaga Eeshorgi oinaa katlammi.
12 Zeruiahgi machaanupa Abisaina thumhigi tampaak haayna khangnaba maphamduda Edom 18,000 Haatkhi.
13 Maphamduda laanmi peishinduna Edomgi mayokta Davidna shoknaruba laanpham khuding Eeshorna maay paakhanbikhi.
14 Davidna Israelgi ningthou oinaa paankhi. Aduga mahaakki matamda praja pumbaa nungaaina pallibra haaybasi khangna waayenlammi.
15 Zeruiahgi machaanupa Joabna laanmigi makok oirammi. Ahiludki machaanupa Jehosaphatta thoudok pumnamak esinbagi thabak tourammi.
16 Ahitubki machaanupa Zadok aduga Abiathargi machaanupa Ahimelek anisina purohit oirammi. Matamsida Savsana laairik esinba amaa oinaa thabak tourammi.
17 Jehoiadagi machaanupa Benaiahna davidpu ngaksenba mishing oirammi. Ningthou Davidna pokpaa machaanupashingna maru oiba thabak kayaa purammi.