Psalm 70
Tengbangbinaba haijaba
(Ishei 49:13-17)
70 He ipuroi, nanaibu kanbiyu,
he Ishor, houjikmak nanaibu tengbangbiyu.
2 Eibu hatnanaba thouranglibasingdu maithiba pinabiyu aduga pukning
lousing thok-hanbiganu. Eina awaba tabasi uraga nungngairibasingdugi mathakta ikaiba pinabiyu aduga pukning changbiganu.
3 Eingonda noknaribasingdusu maithiba phangduna changaknasanu.
4 Ibungoda changjarakpasingdu nungngaiba amadi haraobana ngamkhei leitasanu. Ibungogi aran khubhamduda asa thamjaribasingduna asumna haijasanu, "Mapu Ibungogi matik kayada chaoba."
5 Nanaidi upai leijadaba asonba mini, he ipuroi, maramsina khonglei thuna tengbangbinaba lakpiro, he Ishor, Ibungodi nanaigi lanbiba Mapuduni, maramsina nanaibu tengbangbinaba thuna lengbiraklo.