1 Chronicles 27
Laanmi amadi leibaak shemgatpa
1 Emunggi amadi shaageigi loukhatlaba leibaaktugi manungda thoudang yaakhiba mishingdu makhaada piribasini. Thaa khudinggi mi 24,000 na leikak ngaakpa amadi atei thaoudangda shinna shinnaduna mathou pukhi.
2-15 Makhaada piribasi thaa khudinggi luchinglen oikhibashingni:
Ahaanba thada: Zabdielgi machaanupa Jasobeam (Judahgi mari leinaba Perez shaageigi mi oirammi.) anishuba thada: Ahohigi shaageigi Dodai. (mahaakki makhaada Miklothna mathang luchingpuren oirammi) ahumshuba thada: Purohit Jehoiadagi machaanupa Benaiah. Mahaak kunthraagi makok oirammi. (Haayriba kaanglupsigi luchingbadu mahaak shiraba matungda machaanupa Amizzabadna oirammi.) Marishuba thada: Joabki machin manaao Asahel. (Machanupa Zebadiahna mahaakki mahut konna shinkhi) Mangaashuba thada: Izhargi shaageigi Samhuth. Tarukshuba thada: Tekoagi Ikkeski machaanupa era. Taretshuba thada: Pelondagi Ephraimgi Helez nipaanshuba thada: Husahdagi Sibbecai. (Judahgi kaangluptagi Zerahgi shaageidagi oirammi.) mapaanshuba thada: Benjamingi shaageidagi Anathothki Abiezer. Taraashuba thada: Netophahdagi Maharai. (mahaak Zerahgi shaageini.) Taraamaathoy shubaa thada: Ephraimgi lamdagi Pirathonggi Benaiah. Taraanithoi shubaa thada: Netophahdagi Heldai (mahaak Othnielgi mini.)
Israelgi maraktagi leibaak ngaakpashing
16-22 Israelgi shaageidagi leibaak ngaakpashingdu makhaada piribasini:
Saagei Leibaak ngaakpa
Reuben Zichrigi machaanupa Eliezer
Simeon Maacahgi machaanupa Sephatiah
Levi Kemuelgi machaanupa Hasabiah
Aaron Zadok
Judah ningthou Davidki machin manaao thokpa Elihu
Issachar Michaelgi machaanupa Omri
Zebulun Obadiahgi machaanupa Ismaiah
Naphtali Azrielgi machaanupa Jeremoth
Ephraim Azaziahgi machaanupa Hoshea
Nongchupta leiba Manasseh Pedaiahgi machaanupa Joel
Nongpok Manasseh Zechariahgi machaanupa Iddo
Benjamin Abnergi machaanupa Jaasiel
Dan Jerohamgi machaanupa Azare
23 Eeshorna Israelgi mashing nongmadonda leiriba thawaan-michakshinggumna yaamhanbigani haayna waashakpikhiba matung ennaa ningthou Davidna chahi kundagi makha taaba mishinggi mikok thikhide.
24 Zeruiahna pokpaa Joabna mikok thiba hourammi adubu mahaakna mapung phaana thibadu ngamkhide. Eeshorna mikok thibasina maram oiduna Israelbu awaaphamda taahanbikhi. Maramsina mashing asimakni haaybagi akakpadu keidoungeidasu Davidna leiringeida esinkhiba leikhide.
Konungda leiriba lanshingbu pannaba mishing
25-31 Konungda thamkhiba lanshingdu pannakhiba mishingdu makhaada piribasini: Konunggi pukei:
Adielgi machaanupa Azmaveth Khunda leiba pukei: Uzziahgi machaanupa JonathanLoubukta leiba pukei: Chelubki machaanupa Ezri angur engkhon: Ramahdagi Shimei Yu pannaba: Sephamgi Zabdi Chorphon amadi sikamor paambi: Gederigi Baalhanan Chorphon-dagi sungba thaao pannaba: JoasSaronda leiba sanlup pannaba: SArongi Sirtai tampaak ateida leiba sallup pannaba: Adlaigi machaanupa saaphat Ut pannaba: Ismaelgi Obil lolaa pannaba: Meronothtagi Jehdeiah yaao amadi haameng pannaba: Hagritki Jaziz
Davidki konungda paaoutaak pinaba thamba mishing
32 Ningthou Davidki makhura Jonathan thoidokna shingba paaoutaak piba amadi laairik heiba nupaa amani. Ningthougi machaashingbu Laairik Tambibada mahaak amadi Hachmongi machaanupa Jehielgi mathou oirammi.
33 Ningthougi paaoutaak piba nupaadi Ahithophelna oirammi. Arkigi Hushaidi ningthou marup amadi paaoutaak piba nupaa amani.
34 Ahithophelna shiraba matungda Abiathar amadi Benaiahgi machaanupa Jehoiadana ningthougi paaoutaak piba nupaashing oikhi. Ningthougi laanmigi makokti Joabna adum oirammi.