Proverbs 2
Lousinggi khudon
2 echaa-sa, eina tambiribasi lousillu adugaa nakhoyda maasi tougadabani haaykhibadu kaaothokkanu. 2 Singna thabak touba karino khangjinlu adugaa maadubu karino khangnaba tallu. 3 Achumbani, lousing tangadabani adugaa maadugi laisusu tansingadoubani. 4 Silver, sanaa tanba nattraga leinungda lottuna leiriba lan phangna-naba tanba matamda awaaba khangbadugumna maasibusu thijingadoubani. 5 maasibu toujarabadi, Eesor-bu kina chatchabadu karino haayba nahaakna laaina khngba ngamgani. adugaa nakhoyna epuroigi maramda phajanaa khngba ngamgani. 6 Lousing pibiba ngambadudi Eesor-tani, ebungngo mahaakki maphamdagi lousing amadi laisu thorakpani. 7 ebungngo mahaakna achumba amadi pukchel sengba misingda tengbangbi adugaa ngaakpiri 8 mi ateibu lunaa channa toubiba amadi ebungngo mahaakki maphamda changjariba misingdubu sennabi. 9 Karigumba nakhoyna eina haayribasi taarabadi, achumbadu masak khanggani, aphaba amadi ningthijabadusu masak khngba ngamgani. 10 nakhoy lousing leiba mi oirakkani adugaa lousingdugi mapaanna nungaaiba phanggani. 11 nakhoygi lousing amadi laisu khngbaduna nakhoybu ngaakpigani, 12 adugaa araanba thabak toubadudagi kanbigani. Chin-gaiwa toubasingdagisu masina nakh oibu kanbigani, 13 Masigi mapaantana araanba touduna amaamba punsi lellage haayduna achambadubu khaaidoklamlaba misinggi lichingdagisu kanbigani. 14 Masigi mapaanna araanba thabak toubada halengba leitraba amadi lousing yaaodaba thabak touriba-sing amadi. 15 Thaajaba thamba yaadraba misingdagi thaapna leiba ngamgani.
16 Khoithumlaba waahei kayaana lamchat manglabi nupina nakhoybu khonduna puge hotnabadagi masigi mapaanna thaptokpa ngamgani. 17 Adugumba nupidudi mawaamapuroibabu minamba ngamba adugaa asengba waasak thamkhibadu kaaothokpa ngamba nupini. 18 Karigumba adugumba nupidugi mayumda nakhoyna changlabadi, asibagi lambida, chatpaga pankhakni. Maphamduda changluba haaybasi asibagi taaibangduda khongdarabani. 19 Adugumba nupidugi manaakta changluraba midu amuk hallakpa leite. Punsigi laambelda amauk hallakpa leite. 20 maramsina nakhoyna aphaba misinggi matou tamgadabani adugaa achumba punsi lenba ngamnanaba hotnagadabani. 21 Achumba mising amadi lamchat naaiba misingdu eikhoygi leibaaksida sinaidana leiba ngamgani. 22 Leibaakta houriba paambi phoidattuna langthok-khibagum, epuroina phattaba amadi araanba toubasingbu louthokpigani.