Daniel 11
11 Mededagi ningthou Dariusna paanba ahaanba chahida mahaakna eibu mapaanggal amadi mathouna happibada mateng yaamna panglammi.
Egypt amadi Syria
2 houjikti nahaakki naphamda eina achubadu utpirage. Yeng-u, Persiada ningthou ahum amaaga chongthorakkhini. Haayriba ahumsidagi Marisuba ningthouduna yaamna enaak khunba hen-gani. Mahaakna lanjei thanna leiba maramna mapaanggal phudoklage haayna ninglakpa matamda Greecisinggi mathakta laandagani. 3 Matamduda mapaanggal leiraba ningthou amaa thorakkani. Haayriba ningthousina leibaaksi thungna mapu oigani. Mahaakna touningbata touduna leigani. 4 Mahaakna leibaaktu saandokpa yaamna chaaona hourakpa matamda mahaakki leibaaktu nongmadonda leiriba nungsit maram mariduna saruk mari tahan-gani. Masigi mathakta haayriba ningthousigi leibaaksi mahaak matomta mangba nattraga leibaaktu tumbata nattana atei atei leibaaknasu maasibu machet machet yennagani.
5 Matamsida khaa maaykeida pangadouriba ningthoudu mapaanggal yaamna leiba amaa oigani. adubu mahaakki ningthou machaasinggi marakta amakhakna maangondagisu henna kangani. adugaa mahaakki leibaaksi angakpa phanggani. 6 Matam khara leiraga makhoy sandhi amaa tounagani. maramsina khaa haramgi ningthougi majaa-ebemmadu awaang haramda paalliba ningthougi lamda laakkani. Mahaakna mara tana paanba yaanaba laaklibani adubu mahaakna singadouriba thouraangdu maay paakloi. mahaakka loynanaa leiriba phamnaaiba-sing, mapuroiba, amadi machanachingbasingdu mikhutta taagani. 7 Matamsida mahaakki mahutsinba oinaa mahaakki dhaaraadagi machang oiba mari amaa thorakkani. Mahaakna laaklaga awaang haramda leiriba ningthougi laanban thugaaygani. Mahaakna makhoygi mathakta matam kuina paan-gani. 8 Mahaakna Egypt taanna makhoygi laai murtising amadi mamal tanglaba sanaa silver-gi patrasingdu pukhigani. Matam kharadi mahaakna awaang haramda paalliba ningthoudubu laandabiroi. 9 Masigi matungda awaang haramda paalliba ningthouduna khagi ningthoududa laandagani. mahaak mareibaakta amuk hallakkani.
10 mahaakki machaa-nupaasingna laandanaba laanmi yaamna chaaoba amaa semgatkani makhoygi marakta amanaa thingba ngamdaba eesing eechaao laakpagumna humduna pugani. Matungda mahaakna yeknabagi laanbandu phaaoba taksingani.
11 khaa maaykeida paalliba ningthouduna saaoraduna awaang haramgi ningthouduga laan tounanaba laanmi puduna thorakkani. adugaa mahaakna hannadagi henna chaaoba laanmi semgatkani. adubu haayribasi yeknabagi makhutta taagani. 12 Masida laanmi lising lising haatkani. adubu mahaakna pakliba mamaidu matam kuiroi. 13 Matamduda awaang haramda paalliba ningthouduna haannagi laanmidudagi henna yaamba amaa puduna laandarakkani. Chahi kharagi manungda laanmi achouba amaa puduna laakkani. adugaa mahaakki awaatpa leiraroi.
14 Matamduda khagi ningthoudugi mayokta mi yaamna thorakkani. Lousing leitba mahaakki misinggi maraktagi thorakkani. makhoyna mahaakpu khudam kayaamarum uttuna en-singani. adubu makhoyna haayriba waasingdu amatta chumloi. 15 Matamduda awaang haramda paalliba ningthouduna laanban saaduna chekpan khagatlaba sahar amaa lousinkhigani. khaa maaykeigi laanmisingdu khaangba ngamloi. mahaakki khan-gatlaba laanmising phaaoba leppa ngamloi maramdi makhoy mapaanggal leiroi. 16 mahaakki mayokta laandarakliba ningthouduna ningba matung ennaa pangthakkani. mahaakki mamaangda kanaasu leppa ngamloi mahaak ningthijaraba lamduda khongnetkani. leibaak sinbaa thungna mahaakki makhutta leigani. 17 khaa maaykeigi ningthougi leibaaktu mahaakna namthagani. Waaroiba oinaa mahaakki lamdagi leisaabi amaa leibaaktu manghallunaba luhongbiduna thaakhigani. adubu haayribasi kannaroi. masidagi mahaakki thoina tongjaba leiroi. 18 Mameithangda mahaakna samudra mapaanda taariba leibaaksinggi mathakta laandagani adugaa mahaakna masida taariba leibaak ayaamba lousin-gani. adubu matamduda luchingba amanaa mahaakki asonbadugi khudong chaaba loukhigani. asengbamak mahaakki ningaidabaduna mathakta tahan-gani.
19 Toupham khangdraaduna mareibaakta leiriba laanbanduda mamaay onsinlakkani. adubu mahaak khudi thigani adugaa matamduda mahaakki aroiba ongani.
Syriagi phattaba ningthou
20 mahaakki matungda loina khamin yaamna thaaduna phamnaaiba amanaa chinglaga loipot louba mi thaaba ningthou amaa thorakkani. Matam khara leiraga haayriba ninghousisu aroiba sor hongani. adubu maasi phongna nattraga laandan mangadaba natte 21 mahaakki mahutta nungsi khangdaba ningthougi phambaal sinnanaba amaa chongthokrakkani. Mahaakna ekhang khnghoudana leibaaktugi mathakta laandarakkani adugaa chiron touduna leibaaktubu lusinkhigani. 22 mahaakki mamaangda laanmising kaayduna chen-gani adugaa makhoygi aroibadu laakkani. Haayriba thoudoksida areppa waasakki khudam louduna leiriba ningthoudusu aroiba oigani. 23 mahaakka sandhi changnaba Matamdudagi houraduna mahaakna chiron touba hougani miyam yaamdrabasu mahaak matik mayaai leiba ningthou amaa oigani. 24 Ekhang khnghoudna mahaakna leibaaktugi Khwaaidagi henna lan leiraba saruktu lousinkhigani. Mahaakna mapaa mapu Medisingna toukhidaba thabaksing du tougani makhoygi marakta akai atoi, laanda lut tourakpa potnachingba peiduna thamgani. Mahaakna laanban thugaaynaba thouraang tougani adubu haayribasi amuktagi helloi. 25 Mahaakna laanmi yaamna pudun amahaaka laan thengnagani. adubu mahaak leppa ngamloi maramdi mahaakki mayokta maaythinaba thouraang yaamna tourakkani. 26 mahaakki langei amadi chenggeidagi chariba misingdu phaaoba mahaak-kidamak leploi. mahaakki laanmisingdu thugaaygani adugaa kayaamarum amanaa sina taagani. 27 Haayriba ningthou anisi phatta lousingda touduna leigani. makhoyna phan amattada phaminarabasu minamba ngaangnabadi tokloi. adubu haayribasina karisu kannaroi. maramdi aroibasi tamkhrabani. 28 Mahaakna mareibaakta lan yaamna puduna hn-gani. adubu mahaakki thamoidu matam leibada asengba areppa ningna sang leiphamduda tamgani. Mahaakna maanghange ninglibadu thunglaga mareibaakta hankhigani.
29 Matam yourabada mahaakna kharomda amuk hallakkani. adubu hannagumnadi oiroi. 30 maramdi Chittimdagi jahaj laaktuna mahaakki mathakta laandarakkani. mahaak kiraduna ninghannagani saaoraduna hankhraga asengba areppa waasakki leipham ningna sangduda laandagani. Mahaakna asengba areppa waasakki urong thaadokpasingdugi chingak oigani. 31 Mahaakna thaarakpa laanmi singna ningna sang amadi laanban kayaa maanghan-gani. makhoyna atatpa leitaana katliba thoudu muthatkani. makhoyna leikangla oinanaba tukka chaaraba thabak kayaa tougani. 32 Areppa waasaktu elloi haaybasingdu mahaakki mi oigani. adubu makhoyna ningjariba Eesor-bu masak khngbasingdudi chetna lepkani. 33 misinggi marakta leiriba pukning lousing leibasingna misingbu khangnaba yaamna takkani. Makhoy matam kharagi oinaa thanggi mayada, meinungda, loi oinaa chatpanachingba nangba yaai. 34 makhoyna maaythiba matamda mateng ephang phangloi. misingna makhoygi manaakta chiron tougani. 35 asingba khara makhoybu sengdok-nabagi damak Mathawaai thaaba yaai. Haayriba thoudoksi tamkhrabanina makhoybu ningthijahannaba aroiba matamdu phaaobada thokkadouribani.
36 ningthouduna mahaakna apaamba matung ennaa tougani. Mahaakna masaamakna laaisingdagisu henna waangna thaanggatchaagani. Mahaakna laaising amadi Eesor phaaobagi mayokta angakpa waa kayaa ngaangani. Paapki maton lomdriba matamdu phaaoba mahaak chaaokhatkani. maramdi lepkhraba waadu thoktanigai leite. 37 Mahaakna nupi-singna yaamna nungsijaba laaidu ningloi. Mahaakna mapaa mapuna ningba laaidu ningloi. maramdi mahaakna machaore haayna leigani. 38 Mahaakna haayriba laaisingsigi mahutta laanbangi laidubu nungsigani. mapaa mapuna masak khngdaba laidubu mahaakna sanaa amadi silver-na leitengbiduna ningani. Mamal yaamlaba nung amadi khudon potnachingba kattuna ningani. 39 lamlaanba laai amagi mateng louduna mahaakna Khwaaidagi cheksinna saraba laanban amaa thugaaynaba hotnagani. Mahaakpu yaaba misingbu ekaai-khumnabigani. Mahaakna makhoybu leibaak ngaakpa oihan-gani. adugaa leibaaksi peisa louduna yonthokkani.
40 Matam loiraklabada kharomda paalliba ningthouduna mahaakki mathakta laandarakkani. Kharomgi ningthouduna nonglei nungsitkumna mahaakki mathakta paisin-gani. Mahaakna dolaileng, sagol laanmi amadi jahajnachingba puduna laakkani. Mahaakna leibaak phaaoduna thingba yaadraba echaa ogumna laakkani. 49 Mahaakna leihao leiraba leibaaktuda laakkani. mahaakki makhuta lising lising taagani adubu haayriba-singsi mahaakki makhuttagi kanbigani. Edom, Moab amadi Amonisinggi lamdu yaoroi. 42 mahaakki makhut tingthorakpada Egypt khaangba ngamroi. 43 Mahaakna Egyptki manungda leiriba sanaa amadi silver, mamal tanglaba nung amadi potsinggi mapu oinaa paan-gani. Libya amadi Sudan-gi misingna mahaakki matung-ingani. 44 Nongpok amadi awaanglomdagi laakpa paaoduna mahaakpu khoiraang khoisaohn-gani. maramsina mahaakna makhoybu namthanba khonglei thuna chatkhigani. 45 Mahaakna samudra amadi asengba chinggi marakta singhasangi khubham semgani. adubu mateng pang-binaba kanaasu leitaana mahaakki aroibadu maphamduda oigani.