Ecclesiastes 7
Lousinga apangbaga changdamnaba
7 Mingchatna thao manam nungsibadagisu magun helli. Siba numitna pokpa numittagi henna phei.
2 Chakchanariba yumda changlubadagi mikap miraokhol thorakliba yumda changbana henna phei, mi pumnamak kappatana masunglangni. Waphamsi hingliba khudingna kaoroidabani.
3 Awa-ana khangbana nok khebadagi henna phei, maka langsillaba maithongdu thamoidadi nungngaibani.
4 Asingba midi awaba masak khangbani, apangbana kannadaba nunggaibada luptuna leibani.
5 Apangbagi ishei tagadabagi sarukpudi, asingbana cheiba tabana henna phabani.
6 Apangbana nokpadu chaphu maningna tingkhang thudekpagumbani. Masisu arembani.
7 Pukning chamdrabadi asingba misu apangbaga mannei. Aduga aphaba migi thawaidu manghalli.
8 Pot khudingmak aroibana ahoubadagi henna phabani, napal toubabudi akhang kanbana henna phabani.
9 Thungna saoganganu, maramdi asaoba haibasidi apangbagi thamoida pakpani.
10 Houkhiba matamna houjikki oiriba matamsidagi helli haina keidoungeidasu haipharoi maramdi nangna hairibadu lousinggi mapanna natte.
11 Lan-thumdi lousingna phaba henbani, taibangpandadi lousing leibana phabani.
12 Peisa leigadabagi sarukpudi lousing leibana phei. Lousing leibagi kannabadi punsisi mahei yanbani.
13 Mapu Ibungogi khutsembu ningsingu, peikhrabadubu kanana chum-hanba ngambage?
14 Nungngairingei matamda haraona leithokpa yabani, adubu awaba taraba matamda ningsinggadaba waphamdi asini: Mapu Ibungona pot khudingmak amagi mathangda ama oiraknaba sembikhiba maramna taibang kanadasu mathangda kari thokkani haibasi khanghande. 15 Artha leitraba eigi punsisida achumba mi kaya achumba touna touna marai chaithaba aduga phattaba mi kaya amasu makhoigi phattabada punsisi chaokhatpa eina ure. 16 Chang henna achumba saganu, chang henna asingba saganu. Nasabu nasana mangnanaba lang thakkanu. 17 Chang henna phattaba thabaksu touganu, chang henna pangbagi matousu utkanu. Karigidamak manung matam chadana taibang khudung ligadage? 18 Karigumba tougadaba ama chetna touba phei. Pumnamak lamsanba phatte. Adubu Mapu Ibungobu kina chatchaba midudi apaphatta animakta maipakkani. 19 Sahar amabu sennaba mi taradagisu lousing leiba mi amana kanba henbani. 20 Taibangpansida aranba toudaba, matamleibakhibikta achumbada touba mi kanasu leitabani. 21 Mina haiba khudingmak louganu. Nattrabadi nanggi nanai nasanna phaoba nangbu sap tougani. 22 Nangna khangi madudi nangnasu mi ateibu kaya yamna sap toui haibadu.
23 Pumnamaksi lousinggi mapanna chang toukhraba wapham ngaktani. Eina khallammi. "Asingba mi ama oigani." Adu-bu hekta oiba yaramde. 24 Asengbadudi yamna thapna leibani, yamna lubani. Kananasu irai laina phangba ngamde. 25 Pukningsi chap yungladuna lousinggimeira amadi taibangpan-gi potsinggi maru thirure. Adubu masidagi phanglakpadu atei karisu natte phattaba thabak toubasi kannade aduga apangbagi matougum thabak toubana angaobaga pangkhakki haibasidani. 26 Nupigi tatna asibagi hudagi henna kalli. Magi thamoina nangbu sumba ngammi. Magi pambom anidu yothlinggi matougummi. Mapu Ibungobu pennaba toujariba midutana mangondagi nanthokpa ngambani. Adubu pap chenba midudi mana irai laina khonba ngammi. 27 Paosandokpana takpiri, "yengu, matam sangna areppa khangdana, pot amagi mathangda ama khangattuna thiba yabamakhei thirure. 28 Lishing amagi manungda nipadi matik chaba amatta oirabasu yaowi. Adubu matik chabi nupidi mapham keidasu phangde. 29 Eina khangjabadi asini: Mapu Ibungona taibang mi semba matamda nupabudi pukchel tingna sembikhi adubu makhoi masana phattaba toujabatani.