Amos 7
7 Ishor-na asumna eingonda takpiri madudi yengjou, kummeigi mahei marongna maton nouhounana chonglakpa matamda koujeng harouna tananabagidamak Ibungona semle. Khangjou madudi hairiba koujeng harou tagadabadu ningthougi lourok phourok loiraba matungda lakkadaba mahei marongsingdudani.
2 Koujeng harousingduna malem leimada houriba napi singbi pumba takna chaba loikhrabada eina hairammi Ibungoda, "he Ishor, nakhu-yada punemjari ngakpiyu amasung kanbiyu. Ibungona ngakpi kanbidrabadi Jaco-bna matou karamna Ibungogi mayok yajaba ngamgadage? Mahakti asupki matik mapanggal solli.
3 Adudagidi Mapu Ibungona asumna eiga tainarabada hairiba koujeng harou taribasigi maramda pukning sokna takpirammi, "phare madu houjikmakti thoktrasanu."
Mei uba
4 Ishor-na eingonda utpirammi, "yengjou madudi Mapu Ibungona wayel cheirak pinnaba khambi mei thok-hallammi. Thorakliba khambi meisina aruba achouba ipakpu chakthe klammi. Masina malem leimabusu chakthe klammi.
5 Adubu eina Ishor-da nollukna hanggatcharammi, "he Ishor, nanai tollabana Ibungogi khuyakhada punemjei. Aing asa khaibiro. Adu nattrabadi matou karamna Jacobna Ibungogi mayokta lepchaba ngamgadage? Yengbiyu Ibungo, Jacobti asupki matik mapanggal solli.
6 Asumna Mapu Ibungona eiga tainarabada hairiba koujeng harou taribasigi maramda Ishor-na pukning sokna takpiri, "phare madu houjikmakti thoktrasanu."
7 Mapu Ibungonasu asumna eingonda utpirammi, "yengjou ulum thaduna sagatkhraba phaklang amagi nakanda Ishor-na ulum ama paiduna lepli.
8 Adudagi Ishor-na eingonda takpirammi, " Amos, nahak kari kari ubage?" Maduda Mapu Ibungoda eina ulum ama ui haina nollukna hanggatcharammi. Khudaksimaktada Ibungona eingonda takpirammi" yengu eina ulum ama Israel haina kouba eigi mishinggi marakta thamgani. Eina makhoibu lemna thadokloi.
9 Isaacki laisingdu khuntak lansihan-gani. Israelgi laiphamsingdusu lepnamak mang takhanggani. Jeroboamgi imung manunggi mayokta eina thangshang ama paiduna hougatkani.
Amos amadi Amaziah
10 Asigi matungda Amaziah haina kouba Bethelgi purohit aduna Jeroboam haina kouba Israelgi ningthouda pao ama tharammi. Mahakna thaba paodugi akuppa marondi asini, "he ningthou, nahakki nakhutta Amos haina kouba nipaduna namai kali teiba wa ngangle. Masina maram oiduna taibangpan pumba magi wasingsi tangam heingamdre.
11 Maduda Amosna asumna hairammi," "Jeroboam thanggi mayada chatkani. Israel magi pokpham lamdam thadoktuna mireibakta loi chatlagani.
12 Masida Amaziahna Amosta hairammi, "he kithum puba Ibungo, chatlo Judah haina kouba leibaktuda thuna yangna chatkhiduna maphamduda nachin-jak chajaru. Tungda thoklagadaba wa ngangge hairabasu maphamduda ngangjaru."
13 Kari maramgidamak nahakna Bethelda mapugi wa takthokkadouribano? Maphamsida karigumba matamdasu wa ngangganu maramdi maphamsi leibak ningthougi asengba laiphamni. Adugi mathakta leibak miyamgisu maphamsida Mapu ningnapham oiribani.
14 Asumna hainaraba matungda Amosna Amaziahda paokhum pirak-i, "eihak Mapu Ibungogi wa thakthokpa ama natte, aduga wa takthokpa amagi machasu natte. Eigi icham chamba san-senba, heibong mahei hekpa mi amani.
15 Adubu eina hameng yao senduna leiringeida Ishor-na eingonda Ishor-gi mishing Israel machasingda chattuna tungda thoklagadaba wa laothok-u takpikhi.
16 Maramsina Ishor-na takpirakliba yawadu tajaro madudi nahakna hairi, Israelgi mathakta tungda thoklagadaba wa ngangganu aduga Isaacki chagok salaigi mayokta achumba paotak piganu.
17 Adubu Ishor-na asumna takpiri, nakhoigi talloi saharda oktabi oigani. Nakhoigi napari namom sagatcharibasingdusu thanggi mayada ngamnamak chatkani.